سمعت شي خطير :

المشكلة كل هالمهايط وراس مالك طفل بليد معاه تخصص أدبي ادارة اعمال ولا من هالتخصصات اللي أي كلام

خل اسلوبك افضل ولا تحتقر الناس

واحد تخصصه شريعة على الاقل يعرف يكتب عربي كويس ويعرف يتكلم مع الناس

وعلى فكرة الي دخل شريعة ماحد ضربوا على يدوا وقالو ادخل شريعة =/

النقطة الثانيه

يعني سمعتي في حياتك واحد دكتور ولا محاسب ولا عفريت

ما يعرف مصطلحات عملوا ؟؟؟؟

يا كثرهم .. وأولهم دكاترة الجامعة .. واللي بيعرفهم هذا شخص متمكن ومجتهد

اما اللي ما يعرف والله كثيييييييير .. واكيد انت تعرف بعض من هالنماذج

والنقطة الثالثة

سبحان الله

الواحد يرسل بنتوا بره البلد

بدل ما يرسلها في مدينة ثانيه

كل اسبوع تشوفهم ويطمنوا عليها !!!

ولا المحرم ما يقدر يدرس هنا ويقدر يدرس بره !

ما دامهم ما عندهم اشكالية في الاختلاط مع الاولاد

ما حيكون عندهم اشكالية انها تدرس في السعودية في مدينة ثانيه من باب اولى !!!

• تنبيه هام بخصوص امتداد التخصص:

تلفت إدارة برنامج خادم الحرمين الشريفين للابتعاث الخارجي عناية جميع المرشحين والمرشحات الذين تقدموا للابتعاث في تخصص ليس امتداداً للتخصص السابق بأنه سوف يتم تعديل التخصص المطلوب للدراسة في الخارج إلى أقرب تخصص يتناسب مع التخصص السابق سواء قبل التقديم لإصدار القرار أو عند إصداره, وذلك وفقاً لمرئيات إدارة معادلة الشهادات الجامعية بالوزارة.

http://www.mohe.gov.sa/ar/studyaboar...Pages/001.aspx

ولكن لم يتم توضيح إن كان التحويل الى تخصص آخر أو شهادة أحرى.

هل يستوي اللي معاه بكالوريوس امتداد لتخصصه

مع اللي معه بكالوريوس بعيد كليا عن التخصص ؟؟؟؟

الا في امريكا اتوقع يستوون وممكن اكثر من المساواة

السلام عليكم ورحمة الله
معليش اخوي kudoh ما دريت انك ولد
ما فيها شيئ لو غلطنا ..لو غلطنا يعني كفرنا ..
وانا اشكر اخواني من كل قلبي ماهو السبب وخيال الواقع على الرد
لانه هذا هو كان ردي ..
فماعندي اي شيئ اضيفه ..
جزاكم الله خير وما قصرتوا ..كفيتوا ووفيتوا
فعلا كنتوا في قمة الذوق ..
الصراحة والله ما كنت ناوية ارد ..لانه طفشت وانا افهم بهاذولا النماذج
بس يوم شفت ردودكم حبيت اشكركم ومنها أعتذر على اني كتبت على اساس kudoh بنت
وبالتوفيق للجميع وشكرا جزيلا للاخوان الطيبين

الله يكون بعون الجميع من الناحية هذي
و مشكور يا خطييييييييير

تتخرج بكالوريس تخصص محاسبة او تمويل = اللحاق بالبعثة لسوء المعدل (تحت 3.75)
تتخرج بكالوريس تخصص ادبي = مبتعث

المفروض لعبناها صح ودخلت بكالوريس تاريخ
والله يوفق المبتعث والي يبي الالتحاق وترا الدعوة كلها سنة ونص وننظم للبعثة

الحين المحاسبة والتمويل صعبة ؟

وش تقول بالهندسة والعلوم الطبية والفيزياء والكيمياء والبلد محتاج هالتخصصات أكثر من احتياجه لادارة الاعمال والاقتصاد

احمد ربك انك محاسبة وتراه تخصص ادبي ما يفرق عن التاريخ. لانه الظاهر لو تخصصت تخصص علمي ما كان تخرجت من الجامعة

هلابك
انا مادري وش تخصصك لكن اذا كنت هندسة اشكر ربك لان مافي طلاب من تخصصات ادبية يشاركوك في الماستر
انا متخرج من سعود اصعب نظام دراسي ومن اول ترم الى اخر ترم كل مادة ادرسها رياضيات وتمارين مافي الا مواد الجامعة الاساسية
وهذا يخليني اجمع اني اتساوى مع طلاب الرياضيات
ياعزيزي انا اقصد بالتخصصات الادبية مثل لغات اداب جغرافيا تاريخ تربية ....
وهذول صدقني ماتعبو مثلنا في الرياضيات والحسابات وهذا شي واضح لان دراستي كلها تمارين مافي شي نظري
ولو انا جايب معدل 3.75 في نفس تخصصي التمويل كان توظفت با احلى راتب وبلاش اكمل دراسة لكن الي درس بسعود يعرف صعوبة المعدل
والسالفة ماهي حسد لكن ماراح تعرف وش اقصد الا اذا احد شاركك في ماستر الهندسة وهو مادرس بكالوريس هندسة
والله يوفق كل المبتعثين والمبتعثات

أنا اعرف النظام فقط في امريكا تاخذ لغه انجليزي وبعدها تاخذ الماستر بس فبلها سنه تأهيله اذا كانت غير امتداد لتخصصك ... والله اعلم