استفسار بخصوص البكالوريوس لطلاب الثانوي هل يوجد " أمل " !!

شوف ترا في كذا نظام ابتعاث..
فيه ارامكو - السي بي سي.. بس صعب شوي القبول فيه..
فيه برنامج الابتعاث للملك عبدالله..
وفيه برنامج ابتعاث الخطوط السعوديه..
واكيد في غيرهم بس ما اعرفهم..

وكله طبعا على حسب التخصص الي تبغى ودرجاتك والقدرات والتحصيلي..

انت حط درجاتك والتخصص الي تبغاه واكيد الاعضاء بيفيدونك..
بس طبعا مو اكيد لأنك لسه ما خلصت ولسه وراك قدرات وتحصيلي..

الله يوفقك يا أختي ويحفظك اتمنى والله تتابعي موضوعي لاني محتاج مساعدتكم لان هالموضوع جالس على قلبي ابي اعرف يا بحر يا بر
نسبتي هذا الفصل 85%
وطبعا كما هو معروف عندنا الان النظام التراكمي اللي يقسم ظهر الطالب ويحطمه
يعني لو اجيب 100% السنة هذي ماراح اشم اكثر من 85 % كمحصل عام للثانوي
وقياس باقي ما أختبرت ان شاء الله بشهر 5 , والله يكتب اللي فيه الخير
لكن التحصيلي ما أعرفه ياليت توضحون لنا إيش هو
والله يوفقك وييسر امر كل من يساعدني او لم يساعدني واسال الله ان يفرج هم كل من هو مهموم وييسر امر كل معسر

السلام عليكم ورحمة الله وبركاته

كيفك اخوي انا مثلك حايس واتمنى ابتعث لأي دولة اهم شئ ابتعث

واكمل دراستي في جامعة غير جامعاتنا التعبانة

وانشاء اللة افيدك شوي

1/ انت عمن تقول انه معدلك الترم ذا 85 اوكي بس كم معدلك السنة الماضية الموزونة النهائية اللي في الشهادة حاول تشد حيلك شوي

وترفع نسبتك الترم الجاي فوق 95% وخلي البافي على ربك .

2/ بالنسبة للقدرات انت عمن تقول ما اختبرت لسة ( حرام عليك ضيعت على نفسك ثلاث فرص ) كل اللي اختبر من اول مرة طبيعي

يكون درجاته نازلة لكن كل بعد فترة راح ترتفع النسبة انشاء الله

نصيحتي لك حاول تاخذ دورة قبل ما تختبر القدرات بس ابتعد عن المعاهد التجارية

يمدحون رايز اللي في جدة بس مدري عنهم ما سجلت عندهم واذا كان ميزانيتك ضعيفة شوي انصحك تشتري

كتاب رام 1 لبهاء فوزي من مكتبة جرير وتتمرن عليه بعد ما تخلص ادرب ع سي دي المرفق

حاول تشد حيلك شوي واعطيه شوية اهتمام لأن معظم الدوافير في المدرسة يخبصوا في ذا الاختبار .

3/ بالنسبة لأختبار التحصيلي انت ما عليك اختبار هذا الاختبار خاص بطلاب علوم طبيعة والثانوية الصناعية على حسب علمي


واخيرا اتمنى لك واتمنى لنفسي والجميع التوفيق املنا وحلمنا واحد اللي هو الابتعاث الله يوفقنا .


تحياتي لكم

أخوكم / Extreme

000000000000000000000000

والله يا اخوي.. ما ودي احطمك .. بس حسب نسبتك ترى الامل ضعيف جدا...

بس فيه حل.. انك تروح على حسابك وبعدين تنضم.. ولكن بعد للانضمام للبعثه شروط... ولازم تشد حييييلك من البدايه..
ومطلوب منك تخلص 30 ساعه عشان تنضم وبمعدل حلو ( بس مو تعجيزي يعني سهل تجيبه ) بصراحه مو متذكره المعدل المطلوب كم اظن 2.5من 4 ..

طيب اذا واحد نسبته في الثانوي اللحين الترم الاول 98 وثاني ثانوي 98 علمي والقدرات 85
باقي التحصيلي

^^

التحصيلي مطلوب عليك 77

وشد حيلك وذاكر له وتقدر تجيب بسهوله 90

شكرااااااا على المرور
بس من وين اذاكر مو معقول اذاكر ثلاثين كتاب؟؟؟؟؟؟؟

داداا..
ذاكر الاشياء الي تذكر انك كنت مو فاهمها وضعيف فيها خلال فتره الثانوي
وشوف كتاب رام 1 ورام 2
صراحه استفدت منهم...

اظن ( ومو متاكده) تقسم الاسأله لإختبرات التحصيلي 25% اول ثانوي 25% ثاني ثانوي 50% ثالث ثانوي