شروط المرحله الخامسه !!اين الدبلوم منها

مو معقول !

المرحله الرابعه كان فيها دبلوم والخامسه لا ؟؟


مايكفي ان الدبلوم ماكان له نصيب من الاولى والثانيه والثالثه


ايش الظلم هذا

يــارب

الله يسمع منك .......

المعذره بالأول لمشرف القسم , وهو وضعي للموضوع من دون قراءه مواضيع قبل وضعه ..

أخوي صاحب السؤال ... أسمحلي أقول رأئي بكل صراحه ..ولو أنه فيه من التشائم ولكن عشت تجربه العام ..

العام قبل وضع الشروط سجلت بهذا المنتدى .. وجلست أتابع صغيره وكبيره عن الدبلوم .. وحقيقتاً انظلمنا فيها ..

عشت جميع أنواع الأمراض النفسيه المؤقته مثل : الأرق ,القلق , التوتر , التشائم , الهم , فقدان السيطره .. إلخ

سجلت هنا وكنت متابع , ومن ضمن ماذكرته وزاره الصحه أنه طالبين 1000 مقعد لطلاب الدبلوم وكانت لأول مره تطبق الأبتعاث لهم , وبعد أنتهاء التسجيل وخطاء منى أنه صدقت بوضع بياناتي عكس البقيه , فالبعض منهم فقط الأمل وسجل بيانات وهميه لغسل يده مبكراً منهم ..

الحاصل ياحلو أنه كانوا واضعين ثلاث دول ومن أصعب الدول وهي : اليابان وكوريا الجنوبية والصين ,, وهذي الدول تشرط الدراسه بلغه البلد إذا كنت أقل من البكاريوس , كما أنها لاتعترف في الدبلوم , واللي متأكد منها هي الصين لاتعترف وتدرس من جديد .. وراح يكون دراستك أنك 6 أشهر أنجليزي وسنه لغه صينيه , وبعد التجاوز تدرس من جديد !!!!

أحسب 5 سنوات للبكاريوس وسنه ونصف لغه (( يعنى شهادتك الدبلوم بلها وأشرب مويتها ))

سيبنا من هذا الموضوع واللي تجاهلنا بوقتها وانصعقنا منها ...

الغريب كانوا طالبين 1000 مقعد , وبعد انتهاءا التسجيل ذكر انه اللي سجلوا 800 شخص , أي باقي 200 ولم يكمل العدد المطلوب , إذا الكل راح يبتعث لأحتايجهم وبغض النظر عن المعدل !!

اللي صار عكس كذا .. لما ظهرت الأسماء كانت طامه كبيره وعار على الصحه .. أختيارا الأسماء كان عن نظام الكمبيوتر تلقائي ويختار الأسماء عشوائيه لأعلى المعدلات المسجله .. طبعاً لعدم تفرغ الصحه لهذي الأمور الفارغه , تم صدر وذكرها بالجرائد وكان من ضمن الأسماء المقبلوه مبدئياً : شلطوح بن فلطيح بن الشفاطيح (( تشبيه لأسم ناسي ولكن اسوء من كذا )) هذا واحد فاقد الأمل من بدري وسجل بهالأسم الوهمي الخرافي وشكله وضع المعدل 5 من 5 خخخخخ

واعتقد الأسماء التي ترشحت كانت 623 أسم (( شي مثل كذا )) مع أنه بالأمكان يرشح الكل بما أنه لم يتجاوزا الشاغر والمطلوب ... الشباب اللي من ضمن ظهرت أسمائهم وراح للمقابله وكانوا من المنتدى , بعد المقابله رجعوا وقالوا ياشباب على حسب ماسمعنا وسألنا أنهم محتاجين 500 شخص , حسب مهو متوفر (( لاحظ كان 1000 بالجريده ))

وجالسين أحر من الجمر وأنتظار ومصارعه الأنتظار .. ترررررررشح

تتوقع كم شخص !!!

رشحوا 220 شخص فقط ؟!!!

من 1000 مقعد >>> إلى 800 (( شخص سجل وعدم وصوله للعدد المطلوب )) >>> 500 شخص (( على حسب ماذكروا لهم في المقابله )) >>>>>>> وترشح 220 شخص !!!

يعنى لاتفكر تأخذ منهم كلمه صح , ولاتتعب نفسك ...

طبعاً وضعت موضوع بالسؤال للمعرفه فقط , واحتماليه التسجيل والتجاهل حتى الافراز , أما اتابع آخر الأخبار والتواجد هنا .. غاسل يدي .. يكفى اللي أنا فيه .. ماني نقص وجع رأس أكثر .

نصيحه مني لك .. لو يوجد دبلوم بهالمرحله .. سجل وطنش وجهز أوراقك ... ولاتتابع أبداً .. إلين مايتم إرسال رساله لجوالك بقبولك ... الأنتظار قاتل .

>> بيفكر لو فيه , شو الدول اللي راح يضعوا هذا العام , روسيا وإلا تيوان ؟!! كل شي جائز

.. والمعذره ع الأسلوب .. ولكن أتكلم من تجربه عشتها ..

والله يوفقك