تجمع المرافقين ممن يعملون بوزارة التربية والتعليم ( معلمين ) .

مساء الخير
الاجازة الاستثنائية ليس لها دخل في القرض من البنك .

دمتم بود

ابو لجين ...

بالنسبة لموافقة ادارة التعليم انا سألت عنها وقال لي " الموظف المختص " ان اجازة المرافق مجرد اجراءات روتينية ....

تبدأ من المدير والبحث في جدول الحصص اللي عندك وتنتهي عند شؤون المعلمين .....

سألت الموظف وأكدت عليه بالحرف الواحد: يابن الحلال الموضوع يحتاج له واسطات ولف ودوران وحب خشوووووووم ...

قال لي : لا ...

وتأكدت بعدين من احد المواضيع بالمنتدى يتكلم عن ان المرافق يدعمه مرسوم ملكي ماني فاكر الموضوع فين لكن أنا متأكد منه تماما ...

وفيه فرق بين " الاجازة الاستثنائية" وهي سنة من الوزارة وسنة من ادارة التعليم يعني سنتين فقط ...

وفرق بين " اجازة المرافق " وهي من سنة واحدة الى عشر سنين .....

هذا الكلام من ادارة تعليم المدينة المنورة ...

ويبقى كله كلام موظفين والفعل كله بيد الموظف المختص - بعد الله سبحانه وتعالى - اللي الله يعيننا عليه ويبعد عننا شر نفسه والشيطان

هذا اللي عندي ...

هلا اخوي قصيمي متغرب بالنسبة لإجازة رعاية هي خاصة بالمعلمات فقط ولها ضوابط الثلاثة أشهر متواصلة بربع الراتب .

سامر حياك وانا كمان برافق اتمنى نتقابل هناك بس انا موظف على بند الاجور وبكنسل العمل اذا الله تمم البعثه ان شاء الله

أنا معلم تخصصي لغة عربية مرافق لزوجتي إلى إيرلندا بعد الحصول على الإجازة هل يلزم أخذ موافقة من إدارة التعليم من إجل إكمال الماستر في أي تخصص تربوي مناسب...من لديه العلم المساعة........تحياتي

السلااااااااااااااااام عليكم

انا معلم مرافق لزوجتي

لي كم سؤال

1- متى ابدأ بالتقديم للإجااااااااااااااازة --- وماهي الخطوات الي ابدأ بها اولا وثانيا وثالثا؟؟؟

2- هل يعطوني اجازة حتى لو النص الثاني وانا ماخلصت مع الطلاب المنهج === يجيبون بدالي يعني هم يدبرون حالهم بالعربي يجيبون بديل؟؟

3- لو حبيت نأجل دراسة الزوجة عشان انا اخلص النصف الثاني مع طلابي ايش الاعذار الي نقدمها لوزارة التعليم العالي؟؟

تحياتي للجميع

علما انا من الشرقية

وياجماااااااااااااااااااااعة

انا سجلت F2
في التقديم على المقابلة

للفيزا

هل صح وضعي انه اف 2

ولا اغيره الى اف1

اذا لازم اغيره رحت الموقع نفسه عشان التعديل مافيه شو الحل؟؟؟؟؟؟؟

يا اخوان انا معلم مبتعث مرافق لزوجتي من المرحلة الرابعة متواجد في بريطانيا حاليا
اتمنى افيدكم بتجربتي في هذا الموضوع لاني وللاسف وجدت بعض المعلومات المغلوطة من بعض الاعضاء
اولا طلع اسم زوجتي بعد الترشيح النهائي بعد عيد الفطر لعام 1429 طبعا ما كان عندها دوره الزامية مثل الان المهم انتظرنا الى شهر 11 لحظور الملتقيات وسلموها قبول اللغه طبعا وقتها قد ضبطت اموري وجبت قبول لي ولها في معهد معين في المدينه اللي نبيها
بعدين اخذت القبول ورحت الوزارة تحديدا للدكتور عثمان الزهراني وغير القبول يعني اللي يبي مدينة معينه يجيب قبول وماعنده اي مشكله ان شاء الله
بعدين كلمته قلتله ابي ورقه موجهه لادارة التعليم لاني معلم لكي تسرع موضوع اجازتي قال روح عند الموظف ذا ويطبعلك الورقه حلو
الان جينا في ادارة التعليم جيت عندهم وانا مبسوط وواثق قالو روح شؤون المعلمين رحت لمدير شؤون المعلمين قال هذا النموذج تعبيه من مركز الاشراف اللي انت تبعه قلنا طيب
رحت لمركز الاشراف قالوا الموضوع هذا يعتمد على مدير مدرستك اذا وافق اوكي (عشان المدير بكره مايزعجهم انه يبي مدرس يسد الاحتياج ) المهم رحنا عند المدير وما قصر بس قالي اذا ممكن تكمل معانا الترم الاول قلت اوكي اصلا الاجراءات الى نهاية الفصل الاول
عبيت النموذج ورحت ادارة التعليم قالوا تعال ماتروح الا اذا جاء بديل لك ياناس ياعالم وسبحان الله خلال اسبوع والمدرس البديل جاء مكاني وخلصت اخلاء الطرف والامور ذي من شؤون المعلمين وادارة التعليم واخذت ورقة الاجازة الاستثنائية (الورقه ذي احفظوها يطلبونها منكم الملحقية اذا جيت تبي تلحق بالبعثة )
الان بعضكم يسال عن الاجازه الاجازة بتكون استثنائية لك الاحقية الى 10 سنوات بدون راتب والخدمة ماشية واللي يبي يتاكد يدخل موقع الخدمه المدنية
المهم الطامه الكبرى الان عندي قرض من البنك ( الراجحي ) ابو عشر سنوات رحت البنك وكلمت مدير البنك على الموضوع انه انا بطلع دراسة في الخارج وراتبي بيوقف وش بتسوون قال
الحساب بيمشي بالسالب وتدخل في البلاك لست واذا جيت وخلص دراستك تجينا ونسويلك اعادة هيكله للقرض يعني اذا جيت وحسابك 50 الف بالسالب يقسموها تقسيم جديد على راتبك
قلنا الحمد لله بعدين ضبطنا امور الفيزا وقرار الابتعاث وامر الاركاب وكان السفر في فبراير الماضي ولله الحمد ماشية الامور من احسن مايمكن بس تعالوا وخلصوا اللغه وابدوا الجامعة في اي تخصص تبيه وتوافق عليه الملحقية
بعضكم يسال ويقول انا مابي تخصص له علاقه بالتدريس او اي شي تربوي عادي
انا تخصصي محاسبه وماليه والبكالوريوس كان رياضيات
لكن اذا رجعت السعودية وتبي تستمر في مجال التدريس اقولك لا والله شوفلك شي امتداد لتخصصك او تربوي وياكثرها هنا اما انا باذن الله ماني براجعلها
على العموم انا حاضر لاي استفسار على الخاص وامتنى يكون على العام لكي تعم الفائدة
موفقين اخواني
قبل لا انسى الاسبوعين ذي عندي اختبارات تكفون دعواتكم لنا وبالتوفيق

انا زوجي معلم تخصصه دراسات قرآنية هل يستطيع ان يكمل دراسته في تخصص تربوي ام انه ملزم بالتخصصات الموجوده في البرنامج ؟؟؟؟؟؟؟؟؟؟؟؟؟؟؟؟؟؟