الدورة الالزاميه آوآآآه - احمر بالخط العريض-

اعتقد هذه الدورة من الممكن اقامتها في بلد الابتعاث بدلاً من تعجيز بعض الطلاب وقتل طموحهم

خصوصاً الذين يقيمون خارج مدن الدورات ولاحول ولاقوة لهم فالبعض غير قادر على مصاريف السفر والاقامة

هل يتوقف هنا وينتهي حلمه من اجل مصالح على مستوى مدروس وعالي المستوى

0(( أكاديمية الفيصل تستثمر وزارة التعليم العالي )) على حاسب المبتعثين وبهذلتهم

انا بصراحة مستغررررب من الي موافق على هذه الدورة
بصراحة هي تلصح للي ماعنده اي اساس في الانجلش ولا عمره درسها
يعني الي داس بجامعة بالانجلش باكلوريوس خلاص مايحتاج
وخاااصة للموضفين
يعني عقولة استقيل واجلس بالبين تقريبا 6 شهور بالاخير احصل 2000 ريال!!!
وحاليا اخذ اضعاف اضعافها
طيب من اول لا دورة ولا شي وخلاص خلص اجراءتك هناك والانجلش تاخذه من بلد الابتعاث ليه هالتعقيد
على بالهم بيوفرون فلوس ولا حتى في احد بيستفيد من دراسة الانجلش هنا
مع احترامي للجميع

مدري ليه زعلانين عشان هالدورات .. وشوو يعني تبون نقعد بالبيت لحد السفر وكل يوم واحد ينزل لنا موضوع يقلقنا
متي مدري ايش وصحيح صار كذا واناا سمعت ووخالي يشتغل مدري وين قالي كذا .... ووو


الفايده موجوده بكل مكان ، لو تبي تستفيد فعلا مايهم نظامنا التعليمي ولا غيره



تبي البعثه ادخل ... يعني الحين الوزاره دافعه مبلغ وقدره عشان تهيئ الطلبه بشكل افضل وتقولون كذا

كلن بمجاله لاتخلط بين الشغلتين

اللي يبي الدح مايقول اح


الله يفرج عليهم

الكلام سهل والي ايديه بالنار مو مثل الي ايده بالماي ماقول الا الله يفرج علينا

اقدم خالص الشكر لكل من ادلى بدلوه
سواءاً من وافقني الرأي او اعترض عليه ولكل من رد بالنيابه عني
الموضوع حق مشاع للجميع
بالنسبه لسخرية القدر ليس المقصود منها السخرية من قضاء الله وقدره واعتقد انها واضحه جدا من السياق لكل من كان له قلب او القى السمع وهو شهيد
واللي يتكلم عني شخصيا
انا ذكرت بكل وضوح ان الموضوع لا يعنيني كثيراً
وكل ما كتبت هو مجرد تفاعل مع اعضاء المنتدى والمبتعثين المغلوبين على امرهم فصبر جميل بالله المستعان
انا مبتعث على حساب جهه عملي وليس لي شأن بالمبتعثين على برنامج الملك عبدالله
وللمعلوميه لدى وزاره الخدمه المدنيه من التعقيد ما أن مفاتيحه تنوء بالعصبة اولو القوة

بصراحه خلق الانسان عجولا ياربي ياربي مادري شنو صاير فيكم ياناااااااااس العجله مافيه خير ليش التحلطم والتذمر الزايد عجييييييييييييبيييييييييييييين بصراحه قبل التقديم جنوووووون صاير متى يبدا التسجيل لما بعد التسجيل متى تطلع النتيييييييييييجه وحااالاات وماااااسي ولما طلعت النتيجه متى الدورة الالزاميه والحين تحلطم ماله داعي ليش انا اقدر ظروف الناس اللي ماعندهم مواصلات او عندهم وظااااااااايف او مكانهم بعيد بس تقريبا كل اللمتذمرين مايبون ليش بالعكس يارب يكون فيه دراسه انجليزي على الاقل توفر وقت اكثر بعضهم متاكده مايعرف حتى الحروف ويعضهم ناسي الجرامر هاذي تقويه لانه اصلا مافيه سفر ولا بعثه الا بفبراير او يناير اذا بدري فلا تعجلون بعدين بكره ببان كل شي متى واوقاتها وكم مدتها ياللللللللله الله يصبركم بصرااااااااااااحه احس حالي احيانا عجوووووووووز يعني انا العاقله ولا الجيييييييييييل تغير ولا مدري شنو صاير بهالناس الصبر ثم الصبر

عزيزي.........قصدك ماحد قال فيه شي ونعرف ان شاء الله نيتك حسنة ولكن كلامنا عن اللفظة ماتجوز.....
يعني حرام واحد يقول ((سخرية القدر)) بغض النظر عن قصده ولو سألت او بحثت في الشيخ جوجل لقيت الحكم والدليل......

الله يهديك انا مو عارفه للان ماتغير عنوان الموضوع ليه ؟؟؟؟؟؟؟

والله الوزاره ماشيه علي نظام طقها والحقها لاتنظم لا تخطيط قرارات تعجيزيه
المعلومات يعطونك اياها قبل الموعد بيوم كانه الدوره جمب البيت