الدورة الالزاميه آوآآآه - احمر بالخط العريض-

هذا مثال حي على كلامي


اهو ايمان ماشاء الله بتكافح عشان البعثه


وبالنسبة للظروف يا ايمان

صبرا جميلا

اهم حاجه انك بتجتهدي وبتكافحي وصدقيني ربنا راح يعوضك وما يضيعلك تعب


يعني الليموزين او الباص كم راح يكلف...

حتى لو كان فوق الامكانيات بس ما بنتكلم عن شراء سياره او السفر للاردن او للبحدين لاخذ الدوره

السلام عليكم


خلينا نتكلم بصراحه

ومن دون زعل ولا تنسى ان اختلاف الارآء لا يفسد للود قضيه

يعني ما اعرف انتم ليش بتلوموا الوزاره على الدوره ؟؟؟

اذا بتلومها عشان فقط جعلت المراكز في المدن الرئيسيه الرياض جده المدينه المنوره الدمام القصيم


يعني تقريبا شامله جميع المناطق

يعني بالله عليك اسالك سوال ... !!

تبيهم يسووو دوره لكل مدينه او قريه ؟؟؟

احسها صعبه شويه ....

يعني مافي احد غير ويلقى مكان قريب منه

فما اعتقد ان فيه اي مشكله في اماكن الدورات

ولو في احد يقوولي انا متزوجه او اني بنت وفي مكه واقرب مكان لي في جده ما عندي سياره او اي عذر..

انا اقولك انا من مكه والمشوار نص ساعه

وعندكم فترتين ... يعني اليش بيشتغل في الصباح يحضر في العصر والعكس صحيح

مافي اي اعذار

والفكره انك الواحد لازم يا جماعه يتعب شوي

ماراح يجون لبيته ويعطوونه الدوره !!


ثاني حاجه

الي يقول الدوره مالها داعي...

ياصاحبي هم ما راح يعلمونك اللغه كامله بس الفكره انهم يآهلوك وجزاهم الله خير ولا هم مو ملزمين بك

اذا انت ما تعرف تتكلم انجليزي ليش مقدم على البعثه ؟؟؟

راح تقولي التعليم وما التعليم

انا متعلم مثلي مثلك ووالله في مدرسه حكوميه لكن الحمدلله قدرت اطور من نفسي

يعني لا تلوم الوزاره لوم نفسك

وبالرغم من ذا قالوا مافي مشكله نعمل دورات عشان نهيئهم للخارج

يعني في ناس كثيييير ما يعرفوا ولا كلمه انجليزي

كيف راح يتصرفوا في المطار ؟؟

في تعبئه النماذج ؟؟


ومن خوف الوزاره عليك راح تعلمك اساسيات تقدر تخارج بيها نفسك في المطار وفي بداية مشوارك التعليمي في الخارج ...


فلا تقول والله مالها داعي وانا عندي دوام وعندي ارتباطات....

ياخي مدامك مرتبط خلاص ليش مقدم على البعثه ؟؟

معليش لو كان كلامي قاسي شوي لكن والله مو عذر اقسم بالله

ما بقي وقت خلاص انتا اترشحت وطلعتك باذن الله اكيده يعني خلاص لا ترتبط

ولا كيف يعني ... تجلس لاخر يوم قبل السفر وبعدين تفضى ؟؟؟


مافي عذر لاي واحد

كثر الله خير الوزاره والحكومه وعلى راسهم ابو متعب ،، فين الواحد يلقى احد يطلعه برره يدرس على حساب الحكومه !!!

لا وبعد يخافون علينا من اننا نضيع اوما نعرف نتدارك امورنا عند الوصول في الخارج وقالوا دورات عشان ما نبي احد يتعب في الخارج

وحنا نلومهم ....


ولعى فكره في اختبار تحديد المستوى يعني لو مستواك ممتاز في اللغه والانجليزي صدقني انا متاكد انهم راح يستثنوك من الدوره..

اما فكر في الناس المساكين الي ما يعرفوا ولا كلمه هذول الي هم في امس الحاجه للدوره

وسلامتكم


ولا تنسى العتب من المحبه

والله الوزاره ماشيه علي نظام طقها والحقها لاتنظم لا تخطيط قرارات تعجيزيه
المعلومات يعطونك اياها قبل الموعد بيوم كانه الدوره جمب البيت

والله صادقة
انا بصراحة الوالد بالمستشفى بين الحياة والموت
والدورة بالنسبة ليا عائق كبير
يعني بصريح الكلام مافي بعثة
والسبب ضرفي الي صاير الايام هذي
والله يعين وييسر الامور


انا ماقول ان الدورة مالها داعي
بس ياليتهم يقدرو وضعي هذا ووضع بنات كثير غيري
والله المستعان