خــــــــاص لمبتعثين كـــنــــــدا من لديه >>> ( استفسارات+اسئله +استشارات) يتفضل

[QUOTE=abu3raad;2516950]السلام عليكم..

مجهود رائع أخي الكريم..تشكر عليه بصراحة..

عندي سؤال حول التوقيع الي في الأبلكيشن..يقال إنه لازم يطابق التوقيع الي في الباسبورت..
أنا وقعت ع الأبلكيشن..بس ماوقعت في الباسبورت..؟

هل هذا شرط ملزم..؟
[/QUOT

خانة التوقيع عندنا بالسعوديه بالجواز غير مطالبين فيها

بمعني انه لايوجد ليكي توقيع معتمد بالجوازات مثل نظام البنوك يطابقون التوقيع

تقدري توقعي على الجواز مثل التوقيع اللي في الابلكيشن مافي اي مشكله حتى توقيعك اللي بورقة تقديم الجواز شي روتيني ولا ينظر لها

السلام عليكم ورحمه الله وبركاته
جزاك الله خير على هالمجهود الجبار
جعله في ميزان حسناتك وتلقاها إن شاء الله في دراستك بإذن الله
سؤالي هو الآتي :
كم أدفع للتأشيره حيث أنا مبتعثه وزوجي مرافق وعندي طفلين ؟
وزوجي له فيزه سائح

اولا حبيت السلام على الاعضاء الكرام والمشرفين المحترمين وان شاء الله ان راح نستفيد ونفيد

عندي السوال وهو
انا جاني رساله من مكتب تجسير الفكر كتالي


وعلى فكره انا طالب ماجستير في تخصص كيمياء ابي منك تفيدني اي المعاهد اختار
وايضا باي مدينه التوجهه لها
ويعطيك الف عافيه
اخوكم سلمان2

احب اسأل جزاك الله خير
ياليت يكون عندك خبره بهالشئ
انا طلبت تغيير موعد بدء الدراسه وتأخر كثير يعني بعد شهر 4 ود. الموسى قال اخر موعد
لاصدار قرار الابتعاث شهر 4 وش اسوي ؟

اما قيصريه هههههههههههههههه


شوف خذ اي ورقه معك تثبت انك مبيتعث او البطاقه اللي انت استلمتها من الملتقي

وروح مكتب الطيار هم عندهم خلفيه كامله عن وضع الطلاب المبتعثين

بيحجزون لك بالموعد اللي تبيه طبعا الحجز بيكون مبدئ ويعطونك ورقه مطبوعه مكتوب فيها اسمك

ووقت رحلت والخطوط اللي انت طالع عليه تفاصيل الرحله كامله

بيقولك الموظف لازم تجيب لنا امر الاركاب قبل السفر باسبوع او اسبوعين على شان ما نكنسل حجزك

وتظطر تحجز حجز جديد...

ملاحظه :لو كنت مو من الرياض يمكن المكتب يقول لك ما نحجز لك لان الحجز عند المكتب الرئيسي

بالرياض حاول تتصل من المكتب على فرعهم الرئيسى على شان يفهم فرعهم بالنظام


وهذي تجربه حديثه من الاعضاء بالحجز المبكر وسيبك من الاشخاص اللي رحوا وصرفوهم مكتب الطيار

من حقك تحجز من الحين

http://www.mbt3th.us/vb/forum134/thread244007.html


موووووفق

بالنسبه لتقديم الفيزا قدم عليها قبل موعد دراستك بشهرين يعنى لما يبقي 60 يوم عن دراستك

قدم عليها لانك لو قدمت عليها من الحين بيرفضونها ميه بالميه النتيجه واضحه بتخسر بس حق الارسال

ومن ناحية تقدم مرتين احسن ليش يا اخى انت مين قال لك انت كمل اوراقك وقدم بيقبلون الطلب ويصدرون لك التاشيره

وفي اسوا الاحوال لو رفضوها تقدم مره ثانيه الوقت كافي انك تقدم مرتين وثلاث مرات

خلال شهرين لان الفيزا تقديم والرد عليك ما ياخذ اكثر من 15 يوم كحد اقصى واغلب الاحيان خلال عشر ايام فقط

وخلينا نقول انك منحوس ورفضوها خمس وست مرات عادى جدا يكفل شي واحد انك تاجل موعد دراستك بالمعهد

شهر الموضوع ابسط مما تتخيل ..


وبخصوص التذاكر تحجز مبدى وتحدد الخطوط ووقت الرحله من مكتب الطيار

وقبل موعد السفر باسبوع او عشر ايام تروح للوزاره وتاخذ امر الاركاب وتعطيه مكتب الطيار

على شان يقصون لك التذكره ..

ومن ناحية الطريقه شوف ردى رقم :35

وبالنسبه لمتى السفر الى كندا

هذا يعتمد على الترتيبات اللي انت مسويها

يعنى اهم مافي الموضوع السكن لو انك قدرت توفر السكن من هنا قبل السفر وحجزته اوكيه

في هذا الحاله بوجهة نظري قبل الدراسه تسافر بعشر ايام او ثمان ايام لان اسبوع كافي قبل الدراسه

تتاقلم فيها على الدوله ...

في حال ما حجزت سكن وتبي تدور بنفسك هناك سافر قبل الدراسه با اسبوعين او 18 يوم

لان الوصول قبل الدراسه بشهر والجلوس بدون اي فائده بتخلى الشخص يتملل ويطفش

مووووووووووفق

الحين ابوكي شغال بالملحقيه في كندا وجايه تسالينى انا

بالنسبه ليك 125 دولار كندي

وزوجك واطفالك : 400 دولار كندي

لان يعتبر زوجك بيطلع فيزة سائح عائليه مرافقين معه اطفاله

طبعا هذا السعر غير شامل حق الارسال من مكتب ارامكس

بالتاكيد انك اخذت رائى كثير وكل شخص يمدح لك في معهد معين


وانا بعطيك رائي الخاص حيث انى لا املك معلومات عن كل المعاهد

معهد ILSC ممتاز وله فروع في فانكوفر وتورنتو ومونتريالا

طبعا مونتريلا ابعد عنها نهائيا لان اللغه الرسميه الفرنسي

والانجليزيه عندهم لغه ثانيه ...

باقي مدينة فانكوفر مدينه ممتازه وتعتبر من افضل واجمل مدن العالم مو كندا بس

عيبها انها بعيده شوي لكن مدينه جدا رائعه وفيها السعوديين والعرب

كانك عايش في دوله عربيه ما تحس بالغربه

المدينه غاليه شوي بالنسبه لمدن كندا والمدينه تتميز بالامان يوجد فقط كم حى مشبوه فيها

عادي يعنى لو نويت عليها حاول ان تبعد عن هذي الاحياء ...

بالنسبه الى تورنتو : مدينه ما رايح تندم ابدا لو درست فيها مدينه كبيره والامن فيها

فوق الممتاز وارخص من فانكوفر بالسكن لكن فانكوفر ادفئ منها بشكل بسيط

وتعتبر اكبر مدن كندا وقريبه من العاصمه اوتاوا طبعا فانكوفر بعيده جدا عن العاصمه

طبعا ما يفرق كثير القرب او البعد عن العاصمه وتورنتو العاصمه التجاريه
مثل جده عندنا بالسعوديه ويميزها انك وانتى جاى من السعوديه الطياره تنزل فيها

اما فانكوفر طبعا الطياره تنزل في تورنتو وبعدين تاخذ رحله داخليه 5 ساعات حتى

توصل فانكوفر على شان كذا اقول فانكوفر بعيده....

هذا اللي اقدر افيدك فيه

والله يوفقك

تاخر كثير كيف يعني ؟ متى وقت موعد الدراسه الجديد ؟

وبعدين الدكتور الموسي لا يجلس يفتى من راسه ويقول اخر موعد لى اصدار قرار الابتعاث هو شهر 4 مو بكيفه

وين التعميم اللي يقول كذا لو صحيح هذا الكلام كان وصلت رساله للمبتعثين

تفيده بهذا الشأن ...


وثاني شي: لو صحيح ان اخر موعد لا اصدار قرار الابتعاث هو شهر 4

كيف الوزاره تختم القبولات اللي جات للطلاب بشهر 7 لو صحيح كانوا رفضوا ان يختموا القبول

الخاص بالمعهد وقالوا لهم رحوا المكتب وجيبوا قبول قبل هذا الشهر

لان كثير من الطلاب دراستهم بتكون بشهر 6 و7

طيب والتقديم على الفيزا لابد ان يكون قبل الموعد الخاص بالدراسه بشهرين

لان قبل شهرين ترفض السفاره طلب المبتعث للتاشيره

يعنى الطلاب اللي بشهر 6 و7 يقدمون على التاشيره في شهر 4و5

وعلى ما تصدر التاشيره اسبوعين وبعد ما تاخذ التاشيره يروح يصدر قرار الابتعاث

طيب لو صحيح ان قرار الابتعاث اخر موعد شهر 4 بكذا يكون كل الطلاب

اللي بشهر 6 و7 و8 مايصدرون لهم قرار الابتعاث

اللي بوصله لكم انه لايوجد تعميم يقول اخر اصدار لقراتر الابتعاث شهر 4

لو موجود هذا القرار يعنى الوزاره دايخه ولا هم عارفين وش جالسين يسوون ومن حق الطلاب

ان يقدموا شكوى عليه في الديوان الملكي ...

والموسي هذا مع الاسف يضغط على الطلاب ويخوفهم على الفاضي

اسلوبه تعبان الله يرضي على الدكتور الفاضل المحترم :ماجد الحربي

لو معك قبول معهد مختوم من الوزاره ما عليك بالموسي وخرابيطه

لوقال اخر موعد لا اصدار قرار الابتعاث شهر 4 اطلبي منه قرار الابتعاث وامر الاركاب بدون

التاشيره ؟

تحياتي