مين معي في جامعة northern stste university ولاية :south dakota

December 7th, 2010, 12:40 AM

راح ندخل في الموضوع على طول ..

طبعاً انا جاني قبول في ولاية south dakota في جامعة northern stste university طبعاً قبول لغه وجامعة مع بعض طبعا قبول اللغه اكاديمي من نفس الجامعه .. تخصصي بكالوريوس تقنية طبية ..
انا استلمة القبول تقريباً في 10 / 12 /2010 يوم شفت الولاية ما اعجبتني قلت ياولد خلنا نغير الولاية وفعلاً طلبت من مكتب تجسير تغيير الولاية اخترت ولاية فلوريدا وجابولي قبول لغه فقط في معهد تجاري معهد ELS في مدينة تامبا طبعا انا قلتلهم جيبولي قبول في معهد تابع لجامعه وابي قبول لغه وجامعه لاكن جابولي بس قبول لغه في معهد تجاري بعد .. قلت ياولد خلنا نسأل عن المعهد لقيت انو المعهد فيه تكدس طلاب سعوديين والكلاسات فلل سعوديين والمعهد ماحد يمدحه وناس نصحوني اني اشوفلي قبول غيره يقولون المدينه حلوه وماتتفوت من جميع النواحي من ناحية الاجواء واماكن الترفيه والمطاعم العربية والمساجد لاكن ماتصلح لشخص يبي يدرس لغه تصلح لواحد خلص مرحلة اللغه ويبي يدخل على الجامعه على طول هذا بنسبه لمدينة تامبا والمعهد التجاري ..

اما بنسبه لــ south dakota مدينة aberdeen يمدحونه من عدة نواحي الناحيه الاولى معهد اللغه اكاديمي وقوي على كلام الراوي المدينه مافيها عرب واجد هذا يساعدك على اتقان اللغه في وقت قصير بس مشكلتها انو جوها بارد جدا في الشتاء في نفس الوقت المدينة رخيصه جداً ..

اخيراً هذا الموضوع راح احدثه بستمرار عشان نجمع اكبر قدر من الاشخاص الي معنا في الولاية والمدينه حتى لو معنا في الولاية والمدينه تختلف ..

راح يكون لي تواصل مع الاشخاص الي معي بنفس الولاية فا الي يبي ايميلي او رقمي يراسلني على الخاص وان شاء الله مابنقصر معه والي عنده اي معلومات عن المدينه والمعهد او اي شي ثاني عن المدينة يفيدنا ..
راح اسوي نسخه من الموضوع ذا واحطه في قسم امريكا الولايات الوسطى ورح احط الرابط هنا في الموضوع عشان الي متواجدين في الولايات المتحده يساعدون في اي شي سواً في الولاية او المدينه وان شاء الله مايقصرون معنا ..

اخيرا اسأل الله لنا ولكم التوفيق في الدنيا و الاخره ..

• نشر عبر تويتر
• نشر عبر فيسبوك
• نشر عبر جوجل