لجميع المبتعثين .. تعرفون انجليزي والا من جنبها زيي :)؟؟

والله كمان زيك يمكن انتى احسن بشوي
لان دراستي كان بالعربي فنسيت شي اسمه انقلش
الله يعين

اعجبتني لغة الاشارة شكلي لو مررره تورطت استخدمها ^_^

الله يعين .. كلنا في الهوا سوا .. بس اكيييد في غيرنا كثير ومشي حالهم مبدئيا .. بس بعدين راح نجتهد ونتعلم باذن الله

موفقه ..

انا مثلكم مييييح بالانجليش

انا خريجة تحفيظ القران والانجليش ابدااا مومركزين عليه
وبعدين دخلت احياء كله بالعربي

بس انا عندي ثقه وعزيمه اني اتعلم اللغه باذن الله مع الممارسه والدراسه وراح تعب على نفسي في الايام الجايه

اعرف كثيير راحوا مايعرفون شي اكثر مني وفي 5 شهور جاو زياره انصدم من قوة لغتهم وسرعتها


وبالنسبه للمطارات لاتخاافوووون
انا سافرت من قبل اوربا وتجولت من مطار لمطار وانا ماعندي غير اللغه العربيه انا وزوجي ومطارات المانيا وفرنسا وسويسرا واسبانيا وهولندا ولنمسا ولاااااكلمه بالانجليش ولاحتى اللوح والموظفين امك داعيه لك اذا شفتي واحد يتكلم انجليش
ومع هذا الامور موصعبه ابدااا وامريكا اسهل طبعا لانها الانجليش وماره عليك بعض الكلمات
اصلا مايحتاج انك تسالين احد
لان اجرائات المطار مرتبه مثل السعوديه
ادخلي المطار واتجهي لشركة الطيران اللي راح تسافري لها واقطعي البوردنق وياخذ منك الشنط ويوزنها
وبعدين اتجهي لجهة المغادرون Departures وقبل ماتدخلين يختمون على جوازك ويطابقون تفتيش وبعدين قاعة الانتظار
اللين موعد طيارتك

واذا وصلتي على طول مع الناس وين يتجهون روحي معهم وختمي على جوازك (انتبهي لاتروحين مع الترانزيت)
وبعدين روحي لسير الشنط واخذي شنطتك والحمدلله على السلامه

الله يسهل امورنا يااارب

بالنسبة لي انا نص ونص يعني اخارج في المحادثة بس مشكلتي في الاملاء , و حنا رايحين نتعلم اللغة سنة كاملة تقريبا كافية وبزيادة تصير بلبل في الانجليزي , فلا تشيلو هم ونصيحة تختبرون اختبار تجريبي في التوفل من النت عشان تاخذون فكرة عن طريقته وبنفس الوقت تعرفون مستواكم .
وبالتوفيق

انا مدرس لغة انجليزية وزوجتي كمان
تحتاجين تحفظين نماذج في المحادثة واساليب الكلام لان الوقت مايسعفك تحفظين كلمات مفرقة وبعدين تستخدمينها في جمل وتقدرين تطلبين من الشخص اللي يتكلم معاك انه يهدي في كلامه ويستخدم لغة ابسط عشان تقدري تردي عليه. ومو لازم تتكلمين بابيات شعرية وجمل منمنقة اهم شي تفهمين المتحدث ويفهمك حتى لو مكسر ومعفوس. ( قرقر كثير قرقر مافي)

يسعد قلــــــــــبك على هذا الرد .. اديتيني امل وربي بما انك مجربه الموضوع .. ومشكووووووره ياقلبي على المعلومات لك تئبررررريني ماحلاكي

الله يسهل امورنا

مشكور اخوووووي .. تعرف لي موقع اقدر اختبر فيه اختبار تجريبي ؟؟

موفق ..

ههههههههه .. تسلم يارب على هذي النصيحه يعطيك العافيه اخوي والله يعين الي بيتحاور معاي يمكن يجيه الجلطه وبيصير يسوي كذا عشان افهم .. عاد انا من النوع الي يستلبد عشان يفهم الشي
يستلبد = يستقعد = ينشب الخ...

الله يعينكم و يسهل لكم اموركم

أما بالنسبة لي

فأنا سبق و درست سنتين في جامعة الملك فهد للبترول

و استفدت منها اكثير
سواء على مستوى اللغة
أو في مجالات الحياة الاخرى

و بالنسبة للغة ليست ذلك الشيئ الذي يضرب له ألف حساب

و راح تلاحظون اذا بديتم في دراسة اللغة
انها راح تجيكم بشكل سلس و تلقائي

كل اللي عليكم انكم تحاولون ان تستمتعوا بدراسة اللغة
و تستمتعوا بأوقاتكم في هذي الفترة

و انصح بمشاهد اكبر قدر ممكن من الافلام
قبل و بعد السفر

اتمنى لكم التوفيق جميعا

تحياتي

يالله اصعب شي لما تسافري وتكوني ميح في الانجليزي ,, انا الحمدلله زوجي ماشاءلله شطور في الانجليزي وانا مستوايا متوسط بس لما اشوفو يتكلم مع الناس هنا انجليزي اقله ايش هادا الانجليزي العجيب لانهم هما اهل بلد فيتكلمو بالعاميه اكتر ,, فانتي لازم تساعدي نفسك بنفسك وتدخلي النت وتشوفي مواقع وتحفظي كل يوم كلمات جديده الين مايجي وقت السفر لانك تقدري تطوري نفسك بسرعه احسن من الدورات اللي عندنا لاتودي ولاتجيب وكل شي يكون بطيء عندهم لكن انتي تقدري تخصصي لنفسك كل يوم جزء وتختبري نفسك فيه في النت وهتلاقي مواقع اشكال والوان تعلمك الانجليزي من الصفر ,, فنصيحه اتعلمي شوية انجليزي قبل لاتسافري لانه والله اول ماوصلنا كان في صحبتي معايا في المعهد ومعاها ابوها على حسابه واخوها المرافق كانو مايعرفو انجليزي وكل شي عندهم متعطل ومو عارفين ايش يسوو وخصوصا من ناحية السكن مو عارفين يدورو في نت ولا يكلمو اصحاب البيوت ولا اي شي فأنا كلمت زوجي وهو اللي دورلهم وسوالهم كل شي حتى لما راحو يوقعو عقد الشقه راح معاهم وقرأ العقد ليهم ,, يعني من جد ورطه وكمان لما يطلبو اوراق لما توصلي للمعهد او يقولو خشي موقع وعبي بيانات وانتي ماتعرفي انجليزي هتحوسي ,,يعني الواحد هيمشي وضعه من هنا ومن هنا وبمساعدة اللي حواليه بس تخيلي كم هتاخدي وقت ,, فأفضل انك تتعلمي بنفسك عشان تقدري تساعدي نفسك وتمشي امورك بسرعه ,, وان شالله انه ربنا يسهلك وترجعي ميه الميه في الانجلش ,,

وهادا موقع حلو ,, يختبرك في الانجليزي ويوضحلك مستواكي وبعدها ان شاءلله تتعلمي فيه ,,

http://www.englishjet.com/english_co...test_level.asp