انا محتارة على تخصص اقدم في البعثة ساعدوووووني

السلام عليكم

والله يا ااختي الفاضله مادري وش اقولك
لكن انا زوجتي اختارت تجارة الكترونية وقالت بعدين بتغير لما تروح هناك مع العلم انها خريجة اداب لغة عربية
واليوم اتصلت على ولد عمي معاه دكتوراة تجارة ،، وبصراحه قال افضل التخصصات المحاسبة
حيث ان مستقبلها واعد جدا ولكنها صعبه جدا واستخرنا واخترناها
والماليه والتمويل تجي مرحله ثانية بعد المحاسبة
والله اعلم والله يوفقك ان شاء الله

شكرا ليك لكن اللي اعرفه ان المحاسبة صعبة على الأدبي

يعني كلها رياضيات وحوسة

طبعا صعبه جدا على كلامه لكن مستقبها واعد
في جميع الشركات والمستشفيات والمدارس الاهلية والبنوك وعلى رأسهم ( ارامكو ) وبأمكانك افتتاح مكتب محاسبة قانونية
والله يوفق الجميع يارب

تصدق راح اقرأ عنها وأشوف يمكن تعجبني

حبايبي ياليت كمان اللي يعرف يرد عليا

اذا عالطموح موجود ودراستي كانت كلها تطبيقية

يعني عالصبير والكرف عندنا القدرة لكن المنطق فين ؟؟؟

ياهو يعني كلمة او معلومة ماراح تكلفكم شي لا تمروا وتخرجوا

صباح الخير M!SS ME
أنا مثلك متخرجة من كلية التربية بجامعة الملك سعود قسم تربية خاصة
ونفس الحيرة إللي إنتي فيها ، خصوصا أنا أدبي والخيارات قليلة
لكن عن نفسي إرتحت حق التجارة الإلكترونية ، متفائلة فيها لأنها شي جديد
وممكن بعد التخرج يصير هالتخصص مطلوب أو راح أغير التخصص بعدين
أهم شي أضمن البعثة
بالتوفيق يارب

انا بكالوريس لغة انجليزية و بفكر زيك كمان ههههه اخترت التجارة الالكترونية رغم انها مو عاجبتني مرره ابغى تخصص اداري و مدري كيف عن تغير التخصص مضمون ولا لا الله يستر ومافي احد يفيديا هنا كمان

اول شي حبيبتي ..

حطي في بالك مافي شي سهل ابدا ابدا ..

وانا خريجه اداره ،
درست المحاسبه ودرست القانون ودرست التسويق ودرست الماليه ..

كلها تحتاج صبر ومثابره منك والاهم من هذا كله .. انتي راح تدرسي ماجستير يعني لابد شي انتي تحبيه وحاسه انك تبدعي فيه ..

المحاسبه تعنمد على الحسابات والتدقيق يعني ماهي سهله لكن للي يحبونها راح يبدعون ..

القانون .. حفظ × حفظ .. بس صراحه ما ادري عن مجالاته هنا عندنا ... لانه تخصص جديد نوعا ما عالبنات ..

التسويق ممتع ، لكن يحتاج شطاره منك وحركه لانك راح تكونين مسوقه ولابد لك انك تبدعين في هذا المجال ويعتمد كثير بعد على شخصيتك واسلوبك في العمل ..

التجاره الالكترونيه << تراها فرع من التسويق ودرسته على اساس انه تبادل سلع وخدمات وكذا عن طريق النت ..اكتبي التجاره الالكترونيه في قوقل ويطلع لك معلومات عنه .. بس اقولك ان التخصص كونه جديد ماله عشر سنوات طالع طيب ، ولابد تدرسين فيه قبل لا تدخلين في نظام الماستر بعض المواد البرمجه والحاسب بس مو بشكل متعمق فهمتي ..

الماليه حلوه .. قريبه من المحاسبه لكن كلهآ تعتمد على ضرائب وميزانيات وتعتمد عالدقه ... يعني تخصصات عمليه بحته مثل المحاسبه ..

..

اما تخصصات الحاسب فما عندي الا فكره بسيطه عنها ،،

اللي اعرفه انو في تخصصات مثلا في امن المعلومات .. < تخصص حلو تتعلمين فيه كيف تستطيعين مثلا حمايه المعلومات وحمايه الثغرات ..يعني تحتاج جهد وبحث منك انتي وشخص مبدع في هالمجال عشان يقدر يتمكن فيه ..

نظم معلومات اداريه mis > طبعا صنف على اساس انه تخصص من تخصصات الاداره ويدخل فيه حاسب .. يعلمك كيف تستخدمين الحاسب في العلوم الاداريه وقواعد بيانات ونماذج << اذكر درست ثلاث مواد منه ..

هذا اللي عندي ياقلبي واتمنى اني افدتك ..

دعواتك