شرح التسجيل في موقع wes.org لمعادلة الشهادات

اتوقع شؤون الخريجين او القبول والتسجيل بالجامعه راح يفيدونك في تعبيته
وشكراً


( تمت المشاركة باستخدام تطبيق مبتعث )

شكرا جزيلا اخوي ماقصرت الله يجزاك خير
ان شاء الله يوم الاحد اخلص كل هالامور وارسلها 😣


( تمت المشاركة باستخدام تطبيق مبتعث )

أهلين أختي
اعذريني والله ماودي أحطمك بس اللي فهمته من كلامك انك تبين تعادلين شهادتك عشان تقدمين في برنامج الملك عبدالله للابتعاث المرحله العاشره ومو منطبق عليك شرط المعدل و يقبلونك صح؟ هاذي المعادله من wes معتمده فقط في جامعات أمريكا يعني اذا بتقدمين في الابتعاث ما راح تخليهم يغضون النظر ان معدلك أقل من المطلوب للأسف ،، هي صحيح راح تنفعك المعادله لما تطلعين برا و في التقديم لجامعات أمريكا و راح يعتمدون معدلك اللي فيها بس برنامج الابتعاث ما راح ينظر لها و راح يشوف معدلك اللي في وثيقتك اللي هو ٣.٦٨ من ٥
ما كان ودي أكون الشخص اللي يحطمك بس ما ودي تدفعين فلوس و تتخسرين في المعادله على أساس بياخذونها بالاعتبار وهم ما راح ينظرون لها

والله يوفقك و يسهل أمورك ويرزقك البعثة اللي تتمنيها



( تمت المشاركة باستخدام تطبيق مبتعث )

شكرا اخي يعطيك العافيه


( تمت المشاركة باستخدام تطبيق مبتعث )

الحمد لله بعد المعادلة ارتفع المعدل من 2.641 من (4) التقدير جيد في الوثيقة
الى 2.90من (4) والتقدير الجديد (-ب ) يعني جيد جداً
اعتمدوا فقط الساعات المكتسبة بدون ساعات الرسوب

انا ابنقل لكم تجربتي معهم لانها تجربة سيئة للاسف..
اولا انا معدلي الفعلي 2.4 من 4.0 والحمد لله ماعندي ولا مادة ماخذ فيها (F)لما دخلت موقع wes لقيت عندهم خيار تحط فيه درجاتك مع الساعات ويحسب لك المعدل طبعا بشكل غير رسمي. انا سويتها وطلع معدلي 2.9 وهذا شي افرحني وخلاني ارسل لهم اوراقي. طبعا مع انتظار حول الثلاث اسابيع تقريبا استلمت التقرير وللاسف تحطمت لعدة اسباب. اولها : معدلي بعد المعادلة نقص عن الواقع وطلع 2.34 من 4.0 تخيلوا في موقعهم عطاني 2.9 وفي التقرير 2.34 . طبعا انا رجعت للموقع قلت خل اشيك ثاني مرة يمكن في البداية كنت مخطي رجعت للموقع وحطيت درجاتي مرة ثانية لكن هالمرة كنت دقيق فيها وفعلا بعد ماخلصت طلع لي المعدل نفس الاول 2.9 !! طبعا انا راسلتهم وقلتلهم ليه نظام حسب المعدل في الموقع غير عن الواقع وحتى لو كان فيه فرق مايكون بهالفرق الشاسع .

ثاني الاسباب: في خلف التقرير حاطين السكيل Scale حق الدرجات والصراحة شي مضحك لما شفته. ال +B محسوب ب 3.33 وفي الواقع عندي ب 3.5 وال +C ب 2.33 وفي الواقع 2.5 وهلمجرا ففعلا هالشي يقهر الواحد لما يحطون سكيل اقل من سكيل درجاتك ..

ثالثا : شكل التقرير ابو ريالين كنه هندي طابعه لك بقرطاسية خخخخ الصراحة مايسوى كل هالتعقيد في الطلبات والمبلغ الغالي شوي , توقعت التقرير يكون اكثر فخامة مثل سجل الجامعة او على الاقل قريب منه.


انا توقعي وماني متأكد واللي اخبر مني ياليت يصحح لي ان المعادلة عندهم بالذات تصلح للي معدلاتهم من 5 اكثر من اللي معدلاتهم من 4. هي تصلح للي معدلاتهم من 4.0 في حالة كان الرسوب عندهم كثير لأن الرسوب (F) مايحسب بالمعدل في النظام الامريكي ( عشان كذا نص اللي يجون من امريكا بمرتبة شرف ) عكس نظام جامعة البترول اللي حتى الرسوب ينشب لك بالمعدل ( دماااااار) .

تحياتي لكم,,

فعﻻ انا معدلي من 5 وما عندي رسوب اﻻ ساعة واحدة فقط وبعد المعادلة انصدمت ان المعدل اقل ممتوقعت

يـ أخـوان .. هـل هـذا الـمـوقـع مـعـتـمـد لـدى جـامـعـات كـنـدا .!؟

ومـا هـي الـوثـائـق الـواجـب إرسـالـهـا .. الـوثـيـقـة والـسـجـل الآكـاديـمـي فـقـط .!؟

نعم معتمد والله اعلم
قبل تعبئة الأبلكيشن راح تحصل خيارين
امريكا او كندا
انت اختار اللي يناسبك

وبالتوفيق للجميع💐

ياخوان الي رسل من امريكا على اي شركه شحن ؟
واي شركات الشحن افضل؟