اسألكم بالله احد جاء من البعثه وما توظف

لاقصدي مو بنفس المدينة اللي اهلك فيها

يعني اذا انت بالرياض قدم على جدة والدمام والطايف وكل نقطة بالسعودية ...

واذا جاني رزقي برا السعودية مااقول لا ...

( علمت أن رزقي لن يأخذه غيري فإطمئن قلبي )

حرية الاختيار اولا واخيرا لك
وان شاء الله الكل بيجيه رزقه
أنا اعرف واحد من الشباب متخرج بماستر هندسه
وبعد رجوعه للوطن وفرحة اهله فيه جلس ما يقارب الـ 5 شهور يبحث عن وظيفه
وفالأخير توضف بأرامكو بما يقارب الـ 10000 ريال شهريا
ولكن حسرته ووحدته بالغربه وتحمله ما خلوه يرضى بالشي هذا
فاستمر بالتقديم حتى وصل الى خارج المملكه العربيه السعوديه
والآن هو موضف بالامارات راتبه ما يقارب 30 الف ريال
يعني انت تشوف الفرق وتحكم
وتعقيبا على كلام الاخ الفاضل الي يقول اتوضف بمكان ثاني والبلد الي مبتعثني والمفروض اني ارجع الاقي وظيفه من احسن ما يكون عشان نفسه يفتخر فيني انا اقولك يخوي انه اذا صار البلد نفسه مو متقبلك ويفضل الاجنبي عليك وش تسوي بالحاله هذي
هل يعقل الى الان ما زال بعض الرؤساء للشركات يقولون ان السعودي ما يلتزم بالدوام ومهمل وما ينتج ومن هالكلام الى ما يجيب ولا يودي
عزيزي رئيس الشركه او المؤسسه الفلانيه انا ما تغربت عن اهلي وتمرمطت هالمرمطه كلها عشان بالاخير ما التزم بدوامك الجميل
أضيف الى هذا الكلام قصه اخرى لأحد من الشباب ووالله أن جميع ما اكتبه ليس تأليفا او اختلاقا من مخيلتي
أحد الشباب له عم موظف بشركه مرموقه جدا بالسعوديه ومُصِر عليه ان لايرجع من البلد المبتعث اليها إلا بعد ان يحصل على الجنسية(الكندية) لماذا ؟؟
على حسب كلام قريبه له ( إذا رجعت بشهادتك هذي بتوظف براتب بالكثير 10000 ريال لاكن انت خذ الجنسيه وانا بسويلك استقدام من نفس الشركه على اني بجيب موظف جديد كندي " بنفس الشهادة طبعا لاحظوا " واستقدمك من كندا على السعوديه بعدها سوف يكون لك كل سنه سياره جديده من افضل السيارات وسكن مجاني " فالكمباوند طبعا " وأول مقبوض لك سيكون ما يقارب 60 الف ريال إلى 70 ألف )
والآن ! وش رايكم بالكلام هذا ...
يعني فعلا شي يخلي الواحد يكره بعض الناس , المفروض انا سعودي والوظيفه الممتازه والمرموقه تكون من نصيبي انا والله ثم والله يا شباب أنه لو يسوون احصائيه عن الشباب السعودي الي يداوم يوم ويغيب يوم وما ينتج بالعمل بس اهم شي يداوم ويجيه راتبه اخر الشهر ما توصل 25 %
وأنا متأكد من كلامي صراحةً طفشنا من إختلاق الأعذار البايخه والتي لا تمد للحقيقه بأي صله
عالعموم هذا ما كان في جعبتي وآسف أشد الأسف على الإطاله واعذروني على بعض الأغلاط لأنها لا تأتي إلا من الشيطان
تقبلوا خالص احترامي وتقديري

الأمل بالله وحده
الله يوفق الجميييع

انا ماتوظفت الله كريم

اخوي عبد العزيز
اليوم اخوي المرافق يقول لي اشرايك ناخذ الجنسيه الكنديه
صراحه استغربت من تفكيره !!! . اثر السالفه ان الاجنبي افضل من السعودي
لا حول ولا قوة الابالله .

------------------------
انا تخرلاجت من قسم الفيزياء ولله الحمد معدلي عالي
اخوي قال لي ليه مادرسين بقطر او الامارات تراهم يوظفون سعوديات وبرواتب عاليه بعد
ماعجبتني الفكره والله دولتي ماتستحق مني النكران .
----------------
والارزاق بيد رب العباد
اختي فاشله بدراستها بالثانوي والنسبه كانت بالسبعين وانا الي متخرجه معها بنفس السنه نسبتي اعلى منها
دخلت الكليه واهي جالسه بالبيت والترم الثاني قدمت على تمريض تدرسه بمعهد والشهاده لله انها ماتعرف بالانجليزي شي
تخرجت بعد جهد جهيد والحين متوظفه ولله الحمد
والله كلما اشوفها اقول سبحان الله من كان يقول توظف الله يزيدها من خيره
انت ثق برب العباد والله بيفرجها

دعواتي لي ولكم بالتوفيق والسداد وتحقيق مانريد من خير

اعتذر ع الاطاله

والله انا ماعندي خبره في هذا الموضوع عشاني مبتعث وافكر بس اني اخلص دراستي واخذ شهادتي وارفع راس ابوي واهلي وغير كيذا لو اعلقها في البيت ماعندي مشكله اهم شي الي ابيه وصلتله هع

الله يرزق اخواني واخواتي المسلمين مايتمنون يارب

الحمد لله انني تمكنت من الرد على هذا الموضوع والسؤال الذي يتبادر الى كل مبتعث .
انا اولا يا اخوان خريج 2-2010 والى تاريخ اليوم لم اجد وظيفه وليس هذا بسبب
معدلي او تكاسلي عن التقديمات حقيقة لم اترك بابا الا طرقته لكن لم يكتب لي نصيب ..
اضافة الى ان تخصصي مطلوب في كل الجامعات القديمه والناشئه ولكن لا حياة لمن تنادي ....

لا اريد تحطيم الاخرين لكن هذا هو الواقع .. وفقكم الباري

وش هالتخصص المطلوب, وبأي مرحلة حصلت عليه.؟

نوّرنا لنستفيد من مخزونك التجريبي