كيف ألغي بعثتي....؟؟..ياريت أحد يفيدني بليز....

الله ييسر لك امرك
وماتدرين يمكن خيره


الخيره فيما اختاره الله
المهم
بخصوص إلغاء البعثه انا راح اتكلم معك بدون تجربه أو علم لاكن شي مايبي له كلام
في حالة تبين تلغين البعثه اتوقع تروحي الوزاره وتقولين لهم وبكذا يكون خلاص راح يلغونها بحسب الإجراءآت
يعني اللي هنا ماراح احد يفيدك إلآ شخص مجرب ملغى بعثته
واللي الغى بعثته مآ أتوقع إنو راح يتواجد بمنتدى مبتعث إلآ نادرآ


اهم شي انا افضل إنك أقل شي تكلمي الوزاره وهم راح يقولو لك إيش تسوين بالضبط

وعسى الله يوفقك الجميـع

بالنسبة لي ..
انا سويت شي أسمه " خطاب اعتذار عن البعثه "
ووافقوا عليه مدير البرنامج .. والخطاب ورقه عادية تكتبين فيها أسباب اعتذارك ولازم تكون مقنعه ولازم تكتبين في الخطاب أنكم تشيلون أسمي من السستم عشان لو جيتي وقدمتي مره ثانية يقبلك على طول البرنامج ..
والحمدلله خلال أقل من شهر شالوا اسمي بالكامل من السستم وقالوا يمديك تقدم السنة الجاية وامورك إن شاء الله ماشيه ..
ومو لازم أنك تروحين الرياض اذا تعرفين احد ساكن بالرياض خليه يروح بنفسه ويقدم الخطاب للادارة ..
وكيف تعرفين أنو أسمك أنشال من السستم .. ادخلي على المرحلة السادسه وحطي رقم الطلب والرقم السري .. اذا قالك أن رقم الطلب أو السري خطأ .. فهذا يعني أنو أسمك انشال من البرنامج ..

والله يوفقك

كلام اخوي فيصل صحيح
قدمي اعتذار الى السنه الجاية واذا ما تيسرت منتي خسرانه شي
لانو ممكن خلال هذي الفتره يجي ابن الحلال ويمكن تتسهل امورك وتطلعي بعثه مع زوجك ( مجرد فكره طرت في بالي )
اتمنى لك التوفيق في الدنيا والاخره

يارب رحمتك انا مرة متوهقه مثلك

لازم تروحي الوزارة يا أختي

وتأخذي معاك السند اللي أعطوك هو يوم اديتيهم شهادتك

سبحان الله يابرنامج الابتعاث

بنات تبي البعثه وماتلقا المحرم

وبنات لقت محرم بس ماجتها البعثه وتدرس على حسابها


(ليش الوزاره ماتحط المحرم اختياري للبنت والله حرام الي نشوفه كثير من البنات الغو بعثاتهم بسبب المحرم حرام نقتل طموح البنت والحمدلله السعوديه فيها بنات متعلمات ومثقفات بس ماعطوهم الحريه وكثير شفنا بحوث واختراعات للبنات بالخارج او بالداخل عالعموم لو ابتكلم بالموضوع هذا راح يطول الكلام)


انا ادري فيه ناس بتعارضني على كلامي لكن شوفو بعيونكم واحكمو


وربي يوفقكم

اخي بارك الله فيك \
1\ الخيره فيما اختاره الله
2\ انا اشوف المحرم ضروري للبنت
ببساطه اذا الشاب تخاف عليه هناك من امور الحياة الجديده والتغيرات الغير مقبولة لدى مجتمعنا المسلم فكيف اذا كانت انثى وهي ارق قلبا من الرجل وكيف ستدير حياتها اذا كانت هذه المره الاولى التي تسافر فيها خارج بلادها ناهيك عن اختلاطها بالرجال لانهاء بعض مستلزمات الحياة ( لا اقصد التقليل من قدر الانثى بل كلي احترام وتقدير لها ) لكن انا اشوف المحرم ضروري في حياة المبتعثه . لان بيني وبينك صعب البنت تطلع بدون محرم
تبقى وجهة نظر والاختلاف لايفسد في الود قضيه
لك خالص احترامي

بالتوفيق للجميع