نصيحة لكل بنت تحارب من اجل البعثة فكري واستخيري ربك مليون مرة

مشكوورة ع الموضوع .. والخيرة فيما اختاره الله ..

ولآ تعليق على بعض العقول المتحجره .. وكأن الفتاة خلقت لتكون مسيره من قبل سيد الكون( الرجل ) ..!!!

اعرف إنها كائن حي من حقه ان يعيش ويتعلم ويفعل مايريد في إطار ما يرضاه له دينه ويوفقه به ربه ..

وكما قال البعض ( لانتزوج بمن هي مبتعثة ) للأسف انت ايضاا راح تضل شخص غير مرغوب فيه من قبل اولياء امورنااا ..

وسمعت اغلب الطلاب اللي دارسين برره في الحضيض للأسف وماشفنا احد رفع راسناا وراس السعودية الا قليل ومشاء الله فيهم الخيير ..

اماا البقية حدث ولا حررج ... غير انهم فضحوناا وفشلونا مفجوعين على بنات .. مابقى بنت ما ارتزوا معاها ولا تصوروا .. لا وبعد كل هذاا كان له نصيب من التفاخر عندهم ... وماخفي كان اعظم ..


وموضوع ان البنت ماتطلع تدرس بره والولد عااادي له الاختلاط .. انا ابدأ ما اؤيد هالشي اللي يخاف على بنته برضوا يخاف على ولده ..وصدقني لو كان اخوي بيطلع لوحده ماكانوا اهلي راح يخلوونه ابداا .. ليس لشي وانما خووفا عليه .. وبما اني معاه رضوا اننا نطلع.. والحمد لله ..

والله يهدي جميع بناتنا وشبابناا ...

كلام cute عين العقل كلام ممتاز
محد رفع روسنا ولو لاحظتوا اغلب الي رفعوا روسنا بنات في مجالات الطب والصحه والاداره ........ وغيره

فنجال قهوه كاني شفت الرد هذا بموقع ثاني, فما أدري هل انت صاحب الرد والا؟؟؟؟؟؟؟؟؟؟؟؟؟؟؟؟؟؟؟؟؟

ما قصرتو بنات ماشاءالله عليكم كفيتو ووفيتو

الله يكتب لنا اللي فيه الخير والصلاح

الحمدلله والشكر من الي قال ان الشباب ماياخذون وحده مبتعثه؟؟؟؟

بالعكسسسسس الحين صاروا يدورون المتعلمه الي لها مستقبل وفاهمه وتعمد على حالها لأن اكثر الشباب اوضاعهم الماديه ماتساعدهم يتحملون بيت لوحدهم يبون مرأه متعلمه وعامله والحين الكل شايف وعارف الوظايف بالبلد مهي سهله ابدددد


انا طول عمري اقول لأهلي ابي ادرس برا يقولون تحلمييييين اذا تزوجتي سوي الي تبين عندنا مافيه وسكتت وقلت ايييه الحين لما القى سعودي متفتح ويقدر حبي للدراسه


والحمدلله تزوجت وشجعني وقدمت واسأل الله العظيم يوفقني وياه وننقبل نهائي ونحسن وضعنا لأن وضع وظيفته مو كل هذا وانا بدون وظيفه رغم اني السابعه على دفعتي وممتاز ودورات بملفي على الفاضي كل الوظايف بالواسطه مالقيت مكان يوظفني ولا تركت جامعه ابي اكمل فيها ماجستير وقبلتني شي تحطيييم من قلبببب
لاوظيفه ولا دراسه كل شي هينا واسطه والله والله كل شي واسطه حتى قبول الجامعات بالماستر واسطه وش تبوننا نسوي ؟؟؟ نعيش تحت خط الفقر او حواليه وكلنا ديون ووجع راس ولا مستقبل بيدينا ولا طموح بعيوننا؟؟


وماراح اظل متفرجه ومكتفة اليدين على الي طلعوا وارتقوا بالوظايف والعلم وانا لا هذي ولا هذيك بديرتي مالقيت جامعه تقبلني اكمل دراستي ولا وظيفه خلونا نشوف رزقنا برا بلكي نرجع والمستقبل الزين قدامنا ان شاء الله والوظايف الي ماكنا نحلم فيها من قبل اسأل الله العظيم ينول البعثه لكل راغب وراغبه بالدراسه وتحسين الذات والمستوى المعيشي


اما الي فسقه تبي بس تطلع وتضيع الله يهديها ويكفيها شر نفسها والشيطان

استفغر الله ياعالم وش فيكم ولد قال وجهة نظر خلاص ماتت الدنيا وجهت نظر فاهمين ؟
ليش كل هالهجوم هو يقول كذا خلاص وش المشكله يعني؟لا حولا ولاقوة الابالله انالله وانا اليه راجعون لااعلم لماذا الناس هكذا؟
اتمنى انو اي شخص يفهم هاذي الكلمه انها وجهة نظر
هو عن نفسه مايبغى يتزوج وحدة مبتعثه وش يعني وجهة نظرة كذا؟غصب يعني تنتقدو الرجال عيب ترا والله عيب افهمو ياعالم وجهات النظر لازم كل شخص يفهمها انا عن نفسي اميرة احترم موضوعها اللي كتبته؟وفنجان احترم وجهة نظرة؟ ماتقدروا الا تفهمو احد لازم تنتقدو.....من ناحيه اللي ردو كلهم ترا وجهة نظر والله ياعلم مفروض انو احنا مانسوي في بعض كذا احنا بالمنتدى هذا اهل اخوان واخوات يعني انا اذا قال اخوي كلمه اكيد بحترم وجهة نظرة وحتى اختي اتمنى من الجميع دون استثناء عدم فهم وجهات النظر خطاء....
وشكرا لكم

الله يجزاك خير
ويوفقك

ياشين التخلف
اقول انت ياللي ماتتزوج مبتعثه عاد البنات المبتعثات قاعدين يبكون ويبوسون رجولك تكفى تزوجنا !!
نتايج البنات هناك واخلاقهم مشرررفه مو مثل الاولاد الله يستر علينا بس

صدك جهل

ويا اميره لاتخوفين البنات من الابتعاث بالعكس البنت هناك راح تلتهي بدراستها.. وبعدين عبالك الحين البنت مدلعه وعايشه ملكه عند اهلها عشان تعاني بالغربه بالعكس يمكن الغربه احسن لكثير بنات من الوطن لا وظايف ولا دراسه ..

واحنا رايحين للدراسه مو رايحين ندور على اخ ولا زوج ولا مشاعر ولا حب كلها 4 سنوات بالكثير واحنا ان شاء الله راجعين .

والبنات السعوديات لولا تخلف الذكور هنا كان نصفهم على الاقل دكتورات .

وهذا رايك احترمه لكن الابتعاث مع الاخ او الاب يمكن احسن من الزوج ومشاكله

دمتي كما انتي