صديق المرحلة السادسه؟!

طيب اخوي بالنسبه للتوصيات , أنا انصحك وبقوه تاخذ مجموعة كبيره من التوصيات على حسب كلام بعض الأصحاب في الخارج , ولهم خبره في التقديم على الجامعات , لأنه قول مثلا انت قدمت على جامعه وانت في السعوديه وطلبوا منك ارسال أوراقك بسبب التأكد من شي , تمام؟ .. انت بالطبيعي راح ترسلها لهم , طيب واذا ماقبلوك؟ يرجعوها لك ؟ أكيد ماراح ترجعلك .. طيب بعدين اذا بتقدم على شي ثاني ايش تسوي؟ ترجع تاخذ توصيات من جديد؟

أنا اللي سويته التوصيات اخذتها عن طريق الإيميل عشان اقدر انسخ على كيفي , وبعض التوصيات صورتها واخذتها للقبول والتسجيل وختمتها طبق الأصل .. يعني خليت احتياط يكون في توصيات طبق الاصل مخليها لمراسلة الجامعات اذا احتاجوا , والأصل يجلس عندي وما أرسله لأي جامعه إلا اذا جا قبول نهائي ! .. لكن في بعض الجامعات تريحك , تقلي ارسلها سكنر لنا بدل الإرسال عن طريق البريد وهذا مررره ممتاز انت ماراح تخسر شي ( لكن تختلف الشروط من جامعه لجامعه , يعني مافي حل ثابت ) , فــ الواحد يكون في السليم من البداية أحسن عشان يضمن جامعه حلوه ..

بالنسبه للتوصيات في ظروف , التوصيات في ظروف الوزارة ماتحتاجها ! .. اللي يحتاجها بعض الجامعات الأمريكيه وليس الكل يعني أرجع وأقول كل جامعه لها شروطها ! .. بس الغالبيه يبغاها في ظرف .. وبعدين صح كلام دكتورك اللي قال هم لو يبغوا شي يراسلوهم على الإيميل .. لكن المقصد مو يبغى ولا مايبغى , المقصد من الظروف يا أخي العزيز انها تكون في سرية تامه بين الدكتور والجامعه ( يعني بالعربي مافي احد اطلع عليها لا الطالب نفسه ولا أي احد ) ..

في مرحلة التدقيق , لازم يكون في توصيات على جمب من غير ظروف للتدقيق .. عشان كذا بقلك لازم تكون عندك مجموعة كبيرة من التوصيات ..

أتمنى ان الفكره وضحــــــــــت !


بالتوفيق للجميع ..