برنامج سعوديات بلا محرم

آآآآآآآآآآآآآآآآه وربي يحوبو يحطمونا وبس
ادخلو موضوعي واقرأوه << مأساة فتاة مبتعثة
اللي زيي شو تعمل تهيء تهيء تهيء

عجبتني كلمة لو الرسول كان عايش مايرضي بالظلم هدا

اللهم صلى وسلم عليك يارسول الله محمد

لو انه عايش كان تبراء من اللي يقول المحرم ماله داعي

اضمن وانا قادرة اجيب الشهادة انشالله وراح اكون فعالة في المجتمع واقدر اصون نفسي عن الفتن بالصلاة وذكر الله من اصلا الواحدة لمن تروح هناك تتعلم الصبر وتحمل المسؤلية وتكون اقرب من الله لانها راح تمر باوقات صعبة ومافيه خوف عالبنت لو ركزت على دراستها ومن البيت للمعهد ومن المعهد للبيت من اصلا مافيه وقت للكلام الفاضي يادوب في الواجبات والمذاكرة الله يعيننا ويوفقنا

أتمنى من أخواني يردوا باسلوب طيب يعني بلاشي تجريح

المبتعثة تراها اخت من أخواتك ،، يعني النصح يكون باسلوب طيب ولا بلاشي

هي ماتمنت تروح لبلد ثاني إلا لإكمال العلم ماتمنت لسبب ثاني ،،

على العموم ربي يوفق جميع المبتعثات وييسرلهم ابتعاثهم

لا حول ولا قوة الا بالله
يعني دحين مسوين مشكلة علشان المحرم
شوفو انا معاكم و ضدكم
اولا صح زي حالت (ميما) كيف يعني هي طموحها الدراسة بره (بكيفها وين تبي تدرس )
ماعندها اخوان وابوها ماينفع يروح معاها طيب وامها واخواتها؟؟؟؟
ثانيا : انا مني شيخ علشان اقول لا يجوز السفر بدون محرم بس المرأه تحتاج واحد يسوي امورها وخاصة نسائنا ليش ؟؟
علشان من اول ما اتولدو ما خرجوا وشافو كيف المرمطة يعني على الاقل مو اغلبهم
مثلا المقاضي ,امور البيت , الروحة الرجعة من الكلية وزي هدي الامور يعني من جد تجيب الضغط للرجال فكيف النساء
وبعدين نقطة ثانية مثلا تسرلها مشكله مع اي واحد زي مثلا لا قدر الله خطف ضرب اغتصاب قتل مين بيكون المسؤول ؟؟
طبعا ابوها ماراح يسكت راح يلعن الملحقية والبلد وام الشغله فهادي نقطه صعبه
فانا من يعني وجه نظري انو الوزاره تحط قانون يخلي المحرم يروح ويجي مثلا يقعد في دولة الابتعاث 6 اشهر في السنة على الاقل يعني شهر في البيت وشهر عند بنتوا
او كمانا الام يجعلوها بدل محرم

بصراحة من الغلط إن البنات يشتكوا هنا بالشكل هذا ..

الحل الوحيد هو إنكم تكلموا إلي شرع هذا الأمر و هو رب العباد و تقولون له ليه يا رب فرضت علينا المحارم ؟؟ و ليه الركن الخامس من أركان الإسلام يسقط إذا ما كان فيه محرم ؟؟ (لاحظوا قلت الركن الخامس مو تكملة دراسة)
ليه تظلمنا يا رب ؟؟ ليه ما تبغانا نكمل دراستنا يا رب ؟؟
لأن الله سبحانه و تعالى هو الي فرض هذا الأمر .. و الي راح يتحجج و يقول ليه طيب ما يطبق الشرع إلا هنا أقول لو سمعنا كلامك الباطل الفاسد هذا ماكان هناك شرع أصلا .
اللهم لا تبعث من الطلاب إلا خيارهم .... اللهم آمين

و بعدين أنا ما أدري العالم هذي تبغى تبيع دينها و شرفها و كل ما تملك عشان هالبعثات .. ترى قبولك للابتعاث مو معناه إنك حصلت على شهادة من جامعة عالمية حتى الآن .. كم من الطلاب رجعوا إما بسبب فشلهم أو بسبب قرارات غريبة من الملحقيات أو بسبب الحياة المختلفة هناك .. و الأدهى من هذا كله يجينا ناس هنا و يتفلقون علينا حنا و حنا نخدم المسلمين و نخدم العالم و آخرتها ما يقدر يعدي الآيليتس أو يعديها بعد سنة و نص مع ستين رسوب (يقطع أبو الفشيلة).. غير قصص كثييييييرة من اعتداءات و تحيز الدكاترة و نحوه.. وأعرف أحد الأشخاص بعد أربع سنين رجع خالي الوفاض و لا كأنه درس شي مع إنه بكالوريوس علوم حاسب بسبب معاملة الدكاترة له ..

راجعوا نفسكم و احمدوا ربكم لأنها قد تكون خيرة لكم في دينكم و دنياكم و يمكن لو سافرتم راح تكون أكثر قرار تندمون عليه في حياتكم ..

_ من خرج في طلب العلم فهو في سبيل الله حتى يرجع _

يكفيني هذا الحديث .

انا متابعه الردود مع ضحكه وابتسامه ...

في ردود تقراها وتقول الحمد الله على العقل ... بعد العلم ذا كله والعقل الرزين والدارسه والاجتهاد والشهادة الكويسه ...
ابدا ماتتوقع رد كذا ..
تحس انو الي قال الكلام ذا مو معقوله انه درس ولا اخذ شهادة عاليه وهوا يقول كلام زي كذا

وفي ردود اضرب لها التحيه واقوول هذا الصوب وهذا هو الكلام الصحيح

انا مع الصح وضد الغلط لانو في ردود فيها اغلاط كثيييييييييرة ..

بس انا الي اشووفه انو المحرم ضرووورررري للبنت

في اي مكان سوا برا البلدة ولا جوتها

عاد مايجتاج اقول عن الفتن الي صاااارت بالايام ذي

وطبعا الي تبغا الخرب برا لا هنا بتحصله ولا تبي العلم هنا ولا هناك بتحصله

احس الموضوع صااار فيه النقااش قوي وكانو مضاربه ..

كل مييين يبغا الانتصار ..

واتمنى التوفيق للجميع

عذرا من الجميع لا اخطيت ^^

المحرم في السفر فقط واللي يقول غير كذا بتحفنا !
انحدى اي واحد يستطيع يجيب حديث واحد ولو ضعيف يقول ان المحرم واجب في حال الإقامة !