توي راجع من تدقيق جدة + ملاحظة مهمة لا توقعون فيها

مشكووور .............

اشكركم جميعا على مروركم وتفاعلكم
اخوي kalanka ( من كان يؤمن بالله واليوم الاخر فليقل خيرا او ليصمت ) اكثر من كذا ماعندي رد عليك

توي فاطر ولسه مصدع بس حاسس بالقلق اللي فيكم وهذا اللي خلاني ارجع اكمل الموضوع

بالنسبة لموضوع امريكا
اول مادخل الموسى سلم علينا ونحن ننتظر الارقام الخاصة بالدخول للجنه التدقيق
وقال كم طالب ماستر ورفع 90% من الموجودين في القاعة رفع يده
وبعدها قال كم عدد اللي طالبين امريكا رفع نفس العدد تقريبا رفع يده

واعتقد لانه شاف اغلبهم امريكا مقدمين
تكلم عن مشاكل الفيزا في امريكا
وقال فيما معنى كلامه ( مو بالنص )
ان عدد المشاكل في الفيزا الامريكية لمبتعثي برنامج الملك عبدالله طول الاربع سنوات السابقة سجلتها الوزارة 109 حالة تقريبا فقط لاغير
وقال كل هالحالات سببها الطلاب نفسهم
وقال نعم الطلاب نفسهم صدقو او لاتصدقو
وفسر لنا اغلب الاسباب اللي رفضة فيزتهم

طبعا اللي اترفضو هم الطلاب اللي يروح امريكا ويدرس ويرجع لاهله يزورهم وهو راجع ثاني لامريكا ويجدد فيزته يتضح ويتفاجأ بعدم التجديد ورفض فيزته
وقال يعود السبب في هالمشكلة الى عدة امور اهمها :
1- الطالب عليه مشاكل دراسية وتقارير سيئة في امريكا بمعنى اخر قال هناك تقارير سرية يتم ارسالها من المعهد اللي انت تدرس فيه الى وزارة الخارجية الامريكية تراقب الطالب هذا وسير دراسته والتزامه وفي حال عدم كفائته الدراسية فان امريكا ليست بحاجة له وبالتالي يلغون فيزتك حتى لو باقيلك اخر ترم لانهم بيقولون هذا مو جاي للدراسة جاي لمشاكل امنية وماشابه ذلك
2- تغيير المعهد وركزو على هذي لان 90% من الحالات هي هذي النقطة
نعم تغير المعهد بنقولكم كيف شرحها الموسى
يقول الاي تويني يطلع لك على اساس انك جايب قبول معهد ويطلع باسم المعهد هذا ولم انت تطلع امريكا وتقول هالمعهد ماعجبني وما ناسبني وتغير المعهد طيب ما اختلفنا غيرت المعهد لكن هل ذهبت الى ادارة الهجرة او الشرطة او الجهة الحكومية هناك وبلغتهم بهذي النقطة ؟ اكيد لا
طيب واحد بيقول وش فيها بغير المعهد بكيفي
نعم غير المعهد لكن مطلوب منك تبلغ الحكومة
وضرب لنا الموسى مثال ومشكلة صارت معاه قبل اسبوع خلا القاعة كلها تضحك الله يسعده هههههههههههههههههههههههههههههه
قال جاه ولي امر طالب زعلان من نفس المشكلة الاسبوع الماضي ولده ما جددو له الفيزا ويقول انا قلت له مستحيل هالكلام لازم في سبب هات لي الولد وتعال
الاب عصب وقال مستحيل هذا ولدي ومن هالكلام عاد تعرفون الاباء دائما يشوفون اولادهم صح الا ما رحم ربي
ويقول جاب ولده عندي المكتب وسالته تغيبت عن المعهد ؟ قال لا
طيب بدلت المعهد قال نعم
طيب هل راسلت الجهات المختصة هناك بهذا الخصوص ؟ قال ياخوي عادي ما يحتاج يعني وش فيها لو غيرت المعهد
الا ويقول الموسى التفت على الاب وسالته سؤال الحين لو انا جبت سواق وشغلته عندك وش بتسوي فيه الجوازات السعودية ؟ قال الاب اكيد بتسفره قال الموسى له اجل سفر ولدك ههههههههههههههههههههههههههههههههههههههههههههههههه بصراحة تصرف ذكي من الموسى
يعني باختصار اي خطوة تسويها في امريكا بلغ عنها المسؤلين وقول لهم انا مثلا غيرت المعهد انا بدلت سكني انا انا وهكذا لان نظامهم كذا فلا تتجاوز نظامهم وبعدين تقول ماجددو لي الفيزا
طيب بعضهم مثل الاخ kalanka بيجي يقول اتكلم عربي واش دخل هذا في هذا
بقولكم
الان انت قدمت التاشيرة على اساس انك بتدرس في معهد معين وفجاة يتفاجاو انك بتدرس في معهد ثاني طيب كيف اعطوك فيزا على معهد معين وانت بتدرس في غيره ؟ نفس حركة السواق
طولت في رقم 2 لانها اهم نقطة وقال هذي 90% من المشاكل اللي تصادفنا
3- القصات والموضة
ايه نعم يقول الموسى لم يجي الواحد يسوي قصات مثل الكدش ولا بيسوي كول يقول هذا ايضا سبب وانت تحسب انك بتسوي مثلهم ويحبوك وانت غلطان
يقول والسبب ان في هذي الحالة يسمونك ( سهل الاستخدام ) يعني من قبل الارهاب
يعني يقولون عنك خفيف لو يجي اي احد يعطيك سلاح تستخدمه ما راح تقول لا لانك تتشبه بيهم في كل شي
وعشان كذا راح يقولون مانبي هذا الشخص حفاظا على امن الولايات المتحدة الامريكة
وبالتالي يرفضون طلبك للتاشيرة او لتجديدها

4- يكون على الطالب بعض المخالفات الامنية هناك مثل يسوق بدون رخصة امريكية او ينتهي تامينه الصحي وما يجدده في وقته او تامين السيارة او البيت نفس الشي يعني امور امنية او التزامية يتساهل في تجديدها اول باول سواء فواتير او التزامات مالية

طبعا انا جلست فقط موضوع امريكا وبعدها جا رقمي ورحت التدقيق ومشيت بعدها لاني كنت تعبان وهو كان ما شاء الله بيرد على الاسئلة الباقية من قبل باقي المتقدمين وماقصر والله
لكن موضوع امريكا اهم موضوع بحكم الكثيرين اللي متخوفين
لكن بصراحة فكرت في كلامه والله كلامه والاسباب السابقة منطقية جدا بالفعل


وقال اتحدا اي شخص يقول رفضوه بدون الاسباب السابقة مهما كان



نقطة اخيرة سمعتها قبل لا امشي
بخصوص صعوبة القبول في الجامعات الكندية
اكدها الدكتور وقال نعم في صعوبة
والسبب اخوانكم اللي قبلكم في السنوات الماضية هم سببو لنا هالشي
لاننا نجيب لهم قبول ونحجز لهم مقاعد ويجون في ااااااااااخر لحظة يقول بطلت بعثة ومن هالكلام
وبالتالي يقول الجامعات الكندية الان اخذه فكرة عن ان الطالب السعودي غير موثوق بطلبه
بالتالي لم نقدم الان على اللجامعات الكندية تلاحظون ما يقبلو اي شخص
وماعاد في قبول مشروط مثل اول

فقال هذي سببها اخوانكم اللي قبلكم مو مننا ومازالو يحاولو يصلحو العلاقات السنه هذي معاهم وربنا كريم

جزاك الله خير على التنبيه..

الإجتهاد الزايد بعض الأحيان يسبب مشكله

الله يوفقنا جميعاً

السلام عليكم
تقبل الله منا ومنكم صيامنا وقيامنا
لو سمحتم اللي يقدر يجاوبني لايبخل ورمضان كريم
انا مقدمه على ماستر علوم صحيه هل أكتب في نموذج الألتحاق بالجامعه عند خانة study magor التخصص العام اللي هو علوم صحيه أم أكتب تخصص دقيق ؟؟؟
تاني حاجه انا عندي خبرات عمليه هل أرفق شهادات الخبره ام أكتفي بذكرها في جدول الخبرات العمليه؟؟؟


اللهم إنك عفو تحب العفو فاعفو عنا ....

قل آمين

الله يفتح عليك ويوفقك ويوفقنا معك

مشكور أخوي هيثم النقيب

وجزاك الله كل خير ويسر امورنا ووقفنا جميعآ...

ماقصرت يعطيك الف عافية

وعليكم السلام
الافضل كتابة التخصص العام فقط نفس التخصص اللي اخترتيه في نموذج التسجيل في البعثات
اتمنى اكون افدتك

انا شخصيا عندي دورتين كتبتها وارفقت شهاداتها عربية ومترجمة
ماكانو يبونها مني بس جا المشرف هناك سالوه عن حالتي قال طالما كاتبها في نموذج الابلكيشن حق التسجيل في الجامعات الاجنبية يرفق هذي الشهادات
لكنها مو مهمة على كلام صاحبي لانه راح لمدققين غير مدققيني ما اخذوها منه رغم انه كاتبها في الجدول
انتي خذيها احتياط لو صور وان شاء الله امورك تمام ماتدري يمكن ربي يوقعك في وحده طفشانه ولا شي ههههههههه انا مقدم ماستر واخذت معي حتى ملف الثانوية ههههههههههههههههه <<زود الحرص
اهم شي تكون بالانقليزي مو عربي اذا ماعندك انقلنيزي بلاش لان الوزارة ما راح تسوي بيها ولا شي راح ترسلها الجامعات وغالبا ما راح يقدرو يجيبو قبول جامعات الا انتي تجيبيه فما تفرق

اتمنى اكون افدتك
ولاتنسيني من الدعاء في ظهر الغيب

اللهم امين
وربي اسعد شي عندي دعوة مثل دعوتك هذي ياخي تخليني اتشجع افيدكم اكثر بكل ما عندي من قوة
وعسانا اتوفق بمساعدتكم

اللهم امين جميعا يارب
وتحت امركم اي وقت

اخوي الطيب

هيثم

افدتنا الله يسهل امرك وينولك اللي بالك ويفتح عليك من علومه


دمت بخير وامان