أسئلة بسيطة أتمنى تجاوبوني عليها (( إتخاذي لقرار الإبتعاث يعتمد على إجابتك ))

اللي أعرفو انك تقدري ترجعي السعوديه وتلغي البعثه ومايطالبوكي بأي مصاريف بس مو من حقك بعد كدا انك تبتعثي

وبالنسبه للسكن هما ينزلو المبتعثين بفندق لمده اسبوعين وانتي بالفتره دي تدوري على سكن بس اكيد هما راح يساعدوكي وماتنخصم من المكافأه ولاشي ....
انا هذا اللي اعرفو

والله ثم والله لو اني اعرف اي سؤال من اللي سألتهم ماكنت بخلت عليك ياخوي بس الله يكتب لك اللي فيه الخير.

سوووووووووووري كتبت بصيغة أنثى ما اتبهت معذوره والله مسخنه وتعبانه شكلو السخونه اثرت عليا

والله انا اشوف انك تدرسي في ام القرى افضل..
صعبة الغربة بره
خصوصا مع دراسة الطب
الطب مجال صعب ويحتاج دعم من الأهل وتشجيع من الأقارب
وانا درست في كلية الطب في ام القرى.. مستواهم جداً عالي وراقي
وحطي في بالك انك راح تعيشي بغربة لمدة لا تقل عن 7 سنوات وأكثر
نصيحتي انك تكملي بكالوريوس هنا... وبعدها تكملي زمالة بره
كل دكاترة العالم لما يجو يعرفو عنهم يقولو الدكتور الفلاني الفلاني الحاصل على الزمالة الكندية مثلا..
ما يقولو الحاصل عالى البكالوريا الإيرلندية او السعودية...

هذا رأيي
والقرار راجع إلك
استخيري ربنا
وهو يختر لك اللي فيه الخير

تحياتي

يحبي لجامعة ام القرى


البكالوريوس هنا أفضل بكثير


شد حيلك عشان تبتعث في الماجستير

هو احنا كلنا بنرد عليه على أساي انو بنت ليه كويس مو بس انا اللي ما انتبهت خخخخخخ
ترى مكتوب الجنس : ذكر والمشكله انو الاسم معتز

عذراً حتى انا حسبتك بنت...
يا انو المشكلة فييا لأني نعسانة
يا إنو المشكلة في اسمك..
ههههههههههههههههههههههه

بالتوفيق اخويا

معقولة 7 ردود في أقل من ساعتين !!!

أنا كنت متوقع أنتظر يومين ويمكن أحد يعطيني وجه ويرد علي

ما أقول غير جزاكم الله خير وما قصرتوا أبدا ما شاء الله عليكم

Reham Al Sulaimany

شكرا على التوضيح
وإن شاء الله تقومي بالسلامة
انتي خلصتي الثانوية وبتقدمي على ابتعاث ؟؟

alamal8reeb

اكيد ما راح تقصري لو عندك إجابة ومشكورة على الإهتمام

sk4ever

شكرا ليكي كفيتي ووفيتي شكلي بدرس في أم القرى لكن أنا ما قدرت أدخل قسم الطب لأنه قفل دخلت إدارة صحية وإن شاء الله أجيب فوق الـ 80 وأنقل للطب

هدوء ملكة

شكرا لمرورك وردك وجزاكي الله خير على النصيحة



على فكرة أنا اسمي معاذ واستاذ الإنجلش في المتوسطة قالي معاذ تنكتب كذا : mouaz
في جواز السفر مكتوب mouth لكني متعود أكتب mouaz والإسم فعلا مو واضح
أما معتز مدري من فين جايبه حرف التاء هههههههه شكله من سياق الكلمة

لكل شخص رد علي : جزاك الله خير والله يوفقك ويسعدك ويزيل همومك ويسهل جميع أمورك في الدنيا والآخرة ويحفظك من كل مكروه ... آمين يارب