ماجستير تأمين فقط

عز الله اتوهقنااااااااااااااااااااااااااااااا
يعني ماني فاهمة حيغيرو التخصص ولا الدولة جننتوني

المستقبل الوظيفي - فرص العمل:

من الوظائف التي يمكن أن يشغلها خريج التأمين :

عرض لبعض المواد التي تُدرس في هذا المسار:

الشكـر موصول لجميع الشباب اللي شاركو بالموضوع
بدء من كاتبة الموضوع ,, لحد استاذنا المحاضر ,, ولد حايل

وجميع الشباب اللي شاركــو بالموضوع.

انا عندي نقطتين بس او ثلاث احب اضيفها

بالنسبه للي تكلمو عن تغير التخصص
بعد القبول النهائي (والله يكتبه من نصيبنا جميع) تقدر تغير جميع معلومات الابتعاث
من الرغبات ,, الى التخصصات
(وهذي المعلومه انا متأكد منها شخصيا لما جيت ادقق الوثائق) لاني مقدم على تجاره الكترونية ومايل للتأمين اكثر
لكن الاهم في القبول المبدئي انك تضاف لقائمة المبتعثين (بعدها لو تبي تغير اسمك مو تخصصك ماعنده مشكله)

بالنسبه للي يقولون الامتدادات والاشياء هذي
اممممم ,, انا شرحت النقطه هذي كثير بالمنتدى بس لحد الحين مالقيت تعبير مناسب اعبر فيه

ياشباب ,, اقسام (الاداره ومشتقاتها) كذلك (الاعلام ومشتقاته) والكثير الكثير من الاقسام اللي تعتبر تطبيقيه او ادبيه
ماتكون بحاجة لنفس التخصص ,, يعني مثلا ممكن يكون معاك جغرافيا (الله يوفقك صمت) وتدرس صحافة الكترونية
او ممكن يكون معاك لغه ألمانية ,, وتروح التأمين ,,, او علم نفس وتدرس تجارة الكترونية

بالنسبه للطب والهندسه الخ الخ (التخصصات العلمية البحته) هنا يقدر طالب الطب انه يدرس تأمين ,, بس الطب نفسه والهندسه نفسها ,, لازم يدرسها طالب معاه نفس التخصص. وكفى الله المؤمنين القتال


النقطه الثالثه
اعتقد اختي اللي كتبة الموضوع ,, كانت رغباتها (المانيا - كندا - هولندا)
يعني ما ادري ,, لكن على التخصص اللي انتي مختارته ,, هذي (شطحات) مش (رغبات)

يعني ياعزيزتي ,, (اذا انتي من ربعنا ,, الابتعاث المرحلة الخامسه)
ألمانيا ليــــش ؟؟ الا اذا ناويه تاخذين الشهادة وتستقرين بألمانيا (نقطه ثانيه)
بس اذا بالاخير بترجعين السعوديه ,, وش تسوين بغلتك الألمانية ؟؟
وطبعا بألمانيا ماراح يدرسونك الا باللغه الام ,, الألمانية ,, وحتى المعهد بيدرسك ألماني ؟؟؟؟؟؟؟
حلوه الألمانية ,, ك لغه ثالثه ,, مش لغه رئيسيه تتعاملين معها

كذلك الكلام بالنسبه لهولندا (اللي انا مستغرب جدا جدا جدا جدا جدا افتتاح باب القبول فيها) واللي (اتحداااااااااكم) اذا استمـر للسنه او السنتين الجايه <-- راح يقفلوونه وقولو الخيميائي ماقاله

كنـدا نايس يعني بس انا مستغرب انه خيار ثاني ؟؟

وبس ,, وعسى التوفيق فالكم ,, وفال الجميع ياااااااااااارب

الخيميائي

السلام عليكم
اشكر اخواني واخواتي الاعزاء الذين اتفاعلوا مع الموضوع وقدموا مالديهم من معلومات ونصائح
بالنسبة للرغبات المكانية انا كنت اتمنى امريكا لكن الظروف اقوى مني
وبريطانيا قفلوا باب الابتعاث فيها
يعني مالك الا كندا واوروبا وبالنسبة لاوروبا اقوى دوله في العلم هي المانيا والي فهمته انه الوزارة مااختارت من اوروبا الا الدول الي تسمح بدراسة الماجستير بالانجليش
وهذا الي اعرفه لكن اتمنى ان الله يسهلي كندا ويكتبلي ولكم مافيه الخير
والشكر للجميع مرة اخرى

سلاازم اقين

H-day
الله يعطيك العااااااااااااااااااااااااافيه
انقذتيني

بنت شيوخ
معلومه اول مره اسمع فيها ,, كويس اذا كانو بيدرسون انجلش في اوربا ,, انا مدري وانا اخـــوك بس اللي سمعته انو كل دوله تدرس بلغتها ,, ف عشان هيك قلت لك هاك الكلام
وبالتوفيق ان شاء الله

انا دارس بكاليريوس تأمين في جامعه الملك عبدالعزيز تحت تخصص الاقتصاد ..
واللى درسته انه التأمين يميل الى الجانب الاقتصادي اكثر من اي تخصص آخر .. يعني ادق من اداره الأعمال
ع العموم هذا ماهو محور حديثنا ..
لكن عندي نقطتين اتمنى افيدكم فيها ..

أولا/
بالنسبه للآشخاص اللى يتمتعو بالدقه وحب التحليل ويميلو لجانب النظريات الاحصائيه والرياضيه .. راح تكون لهم دراسة الـتأمين مشوقه لهم جداً .. خاصه وانها ليست رياضيه بحته ..

ثانياً /
المملكه العربيه السعوديه - دولتنا الحبيبه - قل ما تجد من ابنائها من يمتلكون شهادات في هذا التخصص .. مع العلم ان المملكه الآن في طور الانتقال من وضع السبات التأميني لحركه الازدهار التأميني .. وراح يفهم هذا الكلام متخصصين التأمين بشكل خاص .. يعني على بلاطه .. اصحاب الشهادات في تخصص التأمين راح يكون لهم مستقبل واعد خاصه لو انهم من النوع الذي يحب يطور نفسه اول بأول ويواكب الاحداث الاقتصاديه ..

لكن لدي سؤال واحد فقط /
ايرلندا دخت وانا ادور على تخصص التأمين او اداره المخاطر في اي جامعه من جامعاتها ... ومالقيت شي ..هل في احد مثلي والا انا لحالي ؟؟
واذا مافي تأمين في ايرلندا .. هل الوزاره راح تنقلني بشكل اوتوماتيكي على امريكا ؟؟ خاصه وان الرغبه الثانيه لدي امريكا ..؟؟

تحياتي

عندي تعقيب بالنسبة لأولاً اللي مايحب الرياضيات والإحصاء(باختصار) لا يدخل تأمين خصوصاً علم الأكتوار "تأمين الحياة" لأنه أصعب.

وبالنسبة لثانياً اصحاب شهادات التأمين لو ماعندهم خبرة ما راح يفرقو عن غيرهم (قدمت في كل شركات التأمين ورفضو بسبب الخبرة واحده من الشركات قالت أن تكلفتي عالية بسبب عدم وجود الخبرة يعني بسبب الأخطاء اللي ارتكبها كمبتدئه).

وأخيراً يفضل قبل ماتبحث عن أي جامعه تتأكد من موقع الوزارة لتوفير الوقت وبالنسبة لسؤالك اتوقع أن التغير يحصل بشكل اوتوماتيكي.

موفقين