شرح التسجيل في موقع wes.org لمعادلة الشهادات

السلام عليكم

عندي سؤال
١- انا متواجد في نيوزيلاندا الان..وانا دخلت عل الموقع الاكتروني wes وقدمت على معادلة دبلوم الكليه التقنيه ودفعت الرسوم وكل شي وارسلو لي فورم .سؤالي بالنسبه للفورم من وين اختمه؟؟


تحياتي

تمت المعادلة ،، معدلي كان 2.34 من 5 وصار 2.27 من 4

يعني نزل 7 نقاط

بس مدري الجامعات الامريكيه تقبل هالمعدل في قبول الماستر او لا ..

اتمنى معرفه الاوراق المطلوبه لارسالها غير تعبأت الابليكيشن

هل هي السجل الاكاديمي و الوثيقه ..
هل الفورم تعبأته ضروري ؟؟؟ هل يصير انا اعبيه بنفسي ؟؟ والا لازم الجامعه .. ولازم ختمه ؟؟

ولله الحمد والمنة اليوم تم ارسال الاوراق الى امريكا عن طريق شركة آرامكس

لانهم ارخص شركة مقارنة بالبقية ، وهذه الاسعار بالريال ومدة الوصول ثلاث آيام او آقل

Aramex : 250
UPs : 473
TNT : 284
DHL : 481 ولموظفي ارامكو وسابك بــ 59 ريال
البريد الممتاز السعودي : 130 ريال ، والمدة حسب وجود رحلة ، يعني تابع مع قسم الرحلات ، واذا فيه رحلة بكرة ، راح يوصل ورقك بكرة ، واذا بعد اسبوع ، بعد اسبوع يوصل ورقك

الورق اللي ارسلته :

1- الآبلكيشن معبأ بالكامل ومختوم بختم الكلية (لابد ختم آنجليزي)
2- صورة من الجواز
3- صورة من الوثيقة مختوم عليها (طبق الآصل)
4- ترانسكريبت آصلي (واذا صورة مختوم عليها طبق الآصل ما فيه مشكلة ، بس انا حبيت احط الآصلي عشان ما يتكلموا)

حآليا منتظر وصول الاوراق الى الشركة

حرر بتاريخ 31-7-2010
الساعة : 2.40 مساءا ً

بآرك الله فيكم وانتظروا التحديث القادم

4- ترانسكريبت آصلي (واذا صورة مختوم عليها طبق الآصل ما فيه مشكلة ، بس انا حبيت احط الآصلي عشان ما يتكلموا)



أخي الكريم ماذا تقصد ب ترانسكريبت؟؟؟

تحياتي

ترانسكريبت = السجل الأكاديمي للطالب

وهو باختصار كشف الدرجات

موفق

سلام عليكم اخواني....

هل موقع ACBSP يقدم نفس خدمة wes ؟

انا خريج كلية الجبيل الصناعية تخصص ITSS و انشاء الله بروح كولورادو . بماذا تنصحوني...

ولكم جزيل الشكر

يا جماعة الخير

لازم الفورم ضروري ارسل..

اليوم سويت اوراقي ونسيت الفورم

انا بسأل بخصوص الفورم وأتمنى ألافي اجابه :

الحين انا بامريكا مبتعث الحمد لله والفورم معاي بس مافي ختم الجامعه
هل ارسلهم الاوراق والفورم بظرف مختوم من دون ختم الفورم هل بيوافقوا ولا لا
ولا بيقولو روح ختم الفورم ؟؟

اتمنى الاقي اجايه واضحه

حيآك اخوي

انت منت محتاج لا لشركة wes ولا لشركة ACBSP

اولا لانك خريج كلية ينبع والجبيل الصناعية ، وهذه الكلية معترف بها بكامل موادها في أمريكا الا في بعض التخصصات واذا ما خاب ضني ان تخصص الهندسة الميكانيكية معتمد بالكامل في امريكا وجاري اعتماد باقي التخصصات

ثانيا وحتى لو ليس معترف بكل المواد اللي درستها ، انت منت محتاج انك تعادل شهادتك لان معدك من 4 وليس من 5

وثالث حاجة لا تفكر في موضوع المعادلة الان

اطلع وادرس اللغة في المدينة اللي تبيها ، بعد كذا روح للجامعات بنفسك وتفاهم معاهم وجها لوجه ، طبعا بعد ما تتحسن لغتك

واذا تبغا قبول ، جيب لك قبول على الثانوية العامة من اي جامعة في هذه المدينة وارفع قبولك للتعليم العالي عشان يرفعوا ملف الحاقك

فقط لا غير

ومثل ما قلت لك

نصيحتي لك الان لا تفكر في موضوع المعادلة نهائيا الا بعد ان تتمكن من اللغة الانجليزية ، بعدها تفاهم مع الجامعة اللي تبيها وبراحتك

موفق بإذن الله وإن شاء الله