كل بنت مسجلة ايرلندا وتم قبولها...(تجمع المقبولات الى ايرلندا) للبنات فقط

بنات ايرلندا شلونكم ....؟؟؟؟

كيف اموركم بديتوا تجهزوا......؟؟؟؟؟؟

ترا الايام الي بنروح بيها برد موت يعني قضوا شتوي ....

انا بعد مقبولة ايرلندا ،، ماستر علوم صحية ،،

صحيح ايرلندا برد ،، ويابنات ترى ايرلندا جوها ماطر معظم السنة ،، يعني إذا شفتو لكم بمانجو مظلات صغار حق الشنطة ممتاز ،، وايضا خذو لكم احذيه بوت رفيعة جلد او شي كذا ،،، لان بالنسبة لمعهد اللغة راح يكون قريب من السكنات في الغالب فراح تروحو مشي ،،

انا الحمدلله كنت ادرس بالاردن ،، وبرضو جوها بالشتاء بارد ،، فعندي ملابس شتوية كثييير
على فكرة انا اختي بايرلندا ،، فلو عندكم اي سؤال حاضرين ان شاء الله

اختي انا ماعندي علم كبير بالموضوع ،، ولا اعرف ايش الفرق ،،
بس اللي اعرفه ان تخصص التجارة الالكترونية وتخصص المالية والمصرفية او المالية والتمويل زي ماقلتي ،، افضل بكثير من المحاسبة ،،
طبعا هذا الشي بحكم ان التجارة الالكترونية والمالية والمصرفية تخصصات اجدد ويحتاجها السوق بشكل اكبر وفرص عملها اكثر ،،

مبروك للكل ..وانا بعد معكم ماستر كيمياء

سمر الاردن ..والله نبي نعرف من اختك كل شي كيف الدراسة هناك والسكن وش الافضل سكن خاص ولا سكن الطالبات

هذي الاسئله اللي ببالي الحين واحتمال كبير ارجع بكمية هائله من الاسئله

اخت زرقاء اليمامة ،،

بالنسبة للسكن ،، في البداية الوزارة إذا كان مثل العام الماضي ،، راح تبتعثنا لمدينة كورك او ترلي ندرس فيها لغة ،، نظام السكنات عندها بيوت ،، يعني طابقين ،، الطابق العلوي مثلا غرفتين نوم وحمام ،، والطابق السفلي صالة ومطبخ وغرفة للضيوف ،، او طبعا مع عائلة ،، الايجار شهري او سنوي ،، طبعا يفضل في هالحالة ان يكون معاك احد مثلا مرافقك او إذا ماعندك مرافق احد من صاحباتك ،،

الشي الثاني ،، لما نخلص لغة ،، راح نكمل جامعة في الغالب في مدينة دبلن ،، وهذي مدينة ريفية لكن ايضا متحضرة ،، يعني فيها اسواق مطاعم حلال وهذي الاشياء ،، بالنسبة للسكنات راح يكون شقق ،، ماادري إذا فيه سكنات طالبات اولا ،، بس اللي راحو كلهم بشقق ،، كل وحدة لحالها او معاها صاحباتها او مرافقها ،،

وعلى فكرة السكنات غالية ،، يعني الغلا بإيرلندا جاي من شغلتين ،، السكن والاكل ،، اما كسوق فالاسعار مثلنا ،، وبس هذا اللي يحضرني حاليا

الله موضوعكم حلووووووو وماشاء الله البنات كثيير أحلى شي ويارب نتعرف على بعض أكثر,,,

أنا بكالوريوس وتخصصي طب أسنان بس ماني شايفه احد معايا بس فيكم الخير والبركة وموفقين كلكم

اهلين لكل البنات الحلوات انا مقبولة ولله الحمد على ايرلندة بكالوريس طب اتمنى اتعرف على بنات معايا في نفس الدولة
عشان نساعد بعض

وسؤال للاخت سمر الأردن اختك وش تدرس في ايرلندة وكيف الدراسة هناك ؟؟؟

انا معاكم ماستر هندسه ديكور (تصميم داخلي)

هااااي صبايا
كيفكم اليوم؟
تعالوا فيدوني قبل ماشتري ملابس ماأعرف من فين أشتري وايش أخذ معي

انا نزلت موضوع في ملتقى ايرلندا
عن الحجاب ياريت تحطوا اقتراحاتكم فيه

ومشكورين كتييييير