الفيزا الكندية ( طريقة تعبئة الأبلكيشن + معلومات هامة )

.



.





.





.







.................................................. ........

بسم الله الرحمن الرحيم

صبآح \ مسآإء الخيـــــر

بما أنوو الحين وقت فيزا و سفارات و حوسه < تبي تقول ان الكل يبي يطلع فيزا الحين :$

قرر غرور الصمت انو يسوي موضوع عن الفيزا الكنديه و كيف نقدم لها و هيك يعني ، و ما شاء الله عليه جمع كل حاجه
و انا جالسه اتفرج بس :$:$

يعني بالاول و الاخير كل الشكر له ..

يلا الحين ركزوا معي ، عشان ماتحتاجون مكتب فيفا و ولا غيرهـ

اول شي :
المستندات اللازم ارفاقها للسفارة الكندية :

أولا :: الجواز الأصلي .
ثانيا :: شيك مصدّق .
ثالثاً :: صورتين شخصيتين .
رابعاً :: استمارة الفيزا .
خامساً :: الاستمارة المرافقة .
سادساً :: خطاب السفارة (الضمان المالي) .
سابعاً :: صورة بطاقة الأحوال .
ثامناً :: صورة من أول صفحة في الجواز .
تاسعاً :: صور من القبول الجامعي من المعد أو الجامعة المبتعث لها .
عاشراً :: صورة مصدقة من آخر شهادة لك بالانجليزي مع السجل الأكاديمي .
إحدى عشر :: صورة من شهادتك الثانوية بالانجليزي .


~
طبعا راح تعبون ابلكيشن تصريح الدراسه و هذا موجود على موقع السفارهـ

تفضلوا افتحوا الملف ~ هنآ ~

شوفوا بالصفحه الثانيه من هذا الملف راح تلقون اسعار الفيزا

اول شي السائح (visitor) :
فيزا دخول مره واحده للفرد بـ 75 دولار كندي و هذا يعادل 285 ريال سعودي
و للعائله ع الاقل 400 دولار كندي و تعادل 1520 ريال سعودي

كمان في ملاحظه موجوده بالصفحه الثانيه
انو اذا الشخص اول مره يقدم ع فيزا سياحية راح ياخذها ع طول دخول لمره واحده
لكن مره ثانيه يقدر ياخذها متعدد دخول

و متعدد الدخول للشخص ( سائح طبعا ) قيمتها : 150 دولار كندي و تعادل 570 ريال سعودي

...

و رسوم تأشيرة فيزة الطالب هي : 125 دولار كندي أي ، 475 ريال سعودي

في الصفحه السادسة بنفس الملف
في تنبيه ع حاجاات ضرورية تأكدوا انكم سويتوها .

اول شي :
1- يجب ارفاق 3 صور بحجم صورة الجواز لكل شخص مضاف للأبلكيشن ، مع كتابة الاسم و تاريخ الميلاد خلف
كل صورهـ .
2- يجب على الرجال عدم تغطية رأسهم ( في الصوره يعني ) .
3- تأكد من اضافة رقم الجوال ، الفاكس ، الايميل . للتواصل معك عند الضرورهـ
4- انت و زوجتك \ زوجك ، و الاطفال مادون 18 سنه يمكن إضافتهم في ابلكيشن واحد
5- يجب ملء ابلكيشن منفرد لمن هم اكبر من 18 سنه .

كذا يكفي ما راح افصل اكثر اقرأوا الملف وكله راح ينفعكم ان شاء الله .

بالصفحه الثامنة بالملف توضح مواصفات الصورهـ ، و هنا في ملف فيه امثله على صور خاطئه واخرى صحيحه
اطلعوا عليه :

http://www.cic.gc.ca/english/pdf/photospecs-e.pdf



الان نروح لـ الصفحة التاسعة ، الصور اللي راح احطها الحين راح توضح لكم طريقة تعبئة الابلكيشن هذا
و ما راح ازيد عليها ولا حرف ، و كل الشكر لـ غرور الصمت ع الصور مرهـ حلوووين و ينفعون من جد !

تفضلوا :








و هنا شرح لتعبة الاوراق التكميلية او بالاصح ترجمه للابلكيشن كلوو ..








و بكذا نكون خلصنا تعبئة الابلكيشن وارتحتوا من همّه ..
نجي لرسوم الفيزا
طبعا وضحت لكم فوق الرسوم بالنسبة للسائح و الطالب
خلونا نتكلم عن فيزة الطالب .. راح نحتاج لدفع الرسوم شيك مصدق من البنك الاهلي ( يفضل )
و طبعا الشيك يكون بالدولار الكندي و قيمته 125 دولار

ويسجل الشيك بأسم : THE RECEIVER GENERAL FOR CANADA

مثل ما قلت لكم يفضل ان الشيك من البنك الاهلي
و البنك الأهلي يتعامل مع البنك الكندي CANADIAN IMPERIAL BANK OF COMMERCE
تقدر\ي تصدر\ي الشيك بالخصم من حسابك اذا عندك حساب ، او بالدفع نقداً و هم يصدرونه لك
تدفع\ـي 125 دولار كندي للفيزا و 10 ريال رسوم للبنك .

و صوروا الايصال عشان اذا وصلتوا كندا ترسلونه للمحلقية و يعوضونكم عنه *_^


و هذي صورهـ للشيك




الحين خلصنا ، سويتوا كل اللي قلت لكم عليه ؟

طيب خذوا هذي الورقه ، وشيكوا ع ملفكم اللي راح ترسلونه للسفاره اللي موجود أشروا عندهـ عشان ماينقصكم شي


http://www.cic.gc.ca/english/pdf/kits/forms/IMM5483E.PDF


مرهـ راح تنفعكم الورقه هذي

...

بالنهايه : لو كان في بينك و بين السفاره وسيط يعني مثل المكتب راح تحتاجون هذا الشي
مثل الوكاله .. تعطونه للوسيط عشان يقدر يراجع السفاره نيابه عنكم

http://www.cic.gc.ca/english/pdf/kits/forms/IMM5476E.PDF


الحين خلصتوا كل شي ؟
عبيتوا كل الأوراق ؟ جهزتوهم في ملف ؟ < اخلصي !!!

:$:$:$

الحين روحوا عند ارامكس وارسلوها للسفاره الكنديه :$ راح ياخذ عليكم 75 ريال ،
اما لو بتعبي الابلكيشن كله عن طريق مكتب الفيفا راح ياخذ 150 ريال على الجواز + 50 ريال اذا كان
بيعبي لك كل الأوراق

* ملاحظه : أرآمكس أسرع من الفيفا


~
هنا عنوان السفارهـ

موقع و مكان السفارة : حي السفارات
الرياض ، المملكة العربية السعودية

العنوان البريـدي : ص. ب : 94321
الريـاض 11693 ، المملكة العربية السعودية

هاتف: (1 00966) 2288 - 488 ، 0292 – 488 ، 0275 – 488 ،
فاكس : ( 1 00966) 4881997 ، 4880137 و 4825670
عنوان السفارة على الانترنت : ryadh@international.gc.ca

اوقات الدوام

السبت إلى الأربعــاء : 08:00 - 16:00


قسم التأشيرات

العنوان ، الهاتف ، الفاكس و الايميـل
ص . ب 94321
الرياض 11693
هاتف : 2288 – 488 (1 – 966)
فاكس : 9657 – 488 (1 – 966)
إميـل : ryadh-im@international.gc.ca


وهذي إجازات السفارة في المملكة لـ سنة 2010



التاريخ + مغلق بسبب

2 يناير (بدلا من يوم 1 يناير)
عيد رأس السنة الميلادية

2 يناير (بدلا من يوم 1 يناير)
عيد رأس السنة الميلادية

3 ابريـل (بدلا من يوم 2 أبريل)
الجمعة العظيمة

4 ابريـل
عيــد الفصح

3 يوليـو (بدلا من يوم 1 يوليو)
العيد الوطني لكنـدا

11 سبتمبر(سيتم تأكيد هذين اليومين فيما بعد)
عيـد الفطـر

20 سبتمبر (سيتم تأكيد هذين اليومين فيما بعد)
عيد الفطـر

25 سبتمبر (بدلا من يوم 23 سبتمبر)
اليوم الوطني في السعودية

17 نوفمبــر (سيتم تأكيد هذين اليومين فيما بعد)
عيـد الأضحى

20 نوفمبـر (سيتم تأكيد هذين اليومين فيما بعد)
عيـد الأضحى

25 ديسمبر
عيـد الميلاد (الكريسماس)

26 ديسمبر

يوم تقديم هدايا عيد الميلاد


و بعد ماتقدمون الأوراق و ترتاحون من هم الابلكيشنز و كذا ، انتظروا الين مايتصلون عليكم ارامكس
يقولون لكم تعالوا
بعدها روحوا عندهم و خذوا الجواز و متعوا عيونكم بالنظر للفيزا

اي و هذي صورة الفيزا :$




و عقبال ما أحط لكم صورة فيزتي :$ و اشوف فيزكم انتوا كمان

أتمنى انو الموضوع كان خفيف عليكم و اني ما كثرت كلام مع اني ما اتوقع احسني تكلمت كثير
لكن ان شاء الله كله لصالحكم ،

كل الشكر لـ غرور الصمت هو اللي جاب المستندات و الصور كللها .. انا كل اللي علي نسقت الموضوع

فـ اذا رد ع الموضوع قيمّوهـ اذا ماعليكم امر ..

و ادعوا لنا كمان انو ربي يسهل اجراءتنا ، و ربي يوفقكم انتوا كمان و يسهل اجراءاتكم و نشوفكم بكندا *_^

و اي تقصير اعتذر عنه ،


تحياتي
.. هذا الموضوع برعاية قروب PLI


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,