الله يخليكم راح يضيع حلمي ادخلو

يالغلا لما تخلصي من ثالثه ثانوي تقدمي من موقع وزارة التعليم العالي طبعا الوزاره هي تحدد موعد للتسجيل في الابتعاث الخارجي وتضع شروط لكل مرحله وانتي عاد همتك والنسبه تابعي كل سنه اخبار الوزاره ومت تفتح التسجيل وسجلي بالنسبه لهذي السنه كان التسجيل من 1 رمضان الى 13 رمضان اتمنى اني افدتك يالغلا

ماشاء الله من جد اهتمام الله يوفقك ...التقديم مرة سهل وما قصرت الاخت وردت عليك ...اهم شيء ركزي على دراستك عشان النسبة وربي يحقق حلمك
ولا تنسين العزيمة والاسرار ويارب نشوفك بعد ثالث ثانوي مبتعثة
ولاتنسين الدعاء
ربي يوفقك وييسر لك امرك ويحقق حلمك...

السنة هذه التخصصات للبكالوريوس كانت محصورة على الطب
ولازم تجيبي فوق ٩٠٪ علمي في المعدل التراكمي وأعلى من ٨٠٪ في القدرات والتحصيلي وتشدي حيلك في الانجليزي السنة هذه كانو طالبين منهم اختبار ايلتيس ماادري ايش اسمه هذه بالنسبة لشروط هذه السنة
انتي لازم تشدي حيلك اكثر واكثر والله يوفقك

وش قصة الدرجه السابعه والسادسه بالبتعاث ماني فاهمه ايش يعني
واللللللللللللللللله يوفقكم يارب والله انكم افتوني الله يوفقكم

اقول لاتشيلي هم مو همك احنا بامريكا والطفش لا حقنا ... ونص المبتعثين رجعوا او راح يرجعون لانهم مالقو قبولات ’’’’ نصيحه فكري بدراستك الحين والسنه الجايه لها الف حل وحل

ماشاء الله اهنيك على طموووحك واهتمامك بس يااختي انتبــــــــــــهي تتعلقي بالسفر والبعثة وتنسي دراستك الان وبكذا يؤثر على تحصيلك ودرجتك اللي بتكوون اساس قبولك في البعثات ومنها <لاطلتي بلح الشام ولا عنب اليمن>
قصدك المرحلة السادسة والسابعة هي ياقلبي عدد السنوات والمراحل من بدأ الابتعاث للخارج
اتمنى لك التووووفيق والنجاح

بالنسبة للمرحلة السادسة والسابعة هذي دفعات ترسلها الوزارة كل سنة والوزارة متعهده بارسال 10 دفعات
العام القادم الثامنة ان شاء الله واللي بعده التاسعه وثم العاشرة باذن الله يعني اخر دفعه تكون عام 1435 باذن الله

الشروط مثل ما قالوا لك كل سنة تضعها الوزارة في بداية اجازة نهاية العام
لكن لكي تكوني بالصورة هذا رابط لشروط الابتعاث لمرحلة البكالوريوس والماجستير والدكتوراه ( طبعا البكالوريوس يبتعثون فقط لتخصص الطب )

الصفحات - شروط الحصول على البعثة

طبعا في كل مرحلة تستجد شروط وتتغير التخصصات على حسب رؤية الوزارة فيجب تكوني على اطلاع عند تخرجك من الثانوية العامة ان شاء الله

أولا: ركزي بدراستك واختبار القدرات والاختبار التحصيلي وحاولي تجيبي الدرجات المطلوبة
ثانيا: ان كتب الله لك البعثة فله الحمد والشكر والا فان الابتعاث ليس كل شيء فبامكانك التميز والابداع حتى وان درستي في الداخل

اتمنى لكي التوفيق وبما انك بهذه المرحلة وفكرك بالدراسة بالخارج فانك ان شاء الله ستحققين مرادك لكن ركزي واجتهدي بدراستك حاليا ولكل حادث حديث

تحياتي وبالتوفيق،،،