نصيحة لكل بنت تحارب من اجل البعثة فكري واستخيري ربك مليون مرة

انا وجهة نظري مغاايره تماما

انا اصلا ما ابغى اتزوج موظفة فما بالك مبتعثة؟

فمنذ الازل ودور المرأة هو رعاية الاطفال والاهتمام بالشؤون الداخلية للبيت

فما اعتقد ان المرأة الموظفة قادرة على تحمل تلك المسؤولية بل سوف يكون هناك نوع من اهمال حقوق الزوج

والنتيجة هي وجود خادمة في البيت وبداية ضياع الاسره

نعم اريد امرأتي متعلمة(علما شرعيا) ولكن ليست موظفة ...........وإذا كانت موظفة فما دوري في البيت؟

وان كنا موظفين الاثنين ........لم نحقق الاستقرار الاسري بل سوف يكون ضحيتنا ابنائنا

والمتعارف عليه منذ الازل هو ان المرأه اميره في بيتها والرجل يكون خادما لها منفقا عليها

اذا انا لم اجعل زوجتي اميره فلا استحق ان اكون رجلا..............




________________________________________________

انا احترم وجهة نظر الجميع ...............وأفضل حل قرأتة هو ان تبحث البنت عن جامعة ليس فيها اختلاط
إذا كان لا بد من الابتعاث


وفق الله الجميع

الله اعلم

صاحبة الموضوع تبينا نترك البعثات عشان يخلى لها الجو وتاخذ البعثه هذا التفسير المنطقي الوحيد للموضوع هذا

هههههههههههههههههههههه

اللهم اني صائمه

ووفقك اخوي

بس بقولك شئ من وجهة نظر شايفتها بام عيني والله على ما اقول شهيد


زمن الرجال ولى و راح الا من رحم ربي

كل واحد الحين همه يتزوج و يبسط نفسه و يرمي بنت الناس زي البهيمه في بيت اهلها يصرفون عليها

و اذا جاء البيت يجي شبعان و بنت الناس تدور اللقمه عشان تاكل و تاكل اولادها

واذا حن عليها بس عشان يبغى منها شئ

و الا يتزوج و بعد شهر يطلق

اااااااااااااااااه وين الرجال الصح لو فيه ما لقيت الحرمه تدور شغل عشان تستر نفسها و تستر عيالها

عشان لا قدر الله و صار شئ ما تحتاج اي احد

يكون راسها مرفوع و لا يجي يذلها بكم ريال

كل بنت تحلم انو يكون عندها اطفال و تربيهم احسن تربية

بس وين في زمن ربي اعلم فيه

زمن ما يشبع الرجال شئ حتى لو عنده حرمه و ربي ساتر عليه ما يكفيه لازم يدور الحرام


و تقول لا تشتغلوا و لا لا تتعلموا

باي زمن انت عايش

و ربي ما في شئ يخليني ادور البعثة الا عشان ارفع راس امي و ابوي و لا اخليهم محتاجين شئ

و عشان اذا ربي كتب عليا زوج ما همه الا متعته اقدر اوقف في وجهه و ما يذلني

عشان ما احتاج


لا تجلسوا تقولوا لا تتعلموا و لا تشتغلوا و انتم ما عندكم خوف من بكرا لانكم تقدرون تدبرون نفسكم

لكن احنا امرنا راح يكون مرهون بيد زوج يمكن ما يخاف الله فينا


وجهة نظرك احترمها و اقدرها و على عيني و على راسي

و ما شاء الله يا بخت اللي راح تاخذها

لانو باين انك انسان فاهم و عاقل

بس مو كل الرجال زيك وانت ادرى

يعني انا ماني فاهمه ايش الحكايه من هذا الكلام
يعني اللي ابوها وافق لها وبيتروح هذا الاب مايحب بنته واللي ابوها موافق هذا مرررررررره يحب بنته
يعني انتي جايه هنا تشككي البنات في حب اهاليهم لهم.. وماشاءالله كيف عرفتي ياانسه..من راسك الصغير اللي بس يطلع كلام فاضي من دون اي حساب
اتخيلي كم بنت شافت هذا الكلاااام واتأذت نفسيا من ناحيه انه ابوها مايحبها لانه خلاها تساافر...ولا بس تكتبي ماتدري ايش تقولييي
لااااااااوالمصيبه انها كمان مقدمه بعثه
معرف هوا حسسسد ولا استتهبال..
اعوووذ بالله
الله لاتبلااااانا ييارب .استغفر الله واتوب اليك

بسم الله الرحمن الرحيم

1-مايحتاج احد ينبه احد في هاذي المواضيع خاصة في موضوع الإستخارة
2- ربك اعلم بنية كل رجل وامراءة
3- ملايين من الرجال خلفهم مراءة كل رجل عظيم ..............
4- التسلط وانتهاك حقوق المراءة انتهى منذ عصر رسولنا الحبيب بعد مجيء الإسلام
5- القدر شيء كتب ولا احد يقدر على تغيره إلا خالقنا إلهي
6- الأخوة هم سندي في الحياة فاالله رزقني بإخوان الكل يحسدني عليهم بقوة حنانهم علي وكلهم فخر بأني اختهم أشعر بأني لو تزوجت لن اجد الرجل الذي يشابهم لذلك اتردد كثيرا في هذا الموضع من حيث المقارنة بينهم وبين من يريد خطبتي لحبي الشديد لهم
7- الزواج كتب نصيب البنت قبل ولادتها لذلك لايوجد نزاع على ذلك قدر لها
8- الآلآلآلآف من الدعاء زوجوا بناتهم لاشخاص دخلوا الإسلام واثيتوا انهم افضل من غيرهم في الدين لاتوجد عندي عنصرية للجنسية أو البلد لافرق بين اعجمين ......... الدين المهم واخلاقه كان مايكون
10- من يدعي أن الفتاة بعد مرحلة الماجستير يكون عمرها 25 عجوز ابشرك بإذن الواحد الأحد الفرد الصمد بأخذ الدكتورة وسير عمري 28 وارجع وأيضا الزمالة الحمد الله عائلتنا من بنات عماتي وخالاتي نصيب البنت لايأتي إلا بعد 30 وشيء متعارف بعائلتنا والحمدالله جميعهم يتزوجون من أشخاص أصحاب دين وخلق والحمد الله كثيرا منهم مناصب كبيرة في الدولة اتنكر لامر التخلف والتداعي بالعنوسة لبعض الناس بالعكس الشباب شباب الروح وليس الجسد أكبر دليل على العمر زواج خديجة من رسول الله وعمرها 45 وهي أم جميع أبناه سبحان الله
11- احمد الله أن وهبني نعمة العقل ورزقني بأم وأب أخوان يعرفون معنى قيمتي وشاني حفظهم الله جميعا
12- يارب ارزقنا بكل شيء هو خيرة لنا في الدنيا والأخرة

والله صرت أكره الجمله اللي تقول البنت لو بوسط اهلها تقدر تسوي اللي براسها و اللي محافظه على نفسها لو امريكا راح تبقى كذا !!

و تجاهلوا تماما المغريات في دول الغرب اللي لا تتواجد هنا في السعودية قد تكون الفتاة فعلا محافظة و لكن مع المغريات سوف تضعف و لو أخطأت فخطأ الفتاه ليس كخطأ الشاب أبدا و المجتمع لا يرحم !

أيضا شاهدت موضوع عن العبايات و كثير من الفتيات سيلجؤون الى الحجاب بدل النقاب !

عموما الامور متشعبة كثيرا و النقاش فيه كالعاده سيكون بلا نهاية

والله يوفق الجميع

مبسوطه اميره من الي حاصل في موضوعك ؟
فين اسلوب الحوار والاحترام عشان الكل يستفيد ويفهم التاني ..
ليش استخدم اساليب ملتفه تحت اسم اني بحترم وجهه نظر الغير !!
ليش اسب واشتم الشخص واقله انا احترمك !! اي احترام دا ؟
عالم غريبه والله
هدي اول مشاركه ليا في الموضوع واخرها - مع اني اتمنيت ما اكتب ولا كلمه هنا لاني اشوف الموضوع useless
كل بنت هنا بالغه عاقله فاهمه هيا ايش بتسوي.. والموضوع انحرف عن مضمونه

انا مو ضد ان البنت تتعلم بس مو على حساب دينها وشرفها ؟؟ لا نضحك على انفسنا ونقول ان بتحافظ عليه
يعني لو دكتور طلب منها انها تجي المكتب عنده وهم في غرفه لحالهم بتقوله لا معليش ديني ما يسمح؟؟؟ بيقولها اجل انتي ليش جايه تدرسين عندنا في بلدنا؟؟ ولا هذه ما تعتبر خلوه محرمه ولا يمكن جايزه لانها في سبيل العلم؟؟؟؟؟؟

ياليت لو نحاول نرجع لدين حتى لو قالو عننا متحرجين وهابين سلفين رجعيين اهم شي حياتنا ترجع مثل اول بهدو وسكينه وراحه نفسيه

والله يوفق الجميع وشكرا لصاحب الموضوع