طلآب المآستر بخصوص التوصيآت والشهآده والسجل الاكآديمي

واللة عندي نفس سؤالك ولا اسئلة كثيرة بعد وماعندي لها اجوبة يارب احد يجي ويفيدنا...

كل أوراقك تترجم من الشهادة - السجل الاكاديمي - التوصيات ...الخ

و تتختم من الجامعة اللي انتي تخرجتي منها ممكن تطلبين منهم يعطوك نسخ و هم يختمونها لك ( نسخ طبق الاصل )

و لما تقدمين ع الجامعات في بلد الابتعاث تقدمين بالمترجمة طبعاً ....... بس ما يمنع انك تاخذي شهاداتك الاصول معك ..

بالتوفيق ^^

التوصيات الي ناخذها من استاذات الجامعه لازم يكون مسجل فيها ايميلاتهم او ارقامهم و تكون توصيات بشرح مو تكون على شكل استبيان

لازم جميع مستداتك تكون باللغة الانجليزية ..

طبعا اذا جامعتك او كليتك ماعندها مكتب ترجمة ..

تترجمين انتي اوراقك بمكتب ترجمة خارجي .. وتحطينها بفلاش

وتروحين مكتب شوؤن الطالبات ويطبعونها لك بورق رسمي ويختمنها لك وتوقعينها من العميدة

سوا السجلات الاكاديمية او الوثيقة .. وبعدها تصورينها عشر نسخ او خمس نسخ وتختمينها طبق اصل

اما التوصيات حالتها حاله لها كلام ثاني ..

تطلبين من الدكاتره نماذج انجليزية نصية وليس مجدولة .. ويطبعونها لك على ورق رسمي

واهم شي بالتوصيات تكون وسائل الاتصال لنفس الدكتور موجوده ويوقع عليها

ونفس الشي تصورينها نسخ وتختمينها طبق اصل ..

انا جلست 3 اسابيع اروح واجي للكلية لين خلصت هذا كلة ..

لانك راح تحتاجين لها في التقديم للماستر .. وكل جامعة لها طلبات مختلفة

هذا غير الـ c.v .. والغرض من الدراسة ..

لو سويتها كلها بتكون كاملة اوراقك ان شاءالله وطبعا كلها باللغة لانجليزييييييييية وترجمة صح

ياجماعه

انا زوجتي لما راحت للكليه بخصوص التوصيات

قالو ماعندنا الا نماذج الجداول

جبت لها كذا نموذج توصيه ورفضوه

قالو ماعندنا الا جداول والورقه الرسميه اللي عندهم مصوره بعد وتعبأ بخط اليد

يعني ماادري كيف ادبرها هاذي واخاف ماتقبل بالجامعات هناك

هل اروح للجامعه وادخل على مديرها او اروح للوزاره او كيف

احد يدبرني بليز

ونقطه مهمه

واحد من الشباب يقولي قدمت على جامعه وطلبو مني شرح المواد بس انا مافهمت كيف وصفها

هل احد عنده خلفيه عن الموضوع هذا وصف المواد؟

نفس اللي سويته بس باقي الـ c.v .. والغرض من الدراسة .. =)

بسألكم بنات شهاداتنا الاصول نحطها بظرف من الجامعة ونختمه ؟!

لأني شفت اكثر من بنت يحطون الاصول بظرف وطبق الاصل بظرف =(

خلها تروح لدكتورة طيبة .. وتفهمها انها بتكمل دراستها برا ..

انا دكاترتي كلمتهم رفضو لين قلت بروح برا اكمل دراستي

عطوني كلام نصي بالعربي .. ورحت اترجمة بالانقلش ترجمة صحيحه

وطبعته من شوؤن الطالبات على ورق رسمي طبعا بالتوصيات وسائل الاتصال جبتها من الموقع

وعطيتهم يوقعونها ورجعت اختمها من نفس شوؤن الطالبات , ونسختها طبق اصل ..

خليها تشرح حالتها لدكاترتها مستحيل تفيدك وزارة التعليم العالي هذي حاجتها هي مالها دخل الوزارة ..

او انت خذ اسامي دكاترتها الرجال وادخل عليهم اشرح لهم السالفه ترا الرجال تعاملهم اطيب من النساء

وعن تجربة دكاترتي تساعدو معي اكثر

بسألكم بنات شهاداتنا الاصول نحطها بظرف من الجامعة ونختمه ؟!

لأني شفت اكثر من بنت يحطون الاصول بظرف وطبق الاصل بظرف =(

عني انا ماحطيتها ظروف مايحتاج سألت صديقاتي اللي راحو وقدمو على جامعات قالو مااحتجناها

وسألت اكثر من وحده وقدمو على كذا جامعة ..

ماادري عنك اذا حابه تسوينها سويها .. بالتوفييق

^
طيب عادي تآخذ الجدول وتحوله الى كلام

انا كذا يوم رحت لهم عطوني توصياتي على شكل جدول ورحت حولت الكلام اللي بالجدول الى نص

وطبعته ورحت للدكاتره اللي عطوني التوصيات وقلت لهم انتم عطيتوني جدول وحولته نفس اللي بالجدول لكلام

ووقعوه لي بدون اي مشآكل

والله يسهل ع الجميع ~