يا جماعة بصريح العبارة... مكتب تجسير يكذبوا علينا!!!

ياليت تعطيني رقم السوري ..تكفى انا خلاص ابنفجر ماحد رد علي من اسبوع وانا ادقدق عليهم ......ابغا اعرف شي واحد ملفي عندهم ولا لا

تكفى اخوي الرقم

انا كلمتهم قالوا لي هالآسبوعين يخلصون جميع المبتعثين

اسبوعين والكل يستلم قبوله يعني السالفه مطولة

السوري رد علي وقآل نفس الحكي بعد يومين !! هم الله يرجهم لا يقولوآ يومين يغيروآ 3 ايآم وربي أرحم ~ هع وربي فيوزآتي ضربت !!

لهم شهر يقولو يومين ..

ايش اليوم عندهم بكم أسبوع بالزبط ..


الله يكافيهم ..

ياريت الوزاره المرات الجايه تحط خيارات اللي يبغى يجيب قبول لنفسه واللي يبغى مكتب يعطوه مكتب ..

ويحطوا لست بأسماء الجامعات والمعاهد المعتمدة وعناوينها ..

واحنا كـ طلاب .. نختار اللي يريحنا ..

والله المكاتب بيسفرونا بعد مايجينا الضغط بسم الله علينا ..

في أمريكا حاليا أجازة > أخوي كان بيجيبلي قبول وقلي يوم الأثنين براسلهم لأنه في أجازة

لأن الحكومة والناس والشعب الأمريكي مأجزين الضاهر عشان الكرسمس
أسف للمشاركة اللي قبل > قراها هوآ بنفسو مافهم شي ههههه

بـ الله ~ بكل تأكيد اذآ عملوآ هآلشيء جميع الطلاب رآح يكونوآ في 5 ولايآت يعني تكدس طلاب سعوديين والوزآرة والقآنون الأمريكي مآ يسمح بهآلشيء ..

بس يعني مثلاً يكون التوزيع على أكثر من مكتب معتمد يعني 4 مكآتب وكل مكتب له مجموعة حتى الطآلب يرتآح والمعهد كذلك ~

وانا كمان كنت نفس وضعك
بس الحمدلله اليوم اول ماصحيت فتحت الرسايل
ولقيت قبولي في(غير هام) مع انو اهم شي ههههههه
المهم باااركولي جاني قبول في معهد EF في تورنتو

الافضل للجميع الانتظار مستعجلين على ايش كل يوم تكلموهم بيجي قبول للكل المساله مسالت وقت فقط لا غير

ثاني شي ليش تقول انهم يكذبوا عليك ليش ما تقول انهم طفشوا من كثر الاتصالات الي مليون اتصال في الدقيقه وليش ما تقول انه ممكن يكون سوء تفاهم او السسيتم عند الرجال الاول مو محدث وبين له ان اوراقك هناك وممكن تكون تصريفه

وان كانت تصريفه ايش تقدر تسوي لهم انت ؟

انا ما ادافع عنهم والله ولا اعرفهم بس هذا هو الواقع

واذا قلت نتمنى من الوازارة
انا اتمنى من الوزارة انها ما ترسل على معاهد تجتاريه
اتمنى من الوزارة انه يكون لك مشرف من السعوديه يعرف يجلس معاك وتتفاهموا سوا ايش تخصصك وايش تبغا تدرس وهو ينصحك بافضل الجامعات في التخصصو ينصحك بالحركات الي ممكن تسويها


مثال
انا رايح ادرس علوم حاسب مثلا حطوني في ديرة ما فيها علوم حاسب حتى لو درست في معهد الجامعه ما راح انقبل عن طريق معهدهم لانه مافي اصلا تخصصي وبعدها انواع التحويل ونقل العفش ووووو شغل ماله داعي



مثال اخر

شباب عندهم دبلومات يا كثرهم راحوا لجامعات ما عادلت لهم الشي الكثير وفي ناس ما عادلت لهم اصلا وهذا موضوع اخر ممكن المشرف من واقع تجربته يعرف وين الجامعات الي تعادل افضل شي وينصح الطالب وينسق معاه


المشرف يعطيك نصائح في اللغه الانجليزيه وبعض الكتب من هنا من السعوديه للتقويه وووووو


في النهايه المشرف بعد المناقشه معاه يقول لك الخيار الافضل لك انك تروح هذي الجامعه او هذا المعهد بعدها بناء على توصيه المشرف يجي القبول لك عن طريق المكتب وخلاص

انت تبذل مجهودك وتوفرة في دراسه الانجليزي هنا وجمع المعلومات ومع السلامه