معلومات وروابط رائعه لجامعة Southeast Missouri State University اللي حاب يتفضل

هلا فيك يالذيب

والله شوف يابعدي ... انا مثلك ترا ماقد رحت ودراستي معكم للغه

لاكن الحمدلله عندي لغه متوسطه فاستغليتها وراسلت الجامعه على موضوع السكن وماقصروا تحملوني وشرحوا لي كل شي

دامك اكبر من 21 عندك 3 خيارات

1- تسكن بسكن الجامعه .. مميزاته ان الوجبات مغطاه وعندك كل الخدمات مثل الجيم والمكتبه والفصول حقتك .. كذلك في باصات تشيلك من الجامعه للمدينة وترجعك بالويكندات .. وفي اكثر من 7 طرازات وتصاميم تقدر تختار منها الي يناسبك
بس عيبها انها غاليه ... يعني من 750$ وانت طالع

2- تسكن مع عائلة ... لاكن لازم انت بنفسك تدور ... لان الجامعه تقول مالنا شغل فيك ... وانا لو احصل صراحه خير وبركه لانك تتعلم معهم وتكسب ثقافه قبل ماتكسب لغه

3- تسكن سكن خاص .... مميزاته انك حر نفسك ... بس تخاف لا تطيح بشي مو كويس او بعقود طويلة الاجل او تكون بعيده عن الجامعه ووسيلة المواصلات مو متوفره ... بس حسب كلام ابو مها ان كل هالامور سهله في اكثر من مجمع هناك

ع العموم دامك فوق 21 ... فما عليك خوف .. ونصيحه مني لك وللاخوة البقية الي ناوين يروحون مثلي (اقولها لكم لاني ارضاها لنفسي وراح اسويها) ... قبل ماتوصل راسل الجامعه وعبي نموذج اعلام عن وصولك للمدينة .. وهم راح يستقبلونك ويودونك لفندق رخيص جدا متعاون مع الجامعه ونظيف تسكن فيه كم يوم لحد ما تدبر نفسك اما بالجامعه او بغير الجامعه

وسلامتكم

يعطيك ربي الف عافيه وماقصرت

معلومات بصراحه فيها مهلومات مهم بالنسبه لي

الله يجعلها في موازين حسناتك يارب

فيها مطار دولي او لازم اروح لسنت لوس ؟

وايش اسم المطار الي عنده خلفيه يعلمنا

عارف اني ثقلت عليكم بالاسئله بس تحملون الغربه

شينه وماحدنا عليها الا العلم

الله يوفقك وكلنا ما انحدينا الا طلب للعلم والمعرفه .... وكلنا نعين ونعاون

شوف يابعدي ..... انا طلعت تذاكري الربوع الماضي من الوزاره وكانت خط سير رحلتي كالتالي

دمام -> دوحة
دوحة -> واشنطن (دالاس الدولي)

بعد ماتخلص من واشنطن يوم او يومين او حسب ماودك .... تبدا رحلتك الداخليه وانا طلعت ع امريكانا ايرلاينز

واشنطن (ريجن) -> شيكاغو
شيكاغو -> سانت لويس
سانت لويس -> كاب جيرايو

ادري انها سالفه ومشوار ... 7 مطارات بس الله يعين ونسبة ضياع الشنطه اكبر بس الحافظ الله

بس ترا ماتطول ... بالعكس يمكن نلطع بمطار جده اكثر من امريكا ... يعني ع سبيل المثال ... رحلتي الداخليه انا

من اول ما اطلع من واشنطن الساعه 10 ص

اوصل كاب جيراديو الساعه 3 العصر .... ولا احلي ... خصوصا لو مقعدك ع النافذه


اسئل يابعدي اسئل ،،،،، لاتخلي شي بخاطرك ... بجاوبك باللي اقدر عليه والعرب هنا مايقصرون

الله يعطيك مليوون عافية يا دكتور Eng.Dafer AlShehri
ويسعدك يارب دوم اخجلتنا بمعلوماتك الرائعه وتواصلك الجميل واتمنى لك التوفيق والوصول للمراتب العليا في الدارين وعقبال ما نشوفك بروفيسور

تم الحذف بواسطتي واسف على ذلك

【ツ】king abdullah scholarship【ツ】
قروب خاص,, برنامج الملك عبدالله ,, مواضيع ومناقشات - Overview | IMGroups - We host Group Chat on Instant Messengers! (Windows Live Messenger / MSN, Yahoo Messenger, Google Talk / GTalk)

حيـ الله ــاكم تنورون والله

يعطيك الف عافية يابو مها والله يسعدك ويكثر من امثالك من جد ذوق ياسيدهم انت، معلومات رائعه ومفيده جدا.

يعطيك العافية نتشرف بمشاركتكم.

تم الحذف بواسطتي واسف على ذلك

يابو مها ..


الله يعطيك العافيه وما قصرت على هالتواصل الرائع ..


بسألك عن الشقق " اعرف ان الاسئله كلها عن الشقق " :-)

بس انت تقول ان الشقه اللي انت فيها مع صاحبك بس ودي اعرف بكم شهرياً هالشقه الحلوه ما شاء الله .. وانت من متى وانت بهالمدينة لاني بكل صراحه متردد اجي فيها ولالا لأني احس انها مدينه " كئيبه " ما ادري ليه احسها كأنها مثل ما يقال عندنا " هجره " او قريه صغيره يعني مافيها شي يوسع الخاطر مثل الاسواق و السينما و غيره ..

- ياليت تقول بعد ادنك طبعاً كم مصروفك شهرياً بالدولار. ( مهم ) واعرف كل واحد له مصروف لكن تقريباً.
- هل هالمدينة قريبة من مدينه مهمه الواحد يقدر يروحها خلال الويكند.
- هل ايجاد احد يسكن معاااك سهل.
- وش تنصحني فيها بالنسبة للسكن انا رجال ما عندي خربطه ولا لف و دوران انا رجال اجتمااعي ولا احب اجلس لحالي يعني لو اجد للمدينه ولا القى احد زي الناس اسولف معاه و اطلع وادخل معاه بيجيني جلطه.
- اول ما اجي المدينة رايك احجز فندق كم يوم لين احصل سكن كويس ولا وشلون .
- بالنسبة للجامعه هل تنصحني نصيحة صادق اني اقدم عليها ولا ترى أن اتقدم لجامعه آخرى.
- المدينة فيها سعوديين وخليجيين كثير ولا وشلون .

عندي اسأله كثيررر و بزعجك فيها يابعدي لكن تحملنا و إن شاء الله ان جيت بجيبلك شوووي " غبار " من السعوديه :-) امزح معاك بس

ودي تتكرم علي ياغالي و تجاوب على اسئلتي و على التفاصيل الصغيره قبل الكبيرة لأنك بكل صراحه سويت فينا خير بهالموضوع و تواصلك الرائع ..

وتأكد إن جيت هالمدينة راح تكون انت السبب الكبير فيها .. والدعوه من القلب لك و لوالديك ..


جزاك الله خير ..