تجمع المرافقين ممن يعملون بوزارة التربية والتعليم ( معلمين ) .

السلام عليكم
انا زوجي هو المرافق تخصصه دراسات قرانية ودراستنا بأمريكا تبدأ تقريبا شهر 6 هل تنصحونه يبدأ في الاجراءت من الآن
ولكم جزيل الشكر

عادي اختي العزيزه
لان الاجراءات فيها خيار تاريخ بدء الاجازه
هو يحددها متى تبدا
انا مقدم على اجازه استثنائيه قبل البعثه ب 4 اشهر
ونزل قرار الاجازه وفيه تاريخ بدء الاجازه الي انا حددته
حتى قبل نهاية الفصل الدراسي
وانا على راس العمل لاخر يوم في قرار الاجازه الي انا طلبته وجاني في الموافقه

مساء الخير اخوي سطام .. انا مرافق لزوجتي وحبيت اسألك وش الاوراق اللي قدمتها للحصول على الاجازة الاستثنائية؟وكم المدة اللي يصدر فيها قرار الاجازة الاستثنائية؟.وماهي الاجراءات اللي سويتها من البداية الى حصولك على الاجازة؟ وبالتوفيق...

انا معلم لزوجتي المبتعثه الى كندا وجاني قبول من نفس المعهد
وحبيت اقدم على فيزا دراسه مع زوجتي قالولي مكتب فيفا انت ماتقدر لانه لازم تاخذ اجازه الان بالاضافه الى ضمان مالي بكشف حساب لك يكون فيه مالا يقل عن 60000 ريال وتعريف مترجم من عملك
وعشان خفت من رفض الفيزا اواي مشاكل ثانيه ماقدرت اخذ اجازه وانا تخصص لغه انجليزيه وعندنا عجز كبير الله يستر في تعليم الشرقيه وماحبيت اتاخر في اجراءات الفيزا فقدمت على فيزا مرافق
تتوقعون بيكون اي مشكله في كندا اذا غيرتها لفيزا دارس؟
وهل هناك مشكله على ضوء العجز الموجود في الاجازه؟

القبول على حسابك ولا من الوزارة ؟ اقصد قبول اللغة

وموب شرط للحصول على الفيزا انك تكون ماخذ اجازة.

القبول من الوزاره
والورقه الي طلبوها ان عملك لايمانع وانك تركت العمل فعلا
هل تتوقع اني تسرعت في اجرائي وتقديمي على فيزا مرافق

القبول من مكتب تجسير الي كلفته الوزاره
طلبوني ورقه من عملي انه ماعندهم مانع واني تركت العمل فعلا
هل تسرعت في اجرائي ام لا

هلا فيك اخوي
الاجراءات سهله
خطاب لمديرك المباشر طلب اجازه استثنائيه لمدة عام تبداء من تاريخ كذا تحدد فيها بداية الاجازه ولاسباب السفر مرافق لزوجتي لابتعاثها او تكتب ظروف خاصه وهو يرفعها لللاداره
ومن ناحية المده الي يصدر فيها القرار حسب الاوراق متى توصل لمرجعك ولا تتاخر اسبوع او اسبوعين واذا تابعها بنفسك ما تتاخر

وبخصوص الاجراءات الي انا سويتها
1- كتبت خطاب لمدير المدرسه طلب اجازه استثنائيه لمدة عام من تاريخ كذا
2- رفعها المدير لادارة التعليم في المنطقه الي انا فيها
3- ارسلوا خطاب لمدير المدرسه وفيه خيارات لمركز الاشراف
4- المدير كتب فيه لا مانع من منحه الاجازه عشان ما يرفضون ان مديرك هو الي رفض
5- الجزء الاخر من الخطاب من مركز الاشراف يوقعون عليه لا مانع ثم ترجع لادارة التعليم
6- اسبوعين بالكثير ثلاث اسابيع تنزل الموافقه ويرسلون للمدرسه خطاب من ادارة التعليم بالموافقه فيها
تاريخ الاجازه ونهايتها
وهذي الاجراءات الي حصلت وحبيت افصلها عشان يستفيدون الاخوان الاعضاء والزوار

اخوي موضوع تسرعت او لا
يحكمها اكثر من جانب
كم لك في التعليم وكم دراسة زوجتك
لان الاجازه الاستثنائيه لما تقدم عليهاسنه من ادارة التعليم
وسنه ثانيه من وزارة التربيه والتعليم
وانت بتطلع بالفيزا مرافق وتلتحق بالبعثه كمبتعث دارس طبعا
وانت فكر في التخصص الي انت راح تدرسه يستاهل التضحيه في حالة ان دراسة زوجتك اكثر من سنتين
وقبل فتره اطلعت على اجازه المرافق في ديوان الخدمه المدنيه تمدد على عشر سنوات
وفيه ردود للاخوان في الصفحات السابقه بامكانك الاطلاع عليه
وفيه قرارات الاجازات خاصه المرافق للمبعثه موجود في منتدى التربيه والتعليم قسم التدريب التربوي على ما اعقتد اذا ماني ناسي
وفيه نقطه ثانيه :
انا اطلعت على استمارة طلب دراسة مرافق في الملحقيه فيها خيار الوظيفيه للمرافق
والملحقيه راح تعطيك الضمان المالي بعد ما تجيب قبول قبول من المعهد لما توصل
الملحقيه تتكفل في كل شي وريح راسك
اكيد بيكون فيه تنسيق بينهم وبين عملك بخصوص الشي هذا
وان شاء الله الامور تساهيل

مكتب تجسير جاب لك القبول كمرافق ؟

شف هالموضوع : http://www.mbt3th.us/vb/forum14/thread149497.html