تــعــالوـا هنــا دقيقـه ..!

December 19th, 2010, 03:41 AM

الســـلآم عليكم ورحمــه الله وبركـاته ...


صبــإح الخير لطلآب البعثـه الكــرـام ..

مااطول عليكم خلني ادخل بصلب الموضوع ...

خذوـا نصايح من قصتي وتجارب لكم ؛؛ ( حكيم زمانه )

اليوم رحت للمستشار في صاله الابتعاث الدور الارضي ( السبت 18-12)

والموضوع كـان بخصوص العمر اللي تطلب بعض السفارات إنه الطالب لآزم يكون عمره 18 سنه


طيب واللي دافور ودرس وعمره 5 سنوــات . < وش يسوي .

رحت للمستشار وقلت له وإنا من طلآب كندا .. قال ليهـ ؛>> إطلب تحويل لآمريكا وعطاني ورقه بيضاء اكتب اللي تبيه فيها

قلت له يا ابن الحلآل إنا باقي ع دراستي شهرين بس .. < يعني ماله داعي هالتحويل .

قلت ابي منكم خطاب وصايه لآ اقل ولآ اكثر ..

قال ليه ؛ مستحــيل نعطيك ..

قلت والحل ؛ قال ليه مااادري ..
رحت ودبرت واسطه ودرعمت على مكتبه جووا المبنى . وناداني من برى يا فلآن قلت له لبيك لآنه دخلت وشفت زحمه ماحبيت اضايقه اكثر واكثر .

قال لييه انت باقي لك 6 شهور على ماتصير 18 سنه قلت ايـوه .

قال اسمع :.

انت لآ تسوي حاجه لآ تقدم على ضمان ولآ تقدم على فيزا ولآ حتى تاخذ قبول الجامعه من تجسير مالك دخل بإحد .

روووح وتعالي شهر 1-6-1432هـ < يكون وقتها باقي لك على ماتبلغ السن شهر واحد نضبط وضعك ونرسلك لتجسير تجيب قبول جامعه .

قال ليه بهالفتره هذي إدخل معهد وجيب فوق الايلتس فوق الـ 5 ..

ورـاح اطيح منك سنه المعهد وإدخلك للجامعه طوـالي .

ومن هالكلآم وإنك تختار الجامعه اللي تبيها لآنه الحين تجسير مضغوط من الطلآب
بعدين تجيه ع رواقه وتختار اللي تبيه .
قلت عطني ورقه او شيء ع الكلآم هذا ؛ قال ليه إنا مدير البرنامج هذال العتيبي تعال عندي ولآ يصير خاطرك الا طيب والبعثه ماراح تروح منك لآنك ماطلعت ضمان ولآ شيء .
قلت له الله يجزاك بالخير ..

الاشياء المستفاده من القصه .:.

اذ جبتوا ولد او بنوته لآ تدخلونهم للمدرسه وعمرهم 5 سنوات خلوهم لما يكملوا 6 سنوات وبعدين دخلوهم .


بس يا جماعه اعتمد ع كلآمه او اروح اخذ منه ورقه مع اني قلت له ابي ورقه قال انا هنا المسؤول تعال عندي ع طول .

شباب رايكم لآ عدمناكم ..

وشكرـأ لكم .

• نشر عبر تويتر
• نشر عبر فيسبوك
• نشر عبر جوجل