استفسار ضروري انا مقدم على ابتعاث من جمعية (انسان) ابي شوركم

April 12th, 2010, 10:27 PM

السلام عليكم ورحمة الله وبركاته

اخواني انا احد افراد اسر الايتام

وقدمت على بعثة لتكملة دراستي بعد الثانويه

يعني الان ابي اكمل بكالوريوس

المهم ترجمة الشهاده وحسن سير وسلوك وكل شي وصورتها وختمتها وزارة التعليم

بعدين رحت للجمعيه وعطيتهم كل اوراقي قبل مده تقريباً اكثر من شهرين

الان اتصلت علي الجمعيه وقالو مبروك تم قبولك مبدائياً

اتوقع قبول من الوزاره بس ما ادري هل هو قبول نهائي او لا

المهم قالو لي انتظر لين نخلص اجرائات الضمان المالي

وكلموني وقالو روح الى مكتب آجيك Igec

رحت لهم وقابلت واحد اسمه عبدالرحيم وطلب مني اوراق الشهادة مترجمه وحسن سير وسلوك
وصوره من الجواز

المهم قالي وش تبي تخصص قلت بحكم حبي للكمبيوتر والبرمجه بشكل كبير ابي اي مجال يهتم بالكمبيوتر وقلت برمجة كمبيوتر

قالي للاسف معدلك ماينفع

قالت حاول من هنا او من هنا قال انت موظف

قلت نعم وسئلني وش تعمل وقلت له في شركه وخبرتي حتى الان خمس سنوات موظف اداري

قال جب لي تعريف مترجم ومصدق عشان نرفقه مع الشهاده يمكن يفيدك بالتخصص اللي تبيه

المهم تعقدت الامور شوي بالدوام ولاقدر اجيب تعريب او مايثبت الا بعد مده يمكن اسبوع

رجعت كلمة المكتب ورد علي ينافخ هو نفس الشخص

وصراحه حبطني حسيت اني ماني منقبل وهذا اسلوبه معي

اخواني الان انا محتار وش اسوي لان على كلام الجمعيه ان هذا هو المكتب وبس

وانا قريت عنهم واكثر الاعضاء يذمونه

وخايف على مستقبلي يضيع بينهم

وعندي اخوان ايتام انا شايل هم الروحه وهذا زاد الطين بله وخلاني اتحبط

ابي منك ياخواني تقولون وش باقي علي على حسب الاجرائات وكم الوقت تقريباً

ولو بغيت ادور مكتب غيره هل هذا ممكن

تكفون تكفون تكفون لاتخلوني

انا بحاجتكم

• نشر عبر تويتر
• نشر عبر فيسبوك
• نشر عبر جوجل