هل تتكفل الملحقية بدراسة الانقليزي للمرافق؟

اي يخوي اذا انت المرافق تقدر تدرس لغه

بس لاتنسى تاخذ لك ضمان مالي لكم الاثننين دامك تبي تدرس انت

وتقدر تدرس جامعه اذا خلصت زوجتك ..

لان اذا خلصتها بعثتها تتحول البعثه للمرافق اذا كان يبيها

وبالتوفيق لكم

^
يعني افهم من كلامك ان المرافق اذا كان يبي يدرس انقليزي فالوزارة تتكفل بالانقليزي حقه

واذا كان يبي ماستر فلازم ينتظر زوجته تخلص الماستر عشان هو يبدا ماستر؟

الوزارة مسئولة عن دراسة المرافق لمرحلة اللغة وكذلك المرحلة الدراسية

يعني الفرق فقط في المكافأة


ولكن فيه شروط وكلها إن شاءالله سهلة

اسمحلي اخويا بالسؤال هنا


الوزاره تتكفل بدراسه المرافق بشكل عام والا يدرس على حسابه وبعدين يطلب الحاق ؟؟؟

الوزارة تتكفل بدراسة المرافق
وبعدين يتم إلحاقه بعد ما يرسلون معاملته للوزارة في الرياض وتتم الموافقة

والمرافق غالبا أقرب الناس للإلحاق
مع العلم إني لازلت متخوف

اخي العزيز
نعم المرافق له حق يدرس مع المبتعث بس لازم يجيب قبوله بنفسه ( وطبعاً القبول له متطلبات لازم تسويها بنفسك أو توكل مكتب وتعطيه فلوس يسويها لك ومن ضمنها ضمان مالي )
وممكن تدرس مع المبتعث الاساسي بنفس الوقت مو لازم بعد او قبل
الشي الثاني اذا رايح امريكا لازم تاخذ فيزة F1 يعني فيزة طالب انتبه تطلع اف تو فيزة مرافق وبعدين تروح هناك وتقول ابي ادرس بتتمرمط شوي ترى
الموضوع سهل جيب قبولك انت وجيب جميع الاوراق واذا وصلتوا لبلد الابتعاث علمهم ورحت للملحقية هناك تفتح ملف علمهم انك تبي تدرس
الله يوفقك

اسمح لي بالمداخلة أخوي أنت بعد ما تخلص مرحلة اللغة أن شاء الله وتحصل على الدرجة المطلوبة في التوفل حاول تراسل الجامعات يكون لهم وقت معين هذا بخصوص الماستر وحاول ايضا مراسلة عدد كبير من الجامعات حتى تكون فرصك أكثر ولمن يجيك قبول من الجامعة تراسل الملحقية وهم يرسلون معاملتك الرياض وتصدر الموافقة لتكون مبتعث بأذن الله
هذا حسب معلوماتي والله اعلم

طيب اذا كان موعد الدراسه قريب والمرافق لسى ماطلع فيزا (بسبب ظروف) ومافي وقت يجيب ضمان مالي وقبول ممكن يروح بفيزا F2 واول مايوصل أمريكا ان شاء الله يطلب ضمان مالي من الملحقية ويغير نوع الفيزا ويدرس لغه؟؟؟

بصراحة انصحك اطمح البعثة
انه يطلع فيزةF1 قبل يسافر افضل له والقبول مايحتاج ع الاقل اسبوعين فقط
بالتوفيق