مبتعث جديد New Member
الولايات المتحدة الأمريكية
aalbutti , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى محاسب
, بجامعة جامعه الملك سعود
- جامعه الملك سعود
- محاسب
- ذكر
- الرياض, بورتلاند , اوريغان
- السعودية
- Mar 2010
المزيدl April 9th, 2010, 03:43 AM
April 9th, 2010, 03:43 AM
السلام عليكم جميعا,,,
كنت من الناس الي يدور قبول لدراسه الماجستير في الماليه او المحاسبة من وقت تخرجي ولم احصل القبول لسبب بسيط ان معدلي بالجامعه 2.12 من 5 يعني مالي اي امل في اي قبول لا مشروط ولا شي بس الحمد لله لقيت بعد عناء من مكتب قبول بالرياض والغريب بالأمر هو اني اول ماشفت المواضيع بالمنتدى هذا عن هالمكتب استغربت من الردود الي تكذب هالمكتب قلت ياولد رح وشف بعينك هالمكتب قبل ماتحكم مع العلم اني رحت لمكاتب كثيره منهم يقولي بجيب القبول ب 1500 ريال بس بعد شهر ولا بعد يمكن يجي قبول ويمكن لا ...
المهم مالكم بالطويله مع اني منب من النوع الي يهوى الكتابه بالمنتديات الا لما حسيت ان فيه احد راح يستفيد ان شاء الله من الي صار لي,,,
نرجع للمكتب الي شفته بهالمنتدى وانواع السب والردود الي تكذب هالمكتب قلت ياولد رح وتوكل على الله مع اني منب حاط هالشي بيمر علي مرور الكرام ...
حاط في بالي اشياء كثيره اولها مصداقيتهم اني استرجع المبلغ كامل اذا ماجابو لي القبول وهذا الشي الي وافقو عليه انهم كتبو لي سند اذا ماجاك القبول خلال 3 ايام الى 5 ايام نرجعلك كامل المبلغ
قلت ايه هين 3 ايام او خمسه الحين من تخرجت وانا احفر ادور قبول وانت تقولي خمسه ايام قال انا اقدر ومبلغك تاخذه يوم الجمعه كامل اذا ماجبت لك القبول ,,,
قلت في نفسي ياولد حاول لأن بقدر اخذ هالاشياء بالقوه اذا لعبو علي اول شي جهاز الاب توب حقهم الي على الطاوله وبكسر المكتب كله اذا مارجع لي الفلوس وبكذا بكون اخذت حقي ولا بعد ابي اخذ منه محفظته وباخذ الفلوس الي فيها اذا كان كذاب كل هالكلام كان بداخلي وماصرحت فيه للمحل ...
المهم رحت يوم الاثنين للمكتب وقالي بجيب لك قبول من 4 ولايات هم يتعاملون مع الجامعات الي محددينها من هالولايات المهم انه قبول لو بصحراء ماعندي مانع وقالي ادفع 3000 ريال والله توكلت على الله ودفعت 3000 ريال واخذت السند وعطيته صور من شهاداتي قالي خلاص كم يوم وراح ندق عليك ونعطيك القبول والله من نفس اليوم وانا ادق عليهم من خوفي انهم نصابين ومن زود الحرص جبت لهم باقي شهادات الخبره على شان تسهل عليهم وقابلت السعودي صاحب المكتب وارتحت يوم قابلته بعد مااكد لي على كلام الموظفين الي عنده قالي تطمن وراح يجيك القبول ان شاء الله ...
وانا كل يوم اكلمهم الين جاء يوم الخميس الي هو رابع يوم اتصل علي صاحب المكتب وقالي انت حظك سيء وماقدرنا نجيب لك قبول قلت لا تكفى غير هالكلام قالي ابشرك جاك القبول وراح ارسلك على ايميلك ال I-20 وبالفعل وصلني على الايميل ومنب مصدق الين وريته اخوياي الي يدرسون في امريكا ارسلته لهم وقالو هذا هو القبول بس بعد كم يوم راح يصلني القبول الاصلي بالفديكس من امريكا قلت ماعندك مشكله اذا جاني قبول ....
بعدها طلب لغه منهم بولايه غير الولايه الي جاني فيها القبول لأن الجامعه الي جاني قبول فيها صغيره ووافق المكتب بشرط ان هالمعاهد هم متعاونين معها او بمبلغ والحمد لله جاني قبول بعد كم يوم لقبول اللغه من معهد غير الجامعه مع العلم انهم جايبين قبول للجامعه واللغه بس انا ماابي ادرس فيها اللغه...
تعبت وانا اكتب...
هذا عن القبول بعد ماصار لي هالشي من جد تحطمت من المنتديات مافيه مصداقيه مو كل المواضيع بس الواحد لا يعتمد على الي يقرا بس ويقول مافيه هذا ان الحمد لله تحقق مبتغاي...
وجاء الأهم وهو الفيزا والهم من هالشي لأني بطلع على حسابي الخاص وكل شخص يكتب لي كلام وقصص توكلت على الله وحددت موعد للمقابله يوم الثلاثاء 6-4-2010 مع العلم ان ماخذ الموعد يوم الخميس 1-4-2010م الحمد لله كانت تساهيل لأني كنت اسمع ان المواعيد بعيده عموما خلصت كل شي تسجيل اوراق وصور وكملت كل شي انتظر يوم المقابله وجاء يوم المقابله ووصلت الساعه 8 صباحا بحكم ان موعدي 8 ونص وانا على اعصابي ماكنت موفر مبلغ بحسابي الا حوالي 75000 ريال وقلت بنفسي شكلهم بيطردوني على شان هالمبلغ ويوم وصلت لقيت حوالي 25 شخص صافين قبلي وعارفين الاجراءات الي تصير بختصر الكلام وبعد ماوصلت للي يقابلني اخذ جوازي وكم سؤال وقالي اوكي موافق راح نفيز لك للدراسه قالي رح ود هالورقه للفيدكس وراح يجيك بعد اسبوعين او اقل والحمد لله ماطلب مني لا كشف حساب ولا غيره بس سألني من راح يدفع تكاليف الدراسه قلت له انا واهلي وهذي سالفتي بأختصار ...
الغريب انهم مايهتمون بمواعيدهم يعني الي موعده الظهر وجاي الصباح مايقولون لا والي استغربت منه ان فيه شباب حاجزين موعد من 2009 شهر 12 وهذا الي استغربت بس المفروض منهم بعد كل فتره اذا موعدك بعيد تشيك يمكن فيه احد حذف موعده وتكون بمكانه ومن المصادفات اني قابلت شباب جايهم قبول من نفس المكتب الي جابلي ...
معلومه صغيره واخيره :
لحد يصدق الي ينكتب او يكذبه الين مايتأكد بنفسه ...
يعلم الله هذا اول موضوع اكتبه للفائده وابي دعوتكم ان الله يوفقن في وصول الفيزا وتحقيق حلمي بأكمال دراستي ..
ولكم اجمل تحياتي ...
اخوكم / عبدالعزيز
واي استفسار انا حاضر ...
الله يعطيك العافيه اعطيتني امل
بس انا عن تجربه تعبت من المكاتب بس ما ابغى اعمم مكتب ايجيك طلبت منه تغير قبولي مع اني مبتعثه واخذ مني 1500 وكلمني مره ثانيه واخذ مني 200 يقول للارسال وهذا كله على قبول لغه بس وانا عارفه انه كذاب اخذ من ناس 700 ريال وكمان شفت موقع المعهد ما يكلف لهذي الدرجه ما تزيد التكلفه بالارسال بكله 800 ريال لكن كل هذا عشان يجيب لي قبول مختوم من الوزاره وكمان جلس اربع اشهر عشان يجيب القبول يماطل لمن تعبت وعطل عليا اشياء كثيييير واتاخر سفري بسبب القبول
الله لا يسامحه ولا يسامح اللي حدنا عليهم
ميرال27 April 9th, 2010, 04:07 AM
7 " مشكوره على تعقيبك ,,,
اذا اي جامعه عادي عندك روحي لهالمكتب وتوكلي على الله واذا فيه جامعات معينه اسأليهم قبل لأنهم ممكن مايجيبون لك وهذي الميزه الي لقيتها بهالمكتب اذا يقدر يقول اقدر او يقول مااقدر ,,
وبالتوفيق بحصولك على القبول بأسرع وقت ,,,
تحياتي,,,
aalbutti April 9th, 2010, 04:15 AM
7 " وعلى طاري قبول اللغه اسألي عن معهد كابلن من أقوى المعاهد الي يدرسون فيها زملائي على كلامهم وانا جبت قبول للغه من هالمعهد بناء على كلام زملائي وان شاء الله يكون على قد كلامهم مع العلم ان هالمعهد يحضر للجيمات ومعترف هالمعهد بالتعليم العالي والملحقيه ,,,
تحياتي,,,
aalbutti April 9th, 2010, 04:21 AM
7 " انا كتبت باللون الاحمر لانه للكلام المهم
طيب لو سمحت تقول لنا وش اسم الجامعه .. وهل انت متأكد انه قبول جامعه ماجستير من دون اي شروووط؟؟
لانهم يسون حركه يجيبون لك قبول لغه وفي نفس الوقت القبول الجامعي ورقه حبر تكتب من عندهم زي السلام عليكم ويجيك القبول وانت مفهي وتشوف الاتوني مكتوب 12 شهر يعني مده اللغه فقط والورقه المطبوعه مكتوب فيها انك تدرس لغه وتدرس جامعه .. والعجيب من هذا كله ما تكتشفه الا بعد ما تجي هنا بأمريكا ..
قبول ماجستير في 4 ايام صدقني لو تجيب لي 5000 قبول اقول ما ابغاه لانه كذب .. بصفتي عايش بأمريكا وادرس الماجستير لازم يمر على قسم في دكاتره في قسمك ويشوفونه .. ومع ذلك انت معدلك ضعيف وتمنح قبول ماجستير لا وفي جامعه معترف فيها على حسب قولك ..
في الاخير اذا كنت صادق .. اذكر اسم الجامعه وانا اجيب لك كل شي عنها حتى كم عدد الموظفين اللي فيها وش طبيعه عملهم
فخامه الرئيس April 9th, 2010, 04:28 PM
7 " حياك الله يالغالي
برد عليك بنقاط على شان يكون كلامي واضح :
1- University of Tennessee- Martin هذي اسم الجامعه وياليت بعد ماكتب تلك هالجامعه تجيب لي معلومات عنها لأن هالشي يهمني كطالب راح يدرس فيها ,,,
2- القبول الي جاني مشروط باللغه والجيمات ,,,
3- على طاري قبول بورقه حبر ومو معتمد على قولتك الاوراق وديتها للسفاره وقالي الموظف انها اوكيه يعني مو مزوره على قولتك والشي الثاني لو مافيها توقيعهم وجايتني من نفس الجامعه بالفديكس كان صدقتك انها مزوره على قولتك,,,
4- انا كتبت بالموضوع مهب لازم تصدق كل الي ينكتب الين ماتشوف الشي انت بنفسك,,,
5- اضيفلك هالمعلومه اذا كنت ماتدري سنوات الخبره للعمل ترفع من معدلك في القبول وابي تتأكد بنفسك من جامعتك يالغالي لأنهم بيقولون هالشي معروف من زمان,,,
6- اتمنى انك انت تكون صادق ولا تكون موظف في احد المكاتب القبول الي تتنافس بتكذيب المواضيع واذا انت صادق و طالب على قولتك اتمنى تجيب لي المعلومه الصحيحه لأن هالشي يهمني ,,,
واخيرا اتمنى من الي جاهم قبول من هالمكتب يكتبون ردودهم لأن في ناس مو مصدقه مثلي قبل مااتعامل مع هالمكتب ,,,
تحياتي,,,
aalbutti April 9th, 2010, 05:31 PM
7 " يعطيك العافيه على ردك ودعواتك ,,
انا رحت للتعليم العالي ووريتهم القبول قالي الموظف انها معترف فيها ,,,
ويعطيك العافيه على حرصك لأخوانك المبتعثين وحلو اننا نشوف ردود حريصه علينا من القبولات المغشوشه والي مو معترف فيها ,,,
تحياتي ,,,
aalbutti April 9th, 2010, 06:09 PM
7 " يعطيك العافيه نون على دعواتك,,,
انا بالنسبه لي المعهد ماكنت ابي منه الا القبول للمعهد والجامعه ,,,
اما بالنسبة للترجمه اذا انتي بالرياض فيه مكاتب كثيره بس الي رحت انا لها بشارع 60 الملز بعد فيفا للحيوانات وباقي الاجراءات انتي تكملينها بعد مايجيبون لك القبول مثل اخذ موعد للسفاره ودفع الرسوم وغيره من هالأمور ,,,
تحياتي,,,
aalbutti April 9th, 2010, 07:46 PM
7 " 
LinkBack URL
About LinkBacks
April 9th, 2010, 03:43 AM
السلام عليكم جميعا,,,كنت من الناس الي يدور قبول لدراسه الماجستير في الماليه او المحاسبة من وقت تخرجي ولم احصل القبول لسبب بسيط ان معدلي بالجامعه 2.12 من 5 يعني مالي اي امل في اي قبول لا مشروط ولا شي بس الحمد لله لقيت بعد عناء من مكتب قبول بالرياض والغريب بالأمر هو اني اول ماشفت المواضيع بالمنتدى هذا عن هالمكتب استغربت من الردود الي تكذب هالمكتب قلت ياولد رح وشف بعينك هالمكتب قبل ماتحكم مع العلم اني رحت لمكاتب كثيره منهم يقولي بجيب القبول ب 1500 ريال بس بعد شهر ولا بعد يمكن يجي قبول ويمكن لا ...
المهم مالكم بالطويله مع اني منب من النوع الي يهوى الكتابه بالمنتديات الا لما حسيت ان فيه احد راح يستفيد ان شاء الله من الي صار لي,,,
نرجع للمكتب الي شفته بهالمنتدى وانواع السب والردود الي تكذب هالمكتب قلت ياولد رح وتوكل على الله مع اني منب حاط هالشي بيمر علي مرور الكرام ...
حاط في بالي اشياء كثيره اولها مصداقيتهم اني استرجع المبلغ كامل اذا ماجابو لي القبول وهذا الشي الي وافقو عليه انهم كتبو لي سند اذا ماجاك القبول خلال 3 ايام الى 5 ايام نرجعلك كامل المبلغ
قلت في نفسي ياولد حاول لأن بقدر اخذ هالاشياء بالقوه اذا لعبو علي اول شي جهاز الاب توب حقهم الي على الطاوله وبكسر المكتب كله اذا مارجع لي الفلوس وبكذا بكون اخذت حقي ولا بعد ابي اخذ منه محفظته وباخذ الفلوس الي فيها اذا كان كذاب كل هالكلام كان بداخلي وماصرحت فيه للمحل ...
المهم رحت يوم الاثنين للمكتب وقالي بجيب لك قبول من 4 ولايات هم يتعاملون مع الجامعات الي محددينها من هالولايات المهم انه قبول لو بصحراء ماعندي مانع وقالي ادفع 3000 ريال والله توكلت على الله ودفعت 3000 ريال واخذت السند وعطيته صور من شهاداتي قالي خلاص كم يوم وراح ندق عليك ونعطيك القبول والله من نفس اليوم وانا ادق عليهم من خوفي انهم نصابين ومن زود الحرص جبت لهم باقي شهادات الخبره على شان تسهل عليهم وقابلت السعودي صاحب المكتب وارتحت يوم قابلته بعد مااكد لي على كلام الموظفين الي عنده قالي تطمن وراح يجيك القبول ان شاء الله ...
وانا كل يوم اكلمهم الين جاء يوم الخميس الي هو رابع يوم اتصل علي صاحب المكتب وقالي انت حظك سيء وماقدرنا نجيب لك قبول قلت لا تكفى غير هالكلام قالي ابشرك جاك القبول وراح ارسلك على ايميلك ال I-20 وبالفعل وصلني على الايميل ومنب مصدق الين وريته اخوياي الي يدرسون في امريكا ارسلته لهم وقالو هذا هو القبول بس بعد كم يوم راح يصلني القبول الاصلي بالفديكس من امريكا قلت ماعندك مشكله اذا جاني قبول ....
بعدها طلب لغه منهم بولايه غير الولايه الي جاني فيها القبول لأن الجامعه الي جاني قبول فيها صغيره ووافق المكتب بشرط ان هالمعاهد هم متعاونين معها او بمبلغ والحمد لله جاني قبول بعد كم يوم لقبول اللغه من معهد غير الجامعه مع العلم انهم جايبين قبول للجامعه واللغه بس انا ماابي ادرس فيها اللغه...
تعبت وانا اكتب...
هذا عن القبول بعد ماصار لي هالشي من جد تحطمت من المنتديات مافيه مصداقيه مو كل المواضيع بس الواحد لا يعتمد على الي يقرا بس ويقول مافيه هذا ان الحمد لله تحقق مبتغاي...
وجاء الأهم وهو الفيزا والهم من هالشي لأني بطلع على حسابي الخاص وكل شخص يكتب لي كلام وقصص توكلت على الله وحددت موعد للمقابله يوم الثلاثاء 6-4-2010 مع العلم ان ماخذ الموعد يوم الخميس 1-4-2010م الحمد لله كانت تساهيل لأني كنت اسمع ان المواعيد بعيده عموما خلصت كل شي تسجيل اوراق وصور وكملت كل شي انتظر يوم المقابله وجاء يوم المقابله ووصلت الساعه 8 صباحا بحكم ان موعدي 8 ونص وانا على اعصابي ماكنت موفر مبلغ بحسابي الا حوالي 75000 ريال وقلت بنفسي شكلهم بيطردوني على شان هالمبلغ ويوم وصلت لقيت حوالي 25 شخص صافين قبلي وعارفين الاجراءات الي تصير بختصر الكلام وبعد ماوصلت للي يقابلني اخذ جوازي وكم سؤال وقالي اوكي موافق راح نفيز لك للدراسه قالي رح ود هالورقه للفيدكس وراح يجيك بعد اسبوعين او اقل والحمد لله ماطلب مني لا كشف حساب ولا غيره بس سألني من راح يدفع تكاليف الدراسه قلت له انا واهلي وهذي سالفتي بأختصار ...
الغريب انهم مايهتمون بمواعيدهم يعني الي موعده الظهر وجاي الصباح مايقولون لا والي استغربت منه ان فيه شباب حاجزين موعد من 2009 شهر 12 وهذا الي استغربت بس المفروض منهم بعد كل فتره اذا موعدك بعيد تشيك يمكن فيه احد حذف موعده وتكون بمكانه ومن المصادفات اني قابلت شباب جايهم قبول من نفس المكتب الي جابلي ...
معلومه صغيره واخيره :
لحد يصدق الي ينكتب او يكذبه الين مايتأكد بنفسه ...
يعلم الله هذا اول موضوع اكتبه للفائده وابي دعوتكم ان الله يوفقن في وصول الفيزا وتحقيق حلمي بأكمال دراستي ..
ولكم اجمل تحياتي ...
اخوكم / عبدالعزيز
واي استفسار انا حاضر ...