توصية الأمير سلطان لم تقبل "من يساعدني"

طيب ما تجيبله توصية اضمن الدولة والتخصص
شكلك الواصل ......

تدري اخوي انا كنت مستبعده حتى القبول المبدئي لي في البرنامج وشلت هم وفكرت اني ادور واسطه لكن تعبت وانا افكر وادور على واسطه لين الله هداني وقلت في نفسي بصدق ويقين ان واسطتي رب العالمين (واسطه قويه حييييييييييييييل) يعلم الله اني قلتها في نفسي عن قناعه ويقين والحمدلله والشكر تيسرت اموري (ويرزقكم من حيث لاتعلمون) اي والله انها تيسرت مع العلم ان اموري كانت معقده واني كنت بفقد الامل لكني تعلقت بيقيني بالله..

والله ياخوي ما ودي اغثك بكلامي لكن قلت هالكلام لأني ودي انك تحس بالراحه اللي انا حسيتها حبيت انك تفرح مثلي وادلك على طريقه سهله وتشرح الصدر..

ربي يوفقك وييسر امورك..

تلجأ لملوك الدنيا ونسيت ملك الملوك اللي ما يرد احد بقوله تعالى ( وقال ربكم ادعوني استجب لكم )
ماقول غير الله يوفقك
واذا الله ما اراد تطلع
تكون خرجت بدرس من هالتجربة انك لاتدور على اي واسطة غير رب العباد

وكلنا في المرحلة الخامسة قدمنا بدون واسطات ومشيت امورنا ولله الحمد وتسهلت وتوكلنا على الله فقط لاغير

مسااء الخير ..

حبيت أقولك .. انه الامير سلطان بن عبدالعزيز عنده بعثات خارجيه على حسابه .. و اعرف أكثر من ثلاثة يدرسون على حساب الامير سلطان بن عبدالعزيز .. و واحد على حساب عبدالعزيز بن فهد ..

لــــــكن ... اذا تقول من سلطان بن عبدالعزيز , أستغرب رفضها ..!!!

أتمنى لك التوفيق

تحيااتي ..
عااصم

يا عزيزي

بما أنك بهذه القوة واستطعت أن تحصل على توصية من ثاني رجل في الدولة

فبإمكانك أن يبتعثك على حسابه الخاص

أو يرسل أمر صريحلاستثناءك وقبولك بالبرنامج <<< طبعا غصب عنهم

ألسلام عليكم


انا اعمل في منصب متعلق نوعا ما بالتوظيف وكثير تجيني توصيات من امراء بتوظيف أشخاص معينين

لكن مو كل توصيه نوظف فيها لأن التوصيه في لها كذا صيغة


اذا كان مكتوب بالتوصيه ( اعتمدوا ابتعاث فلان الفلاني ) والتوصيه جايه من سلطان او سلمان او الملك


هنا يبتعثونك لأن الموضوع صار زي أمر


لكن بعض الصيغ تكون نرجوا ابتعاث فلان او نرجوا توظيف فلان او

بهذه الحاله ممكن نحط التوصيه على جنب ولا كأنه صار شي أو نرد على مكتب الأمير ونقول ان الشخص الفلاني غير مؤهل وغير مطابق للشروط إذا كان الامير حريص على الشخص راح يرجع ويكتب خطاب يقول اعتمدوا توظيف فلان



أتمنى فهمت الفرق بين التوصيات

جيب قبول الجامعه ، وطلع الفيزا ، وراجعهم بتوصياتك هذي وراح تدخل في الإلحاق بالبعثه .. وليس بنفس البرنامج
ويكون الألحاق بشكل سريع جدًا اسرع من غيرك يمكن دام معاك توصيتين ..
لكن أختر أحد هالبلدين """" كنداااا أو أمريكاااا " لأن الإلحاق لازال مفتووووووح في هالدولتين .. يمكن إلحاقك مايتعدى أسبوعين بالكثيرررررررررررررررر ..
سي يو

الله لا يوفق اصحاب الواسطات المقاعد لاصحابها مو شخص ياخذ مقبول يحل محل شخص ماخذ جيد جدا؟؟؟ باي حق هالكلام خلاص النسب المطلوبه محدده مقبول لا يقبل وباي حق يعطونك توصيه ...
مسكره من جميع الجهات,, املي بالبعثه والله يوفقنا وننقبل ...