صديق المرحلة السادسه؟!

انا تحمست مع الموضوع ودخلت موقع المركز الوطني للقدرات والتحصيلالمركز الوطني للقياس والتقويم في التعليم
وللأسف التقديم للبنات قفل من اسبوع ولا ادري اذا فيه اختبار ثاني قريب او لا
الموضوع بصراحه مخوفني والله يستر...

صادقه والله
ياربي وش هالحوسه اللي حنا فيها ..
انا اليوم تحمست ورحت اشتريت كتاب اختبار القدرات للجامعيين من مكتبة جرير
وسويت لي اشتراك في مركز القياس وارسلولي رقم اشتراك / بس يوم شيكت مكتوب لاتوجد حالياً اختبارات للتسجيل تخص مرحلتك الدراسية


وربي جاني احباط مو طبيعي من عرفت ان التسجيل تقفل للبنات
اذا ماراح يفتحون التسجيل معناته ماراح يدخل شرط من شروط الابتعاث
لانه لو بيدخل كان حطوا اعلانات من بدري مو على اخر الوقت وقبل فتح باب الابتعاث يحطون الاعلان
الا اذا كانوا يبون يوهقون الكل ويقللون من كمية المبتعثين !

هذا تحليلي وانتوا شرايكم !

بصراحه تحليلك منطقي ..
اصلا احس من كثر اهتمامنا في الموضوع صرنا نهوجس ..
بس الله يوفقنا ويكتب اللي فيه الخير لنا ياااارب.

والله ودي واحلم كل يوم
والهم ذبحني
والتفكير دمرني

واوراقي وتوصياتي جاهزه
بس المشكله

قمة التحطيم مالقييييييييييييييييت اللي يرافقني


يااااااااااااارب ان علمت لي في البعثة خييييييييييييير

فيسرلي من عندك

وسخرلي من يرافقني

واجعله من خيرة خلقك واتقاهم ياللله

انك على كل شيئ قدير

اللهم امين ,,

والله يستر من القدرات , برا وبعيييييد ان شااااء الله

ياجماعة أنا مافي شي مخوفني في البعثه الا هرجة اختبار الجامعيين انه يكون شرط ! ... بس ما أتوقع يكون من شروط الابتعاث , لانه مااعطونا اي خبر انو لازم نختبره للقبول في الابتعاث ( المفروض ينشروا هالخبر في الجرايد أو الانترنت ) .. على العموم أنا اختبرته قدرات الجامعيين وما ادري ناجح أو لا 52% .. في اختبار للبنين يبدأ شهر 7 بختبره مره ثانيه والله يستر ... مع اني اختبرت الاختبار الأول في الرياض والله مسااافه بعيده تعبت في الاختبار لأن أقسامه اغلبها رياضيات وأنا اكره اشوف ارقام ومسائل رياضيه ! , وفوق هذا مانمت لمن رحت الاختبار ماقدرت أنام جاني صداع قوووي ! .. ياخي ليه هالتعقيدات ؟ انا قسمي انجليزي مو رياضيات ولا فيزيا ! .. ماعمري في الكليه درست اي شي عن الرياضيات , يعني لازم علي هالاختبار؟ قهررررر !!!! ... ادعوا مايكون من ضمن الشروط ياررب , الأيام تمشي واحنا في شهر 6 الان , نزول الشروط قريب !

بالتوفيق للجميع ...

ان شاءالله تنقبلي في الابتعاث وتحصلي اللي يرافقك يارررب , شوفيلك اي محرم , اخوك , ابوك , عمك , خالك , زوجك , السواق <<< امزح هههههههههههه ...

أسأل الله العظيم رب العرش الكريم انو يوهبلك المحرم ويطلع معاك ياررب ! .. بالتوفيق ..

لا ان شا الله..
مافي اختبار قدرات..ولو فيه كان لمحوا و قالوا في الجرايد..
تخرجي كان من 5 سنوات و اطمح اكمل ماسترز و بصراحة ما عندي اي خلفية عن اختبارات القدرات و لي زمن طويل عن الرياضيات..يعني اختبار بيظلم الكل خصوصا ان فيه تخصصات بعيدة كل البعد عن المواد العلمية.
اللي عنده الخبر الاكيد يعطينا اياه.

kewl انت متخرج انجليزي؟
تو لقيت موضوع عن واحد مصري يقول انه يوفر قبول MBA و يقول اللي دارسين و متخرجين انجليزي ما يبيلهم توفل!
من راسه يحكي و يؤلف الاخ.
على فكرة انا بديت باجراءات القبول في الجامعات. لان فيه اشاعة سمعتها انه من شروط القبول الجديدة في برنامج الابتعاث الحصول على قبول جامعي. يعني طلعة على امريكا على اساس دراسة معهد بدون قبول جامعي مافي!

هذا والله اعلم.

يالله لسه فيه ناس تقدم على الابتعاث ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ذكرتوني لما كنت صغنوووووون >>> الحين شيبت
انا مبتعث من المرحله الخامسه ! بس ماعندي كلام اقوله غير يازين السعوديه بس

كل واحد بيقدم على الابتعاث لزم يحط براسه شي انه لزم تروح سنه من عمرك في التقديم <<<زي ماصار معنا في المرحله الخامسه
وسنه او سنه ونص لغه
هذا واذا حصلت قبول جامعي <<<خصوصا كندا !!وخصوصا الماستر
وبالاخير من طلع من داره قل مقداره

هلا حياك الله اخوي ... بالنسبه لموضوع التوفل مطلوب من الكل سواء انجليزي أو لا , لكن ممكن يقصد مايحتاج معهد فقط يختبر توفل ويعدي اذا كان كويس في الانجليزي...

انت تقول متخرج لك خمس سنين , من شروط الابتعاث الا يكون متخرج له خمس سنين والله أعلم , شوف شروط المراحل السابقه ... وبالنسبه للشرط اللي تقول عليه حق الحصول على قبول من جامعه , ما أتوقع ...

أتمنى لك التوفيق اخوي ...