تجمع المرافقين ممن يعملون بوزارة التربية والتعليم ( معلمين ) .

والله يا أخوان أهنيكم إنكم مرافقين مع زوجاتكم لأنكم بإذن الله ما راح ترجعون إلا بالماستر عصفورين بحجر ..

والله ما اعتبركم إلا كأخوان لي ... أنا مثلكم معلم ولكن مرتزع في الاراضي السعوديه وبالتحديد في مدرستي الموقره بالشمال ..

أنا أتمنى إن زوجتي مبتعثه عشان أكمل الماستر إللي أتمنى إني أكون مبتعث ....

أنا راح أطرح عليكم موضوعي ويا ليت تجاوبوني !!

أنا حصلت على قبول من جامعه بإستراليا معتمده ثم ختمها من السفاره من زميل لي مرافق هنااااك !! ثم على طوووول توجهت للوزاره لقصد الابتعاث عن طريق وزارتنا الموقره وزاره التربيه والتعليم .. ودخلت على فيصل بن معمر اااااااااالله يصلحه وشرحت له الوضع إني أرغب في مواصله الدراسات العليا ماجستير و عندي طموح و و و ......الخ طبعا في هذاك الوقت نزل تعميم يسمح بإبتعاث المشرفين من الوزاره ... فأنا من شدة حماسي قلت وش الفرق بيني وبين المشرف كلنا عيال تسع شهور !!
المهم في النهايه وعدنا أخيانا فيصل بن معمر وقال خير خير إن شا الله ما يصير إلا كل خير ... ثم رجعت للمدرسه وبعد أربع ايام بالظبط جاني إتصال من إدارة الابتعاث في منطقتي تفيد بأنه تم الرفض لعدم إكتمال الشروط .... !! آآآآآآآآآآآبوها وزاره كلكم تعرفونها !!

المهم هذا ليس موضوعي إللي قريتوه قبل شوي هذه فضفضه فقط لا غير !!
المهم في الامر أنا نويت نيه وراح أجازف فيها بصراحه ... ألا وهي إني راح أطلع على حسابي الشخصي لمدة كم شهر زي ما يقولون ثم ألتحق بالبعثه !! وش رايكم ...... هل راح يلحقوني بالبعثه أم سأعود بعد كم شهر أجر أذيال الهزيمه ,,, أحس إنها فشيله مووو !!!

أنا معلم تربيه إسلاميه من أربع سنوات في الوزاره ــ قبولي هو ماستر موارد بشريه ... !!

وش رايكم هل راح يلحقوني بالبعثه أو لا ؟؟ هل مر عليكم في البلد إللي أنتم فيه حاله زي حالتي هذه وفي الاخير ألحقوه بالبعثه !!

هل سمعتم أحد مثلي ... هل تتوقعون إنهم راح يلحقوني بالبعثه أو أرتزع مع مديري في المدرسه أدخل حصه واطلع حصه ....الخ

^
^
^

اولا انت اخترت دولة مقفل الابتعاث لها بسبب التكدس .. وهذا سيحول بينك وبينك الالتحاق بالبعثة ..

الامر الاخر ..

اخترت تخصص بعيد جدا عن تخصصك .. وبالتالي لو رجعت السعودية بعد ما تجيب الماستر راح يعادلونه لك دبلوم عالي ..

ولازم تاخذ زيادة سنة كاملة متطلبات عامة عشان يعادلونه لك ماجستير ( هذا لو قلنا مشت امورك )

وليتك فكرت في البعثة قبل كم شهر .. عشان لو رحت يلحقونك بسرعة قبل شهر 6 .. عشان تكون ضمن ميزانية المرحلة الخامسة ..

ولذلك عندي لك نصيحتين ..

الاولى فيها مغامرة اليمة .. وهي انك من بكرة تجيب قبول في كندا او امريكا .. ( يفضل تراسلهم بنفسك ) لان المكاتب بياخذون مبالغ كبيرة .. المهم .. لك شهر كامل بالضبط .. اسبوعين بالضبط ويوصلك القبول من امريكا او كندا .. وبهالفترة تروح تخلص امور السفارة .. وثم اذا وصلك القبول ترسله لهم وتطلع فيزتك خلال شهر بالكثير .. ثم تقدم اجازة ( الى بداية الاجازة الصيفية ) ..و في الشهر الثاني تسافر وتبدأ تدرس و تقدم اوراقك للإلتحاق .. وان شاء الله تمشي امورك .. ولو ما مشت يمديك ترجع .. ولو مشت ترجع بشوال تقدم على اجازة استثنائية لمدة سنة مثلا .. بس مثل ما قلت لك مغامرة الييييييمة ..

الثانية واشوفها الافضل .. قدامك 3 شهور .. تخلص امور القبول والفيزا وكل شيء .. وتقدم اجازة إستثنائية لمدة سنة مثلا على بداية شوال الجاي .. وتسافر بالعطلة .. وتجلس هناك كم شهر .. وقدم اوراق الإلتحاق .. اذا عجبك الوضع بيكون معك اجازة .. وكمل دراستك .. اذا ما عجبك الوضع تقدر ترجع وتباشر على طول في وظيفتك بالشمال ..

او في أسوأ الاحوال .. رح بالعطلة الصيفية فقط .. خذ لغة وارجع .. وشوف حظك مع الغربة وتستفيد شوي لغة .. وترجع تكمل وتاخذ كورسات لغة وتقدم على اجازة دراسية بالسنوات الجاية ..

هذا نصيحتي وانت سو اللي تبيه .. وتاكد لو ما تيسرت لك فهي خيرة من عند رب العالمين

موفق ..

اخوك / محمد - الاحساء

الله يجزاك خير ياخيال الواقع ماتقصر ... بس عندي سؤال لك ... انا اتخرجت تخصص بكالوريوس انجليزي ... هل اقدر اتخصص على نفس امتداد تخصصي في بلد الابتعاث يعني مثلا اي تخصص مو لازم اللي مفروض علي في التقديم للابتعاث ؟ طيب ولو كان ما اقدر هل التخصصات الثانيه تمشي مع تخصصي ؟ مثال ايش التخصص اللي يمشي مع تخصصي اللي مذكور في الموقع؟ وهل يعادلونه لي كماستر او دبلوم عالي زي الاخ اللي رديت عليه فوقي ؟؟؟ الله ييسر امورك ...

شكرا خيال الواقع عل المعلومات ... بس حبيت أذكرك وأذكر إللي راح يقرا موضوعي ...

أنا سمعت إنك ما دام إنك إنت موضف حكومي ما راح تقدر تلتحق بالبعثه وش صحة هالكلام ...

وينكم يا الررررررربع ... أنتظركم وأنتظر ردكم !!

الله يجزاك خير , كفيت ووفيت ... اتمنى لك التوفيق ...

معليش اخوي خيال كثرت عليك الاسئلة بس عندي اسفسار وهو
ان المرافق اللي معي معلم لغة عربية وش التخصصات اللي راح تكون امتداد لتخصصه بحيث انه اذا رجع يعترفون بالماستر حقه وهل تخصص تقنيات التعليم امتداد لتخصصه
والف شكر ..