ممكن احد يساعدني ... انا ومكتب تجسير

حبيبتي الله يعافيك ....
بس انتبهي المرافق يحتاج شهاده بنكيه مو ضمان << في فرق بينهم
لانك اذا رحتي هناك بتغيرين للمرافق الشهاده البنكيه الى ضمان من الملحقيه
الله يسهل امرك يارب

مشكوره اختي
وربي يسهل امورك ماقصرتي والله

قبل ساعتين دقيت على هذا الرقم وردت علي وحده... شكلها من الادن .. وعلى ما اعتقد كانت دقه دوليه

816 520 0540

أختي أجمل الأمنيات في البداية
الله ييسر أمورك
أنا بعد تبع هذا المكتب النصاب وقالي اختر الولاية والمعهد اللي يناسبك
وفعلا ارسلت المدينة والمعهد اللي أبغاه لكن طلعوا نصابين وصل قبولي قبل يومين وحاطيني
في معهد els في مدينة كليفلاند في أوهايو
والله نفسيتي في أسوأ ما يكون من كثر اللي سمعتها عن هذا المعهد السيء
والله مادري وش اسوي أسأل الله ان يكتب لنا الذي فيه خير

نفس الشي
تجسير خدعنا..
قال اختار الولايه وجاب من نفسه
بس وربي ما فوق كل قوي الا الاقوى منه

يابنات .. انتوا سمعتوا الدكتور الحربي وش قال ؟؟

قال ان الوزارة هي اللي جابت القبول .. والمعاهد هي اللي توزعها ... وماايد تغيير القبول ابد ..

حبيت اقلكم عشان لاتتوهقون بس وتحطونه بالاعتبار .. موفقين

يابنات حسبي الله ونعم الوكيل
انا اعطيت المكتب قبل 3 اسابيع اوراقي والفلوس
وقلت ابي قبول معهد المهم جاو واتصلو فيني وقاو ان المعهد يبي مبلغ 5000 الاف دولار
وقلت غيروة المهم وكل ماتصلت عليهم مشغولين في المبتعثين مبس مشغولين
واخر شي انتظر منهم يشوفوا موضوعي انواع التاجيل
واخر شي رحت وجبت قبولي انا بالنت الحمد الله اسبوع وجاني
بس ابي اطلع فلوسي منهم وشلون ؟؟؟؟؟؟؟؟

غريبة بصراحة مكتب التجسير اللي بالرياض جدا محترم وراقي والكل يمدح فية
وبصراحة اخلاقهم عالية جدااااااا
انا رحت لة بصراحة قمة بالتعامل والذوق العالي

انا عن نفسي جاب ليا في الولايه الي ابغاها كلمتهم الثلاثاء الاربعاء جاء قبولي الحمدلله

السبت جاء رقم السيفس ومختوم من الوزارة بس قالي لما يوصل الرياض نبلغك

بس كان في خطا في تاريخ الميلاد والجواز تبع مرافقي راسلتهم وقالو ان شاء الله نعدله والصراحه ما طلبومني الى الان فلوس

راح انتظر يوم استلم الاوراق راح يطلبو فلوس ولا لا

صراحه مره ما قصروووو >> بركه دعاء الوالده

يا جماعه مين رايح نيويورك تريتاون ؟؟؟

شهر ونص ولا حس ولا خبر من الكتب مدري انتظر ولا ادور ناس تجيبلي قبول اخاف اصوم اصوم وافطر على بصله مع هالكتب

الله يسهل عليكم جميعا