وش الحل مع الملحقية

February 2nd, 2011, 12:50 AM

السلام عليكم

والله تعبونا الملحقيه ادارة سيئة جدا هذا اللي اقدر اقوله
الوزارة قالت لنا في الملتقى ان القبولات راح توصل لكم خلال 3 اسابيع كحد اقصى
والان مر شهرين على الملتقى وما انتهينا من سالفة القبولات


المهم انا سويت المقابله قبل اسبوعين بدون الاي توني
وبعدها جاتني رساله من معهد Ec في سانفرانسيسكو وقالو نبي معلوماتك و قالو متى تبي دراستك
وعطيتهم كل اللي يبونه وارسلو لي الاي توني عن طريق الايميل وقالو بيرسلون الاصلي للملحقيه
وطبعاً هذا الكلام من اسبوعين

وانا ارسلت النسخة اللي ارسلوها لي للسفاره الاسبوع الماضي والاحد وصلتني الفيزا الحمد لله

ولاكن للآسف ما اقدر اطلع قرار الابتعاث ولا امر الاركاب واللحين انا معلق

وانا لي اسبوعين اتصل على الملحقيه اسألهم عن القبول و يقولون لي ان القبول ما بعد يوصلنا
وقلت لهم اني مكلم المعهد وقالو ان ارسلوه. وبعدين يبيون يصرفوني يقولون انه يمكن في مكتب البريد حقنا
قلت لهم ومتى بترسلونه قالو ما ندري <<<<< اجل من اللي يدري

وكل ما ارسل رسالة لمسؤول ما يجيني رد منهم

ابي حل .......
اللي يعرف اميل مسؤول يرد على الاميلات الله لا يهينه يسدحه تحت
VVVVV

• نشر عبر تويتر
• نشر عبر فيسبوك
• نشر عبر جوجل