هنــا تجمع طلاب وطالبات التغذية ماستر..!!

ايش السؤال دا ترجمة دفتر العائله ..

معليش يعني فكرو شويه واقروا قبل لا تسالوا ..

محد في الخارج يعترف بدفتر العائله اصلا ..

لا يأختي ما يمديكي تغيري مكان التقديم اللي اعرف عشان لا يصير تكدس على اماكن معينه لانو توقف تعديل المدن في موقع الوزارة ولان لكل شخص موعد معين في يوم معين ومركز معين

عشان كدا هما سئلوا من البداية عن مكان الاقامه ..

يابنات.. ابغى اسألكم اذا تغذية اكلينيكة او الوريدية فيها كيميا او رياضيات ..
لأني متعقدة منها كثيييييييييييييييير واحتمال اغير تخصصي اذا عرفت اني رح ادرس هذي المواد
توفو,الحياة ألوان ,اروون ,هااتو ,روما,بليز لاتبخلوا بالرد لأن اجاباتكم حلوة ومصدر ثقة

ايوووه على ايميلي رسلولي بس اقصد على موبايلي ولا شي اهئ
وطبعا ماجهزت اوراقي ولاسويت شي كلو عشان استنى المسج زيكم اهئ

وبعدين ايش حكاية الترجمه الشهادات اصلان كلها بالانجلش ليش انتو عربي حتى كشف الدرجات انجلش

عزيزتي beeboo أهلا وسهلا بيك شرفتينا ونورتينا
وشكراً لثقتك بينا .. ولو نحنا اخواتك وازا ما سألنا بعض حنسأل ميييين ؟؟؟؟
بالنسبة لسؤالك عن الكيمياء والرياضيات ...بالمختصر المفيد
في تخصص التغذية تعتبر الكيمياء اساسية وخصوصاً الكيمياء الحيوية ...
الرياضيات .. هامة جداً لاهميتها في حساب الاحيتاجات الغذائية من عناصر الطاقة ( السعرات الحرارية )عند القيام بتصميم حمية غذائية خاصة بمريض أو بشخص عادي .
والتغذية الوريدية هي صح حلوووة وممتعة بس معقدة شوية ليييش ؟؟
عشان فيها قوانين خاصة بالمحاليل المستخدمة في التغذية على حسب الحالة المرضية وبالتالي كيفية حساب نسبة تركيز المحلول .و تخصص التغذية الوريدية يفضل للطالب المتخرج من كلية العلوم الصحية .
وفي تخصصات اخرى في مجال التغذية ما فيها لا رياضيات ولا كيمياء مثل ( ادارة التغذية - تغذية عامة - وغيرها بس مني مفتكرتها )



اتمنى اني اكون افدتك وهادي معلوماتي من خبرة ودراسة لمدة 5 سنين في تخصص التغذية .

الحياة الوان انتي دارسة تغذية وعلوم اطعمة؟ واذا بتتخصصي في التغذية اش راح تكون خياراتك.

أنا أعرف وحده مبتعثة في المرحلة الرابعة
تقول حتى بطاقة العائلة تترجمينها
بس أنا متحيرة في المطلوب مو مذكور ترجمعة بطاقة العائلة

روبا ....
انا متخرجة من كلية الاقتصاد المنزلي جامعة الملك عبد العزيز ( تخصص غذاء وتغذية )
وان شاء الله ناوية اتخصص تغذية علاجية (اكلينيكية ).. والتخصص الدقيق تغذية مرضى السكري أو التغذية الأنبوبية لانها نادرة في السعودية ومطلوبة جداً .
وفي تخصص جديد بأفكر فيلوا الا هو التفاعل بين الأغذية والأدوية هذا مررررة خطيييير بس لسع جاري البحث عليه .

تحياتي

تسلمي ياقلبو على الرد بس تتوقعي يقبلوا نتخصص في التغذية العلاجية؟ انا قدمت مرة على ماجستير تغذية علاجية في الحرس الوطني وماوافقوا قالوا لي عشان ماني متخصصة في البكالوريوس تغذية علاجية

اهلين بالجميع كيفكم ومبروك للقبول المبدئـــي وعقبال النهائي
ياحبايبي انا تخصصي اقتصاد منزلي عام تربوي من جامعة طيبة مين زي؟
ايه يصير تبع دا القسم يعني التحق بايه والله ماني عارفة راسي من رجلي كل يوم اشوف كلام تاني بليز مين زي كدا وايه اختارت؟
للمرة التانية اقدم بالبعثة وخايفة تروح عليه ابغى كلام اكيد الله يسهلكم اموركم ويكتبلكم البعثة يااااااااااااااااااااااااااارب