صديق المرحلة السادسه؟!

محمد اسمك الأول أو اسم الوالد أو الجد ؟!

امين الله يسمع منك ..

السلام عليكم ،

ان شاء الله كل شخص شارك هنا وكل شخص له طموح في الابتعاث يبتعث
وكلنا نكون اصدقاء <<< - - المصالة على سنعها



اخوي انا عندي كم سؤال
وان شاء الله تساعدني

معلومات كثيرة ما قريتها في الـ 99 صفحة السابقة ..

انا يا طويل العمر تخصصي محاسبة ، عندي دبلوم Associate Degree of Since in Accounting
من كلية الجبيل الصناعية ، المعدل الحمد لله تمام وعال العال
ايش هي نسبة فتح التسجيل لطلاب الدبلوم ..؟

سؤال ثاني ، جوازي باقي عليه 6 شهور وينتهي ..
اقدر اقدم فيه
او لازم يكون فيه اكثر ؟


وربنا يوفق الجميع

ياشباب الحين انا اختبر باقي اسبوع واتخرج

وع سالفة التوصيات

كيف اطلبها من الجامعة ؟ والدكتور بس توقع

ولا تكتبها هي


وعادي اخذها الحين قبل تخرجي ؟

مرحبا اخوي , الله يسمع منك يارب ..

بالنسبة لفتح الإبتعاث للدبلوم , شوف أنا زيي زيك ماعندي معلومات أبدا عن الشروط وما أحب أقول شي الا يكون فيه مصدر عشان تكون واضحه للكل , ولكن اذا تبغى رأيي بقلك , وهو 50% يفتحوا الإبتعاث للدبلوم , والسبب لأنه في برنامج جديد خاص لحاملي الدبلوم من المؤسسة العامة للتدريب التقني والمهني , انتهت فترة التسجيل للمرحلة الأولى , بقي المرحلة الثانية وكما سمعت ان القترة الثانية تبدأ في شهر 11 هجري ..

السؤال الثاني , عادي تقدر تقدم فيه , لأنه أهم شي عند الوزارة وكما هم كاتبين " جواز ساري المفعول " وماذكروا كم المدة , يعني ان شاءالله بتقدر ...

أدعي من كل قلبي يرجعوا يفتحوا الإبتعاث لحاملي الدبلوم كما في المراحل السابقة ياحي ياقيوم ..


بالتوفيق ..

وعليكم السلام ..

تروحي للدكاترة تبعك , وتقوليلهم أبغى خطاب توصية للدراسة في الخارج وتكون باللغه الانجليزية , وهم يعرفوا , المهم تاخذي ثلاث توصيات من كل دكتورة توصية واذا اخذتي زيادة من دكاترة اخرين يكون احسن وافضل ..

ولاتنسي تطلبي من كل دكتورة نسختين أو ثلاث نسخ للتوصية واعيد وأكرر بالانجليزي مع التوقيع والختم ..

بعد ماتخلصي كل شي , تحطي كل توصية لحالها ورقة وحده في ظرف وتختمي على الظرف من بره ( مكان قفل الظرف ) كذلك التوصيات الأخرى .. ( ارجعي للصفحات في نفس هذا الموضوع تقريبا في السبعينات أو الثمانينات في كلام كتبتوا عن التوصيات راح يفيدك ) .. واذا ما أفادك , سوي بحث في المنتدى عن التوصيات وتطلعلك مواضيع كثيرة راح تستفيدي منها كثير ...
عادي تقدري تاخذيها قبل التخرج بس البعض يقلك لا ما اعطيك قبل التخرج , بس نصيحة مني لوجه الله , اطلبيها الان لأنه طلاب المرحلة الخامسة , البعض فاته التدقيق السنه اللي راحت كله بسبب التوصيات .. فــ خليكي سريعة شوية !


بالتوفيق ...

ليه التسجيل اذا ماهو شرط ؟ والا احتياط يعني ؟؟

ايوه احتياط بس .. طيب تخيلي الإنتظار هذا كله وتنط الوزارة بنطاتها اللي مالها داعي , وياما شفنا وشفنا منهم ,

عشان مايكون في اي عائق ! وخصوصا انهم طبقوه السنه هذي للي بيدرس ماجستير بالجامعات السعودية ! .. فهمتي؟! ( اللي يبغى يختبره , يسجل , واللي مايبغى , لايسجل عادي ! )

بالتوفيق ..

مشكور على المعلومات الطيبة
الله يجزاك خير ويوفقك ويوفقنا جميعاً وكلنا نبتعث ونرجع رافعين روسنا .....


اما على طاري المؤسسة العامة للتعليم الفني .. وسالفة الدبلوم الله يعييييييين بس

ما اقول إلا سحقاً وتباً
انا موظف ومرتاح بوظيفتي .. ايش اللي جنني وحط الفكره براسي
... ايش يطلعها بس



انا بنتظر شهر شعبان ....... وراح نشوف ايش يصير
والله ضبطت الامور خير وبركه
ما ضبطت
مالي إلا ادرس part time واكمل وظيفتي واشياء ثانية



......

تنهيده قويه كذه




الله يوفقكم جميعاً

امين الله يسمع منك , ولاتنسى شي وهو اللي بيريحك شوي , انه اذا ماجاتك البعثه من جميع النواحي , فهي ان شاءاالله خير لك من رب العالمين , لاتنسى دايم تقول الحمدلله على كل حال , غيرك مو محصل ياكل أو بنزين السيارة , لاوظيفة ولا شي ... لكن هذا مو بمعنى انك توقف ! , لا حاول حتى لو على حسابك ..

أتمنالك التوفيق دوما ...