جاني قبولي باوكلاهوما..وماااااعرف عنهاا شي؟؟ بليييز علمووني ^_^!

والله طلعنا زحممه ههههههه

ياجماااعه انا راسلت المعهد على نفس الايميل الموجود بالورق

رسلت لهم اليوم العصر اني ابي اجل دراستي الي شهر ابريل او مايو اويونيو اقدررر

وردو علي الحين

قالو نو بربلم اختاري اي يوم واي تااريخ

ونجيب لك اي توني جديد

انا تخصصي احياء

طيب نبي نعرف ..
هل المعهد تجاري أم أكاديمي ...
وش معنى هو دراسته تسعة شهور ..
ليش ما يكون سنة ..
ونبي نعرف وش برنامجه الدراسي .. عشان الواحد يستعد نفسياً ..

والله يااليت نلقى اجابات لاسئله الاخ فيصل
بس شكل المعهد تجاري

اولا ..ارحب بكم جميعاا بمووضووعي اللي واخيرا امتلى بالمشاركاات ^_^!

ثانيا..هلا والله وغلا بزملاء الدرااسه والله يجعلها علينا فااتحة خير قولوا اميين

ثالثا..بخصوص التااجيل ما شا الله الاخت بسبوسه وضحت لنا الطريقه والله يعطيعا العاافيه وهذا اللي انا كنت ابي اتاكد منه مع اني لسى ماني عارفه كيف نظام الكورسات عندهم بس الحمد لله دامني اقدر ادرس بالتاريخ اللي ابيه مررره كوويس

رابعا.. حيااك اخ فيصل "يابن العم ^_^ الاخت غااامديه" وهم طال عمرك قايلين لك تقدر تمدد الى سنه اذا ما قدرت تنجح بالتسعه شهور ..واصلا اي نظام لغه بالعاليم دايم تلاقيه من تسعه شهور الى سنه وانت لك حريه التمديد بس همه كنظام معروف لهم يقولون لك تسعه شهوور فلا تخااف .. وبعدين صرراحه انا دخلت ع موقع المعهد "تلاقي الاخت زاجورا حاطه الرابط تبعه باحد المشاركات" وصرااحه كلامهم مره كويس ومشجع..يعني يقولك ان هدفنا هو تاهيل الطالب الاجنبي للدراسه الاكاديميه بالجامعات الامريكيه ويتم الموضع ع ثلاث مراحل.. اامرحله الاولى اذا عديتها تكون عندك القدره ع اجراء محاادثه بطلاقه والمرحله الثانيه تكون عندك القدره ع القراه السريعه والكتابه وكتباه المقالات والمرحله الثالثه الاخيره تهيئك لكتابة المقالات الاكااديميه وعمل البحووث..يعني ما شا الله تاهيليهم لك راح يكون تاهيل اكاديمي للدراسه مو بس للغه كلغه فقط غير انهم عندهم برامج تحضيريه لاختبارات التوفل وهالخراابيط يعني ما بتحتاج معهد ثااني عشاان التووفل .. صرااحه انا جدا متفاائله به حسيته كويس وان شا الله انه عند حسن الظن لا تنكد ع نفسك وخليييك متفاائل ^_^!

وحتى الولايه كثير يمدحونها من جميع النواحي من ناحية السكن ومن ناحيه الاجواء ومن نااحية المجمتع يقولن مره ودودين ..فما ادري صرااحه شخصيا متحمسه لها والله يكتب لنا اللي فيه الخير..!

هلا وغلا ياعسل وحيياك معنا..وياستي انا من الجنوب وكان ملتقااي بجده فما اعتقد اني اللي تقصدينها

طيب ياقمره بتاجلين والا بتظليين ع موعدك؟؟

ايوه يا طويل العمر .. انت ترسل للمعهد بانك تبي تاجل للتاريخ الفلاني وهمه راح يطلبون منك عنوانك وراح يرسلونه لك بالبريد او مدري وش.. وخلاص يصير عندك اي توني جديد واطلب موعد بالسفاره وسوي المقاابله وتراها تسااهيل ان شا الله ..

ياعزيزتي اي ايميل بالورق .. بس مكتوب عنواان المعهد.. ماشفت ايميل ؟؟

الله لا يهينك اكتبي لنا الايميل اللي ارسلتي لهم علييه.. اذا ماعلييك كلفه

شووفي ياعسل هذا رابط المعهد ادخلي عليه وحااولي انك تقرااين عنه شووي Educational and Cultural Interactions

احس انه اول مره الوزاره تبتعث له احد ..

يعني أتوكل على الله وأبداً بأجراءات الفيزا ...
طيب ألحين بيتغير رقم الاي توني صح ... ووبيتغير رقم السيفس ..
اممممم أجل نكلم التجسير ونطلب منه يغير موعد لشهر خمسة ... الاحتياط واجب ...
واذا فيه أحد يعرف الطريقه من دون ما نحتاج للمكتب يكون أفضل وبنفس الوقت اسرع ...
انتم عارفين هالشي ...

طيب انا طالع أدرس ماستر تسويق ..
.. ومافيه باللولاية بكبرها الا جامعتين فقط .
وانتم وش تخصصاتكم ..