مقابلتي في السفارة الأمريكية بالرياض 30 نوفمبر !

اخوي

انا سويت تاكيد للابليكيشن وارسلتها للايميل اللحين هذي الورقة اللي نطبعها وناخذها معنا وقت المقابله

طيب في عندي بيانات غلط وابي اعدلهم ماقدرت كل ماافتح يطلع لي طباعة وارسال الى الايميل هل توجد طريقة

وماني قادرة احدد موعد كل مااكتب بياناتي بالفيزا بوينت يقولي غلط ارجعي عيدي

الله يجزاك خير ع المجهود

أسدد رسوم الفيزا من بنك سامبا كاش هل ليا وللمرافق 532 ولا كل واح لو 532 وهل اسددها قبل المقابلة باسبوع ولا لازم من بدري وهل اقدر اسددها قبلها بشهر عادي لانو مقابلتي يوم 28 ديسمبر وابغ اسدد من دحين الرسوم اقدر


ومشكوووووووووووووووووور

ومبرووووووووووك علي الفيزا عقبال الشهادة من امريكا

نفس الاستفسااار عندي معلومات غلط عن الاي تونتي واشياء كثييير اش اسوي

أبلكيشن الـ DS-160 تطبعيه , اللي تجيك على الإيميل ( الورقة تكون صورتك + الباركود يكون على اليمين والبيانات ) ..

بالنسبه للتعديل , تسوي أبلود لاخر حفظ , وتعدلي البيانات وتكملي للاخر , واذا مانفع معاك اخر ابلود , سوي ابلود للملف اللي قبل الاخير وهكذا ! ..

بالنسبه لحجز الموعد , انا حجزت موعد غير مواعيد البرنامج , على العموم اغلب اللي حجزوا على مواعيد البرنامج , يسجلوا بياناتهم من غير رقم الطلب وتمشي معاهم ..

بالتوفيـق ..

روحي لبنك سامبا , وقوليلهم بسدد رسوم الفيزا الأمريكية , راح يعطوك ورقة تحويل تعبيها , ولازم تاخذي صورة من جوازك عشان تعبي البيانات بنفس الإسبيلينج ورقم الجواز الخ ..

كل واحد له أبلكيشن خاص يدفع 532 ريال سعودي .. كل ماتسدديها قبل يكون أحسن , عادي سدديها في أي وقت , ولاتنسي تصوري الايصال بعد التسديد لإيصال دفع رسوم الفيزا وايصال السيفيس عشان التعويض في الملحقيه لاحقاً ..

بالتوفيـق ..

كابتن ..
أول هارد لك بخسارة منتخبنا..
ثانين ...
واجهتني مشكلة وإنشالله تطمني بالرد السريع..
أنا عندي مقابلة الإثنين 13 ديسمبر . الساعة 2 إلى 4
وما ادري أيه الي نساني أن عندي في نفس اليوم الملتقى في جدة ..
وحاولت أغير موعد المقابلة في السفاره المكتب يقولي ما ينفع لأن ما أخذت يوزر وما ادري أيه المهم ماينفع ..
وأنا حاجز طيران خلاص يوم السبت أكون في الرياض ..
الزبدة أحتمال أول يوم في الملتقى في جدة ما أحضر هل يؤثر علي أم لا وهل إذا حضرت ثاني يوم ووضحة لهم عذري بيتفهمو أم لا...
أتمنى الرد دليفري..
وشكرا .. يا ملك.

كيف ماينفع ؟! .. هذا حقك حبيبي , اخر فرصه تقدر تغير فيها موعد المقابله هي قبل الموعد بيومين , فــ بأي حق المكتب يقلك ما نقدر ؟! ..

انت أكيد اشتريت اليوزر حق المواعيد عن طريق المكتب , طيب حالياً اللي عليك تسويه , ارجع للمكتب وقلهم أبغى اليوزر والباسوورد حقي , يصير تعدل وتطبع وتسوي اللي تبغى , علاوة على ذلك ماراح يأثر على المكتب بشيء !

بالنسبه تحضر الملتقى أو لا , أنا اشوف أول يوم هو أهم شيء , لإستلامك بطاقة الملتقى , والله أعلم !

نصيحة مني والحل , روح للمكتب وطالبه باليوزر والباسوورد تبعك ..

بالتوفيـق ..

يعطيك العافيه

بس بغيت أتاكد التعويض من الملحقيه يعوضوني بعد ما أسافر يعني وانا في امريكا

أو يعوضوني قبل السفر ؟؟؟؟؟؟؟؟؟؟؟؟؟؟؟؟؟؟؟؟

التعويض يكون في بلد الإبتعاث ..

بالتوفيق ..

السلام عليكم جميعااااا
انا توني جاي من السفاره ولله الحمد الامور
كلها تمام ولا تشيلون هم ترا الوضع بسييييييط
مافي اي تعقيد وبصراحه كل الي في السفاره كانو
متساهلين يعني اذا عندك اي سؤال اسال
والمقابله جدا بسيطه بعد ما سال اساله كثير
وما طلبو مني الي ايصال سامبا والجواز وورقة التاكيد
الي فيها صورتك وورقة الموعد .
المعذره kewl بس حبيت اطمنهم
والي ماقدم على الفيزا يقدم وبالنسبه للاي تونتي
سالني عنه وقلتله للحين مو معي قالي اي وقت يجيك
ارسله .
وووبس ياللا عقباااال الجميع ^_^

ماشاءالله تبارك الله , ألف مبروك لك !

وعقبال الفيزا قريباً ..

بالتوفيـق ..