محتار تختار اي دولة للطب ، تفضل واقرأ (متحدث )

جزاكي الله خير موضوعك مرا حلو والله

بس احترت زيادة لووووول


انا نفسي اروح كوريا بس ماما ماتبغاني اروحها


الدراسة عندهم بالكوري ؟؟

تسلملي على الموضوع
ما بتصدق قد ايش ريحتني

طيب سؤال
اذا قدمت على البعثة ممكن تعطيني تفاصيل
يعني بعد كم يجي القبول ومتى المقابلة الشخصية وهل اقدر اقدم على جامعة سعودية للاحتياط
ومتى تبدأ الدراسة (( خطوات القبول )) لأن لفيت المنتديات كلها ما لقيت كلام يريح كل واحد يقول شي
قلت أسألك لأنك مجربة

Mac Girl \ M.T.X \ ramy lazoz

تسلمو جميعاً على الرد وعلى كلامكم الطيب ..

موفقين

مشكروة على كلامك الطيب

واحترتي ليه ؟ قولي اي شي تبغينه ان شاء الله راح اساعدك فيها ..


كوريا بلد جميل وبتذكريني فيها ، بترتاحي


الدراسة باللغتين ، الانجليزي والكوري ..

موفقة يارب

الله يسلمك اخوي ،
الحمد لله ان الموضوع افادكم ولو بالقليل ..

مافي مقابلة شخصية في البعثات ..

القبول يجي على حسب الدولة اللي اخترتها ، بس عادة يكون بداية السنة الميلادية ..

طبعا بعد مرحلة التسجيل في الموقع فيه مرحلة بعدها تدقيق البيانات ، يحددون الكم مواقع وتروحون بأوراق راح يطلبوها منكم ويدققوها هل هي مطابقة لمعلومات اللي دخلتها بالتسجيل وبعد شهر او شهر وشوي يردوا عليكم هل انتم مقبولين ، عموما اي واحد شروط البعثة تجاوزها معناتها ان شاء الله مقبولين ، بعد كدا يرسلون لكم رسايل ان فيه دورة الزامية للغة الانجليزية و دورة حاسب مدتها شهرين وقبل الدورة راح يختبروكم اختبار لتحديد مستوياتكم ..
اثناء الدورة أو بعد الدورة القبولات راح توصلكم بمشيئة الله

ومثل ما قلت السفر يكون وبداية الدراسة من دولة لدولة يختلف ومن تخصص الى تخصص يختلف ..
بس يبدأ السفر من شهر 1 ميلادي بإذن الله ..


وعلى التقديم الى جامعة سعودية ..
راح يطلبون منكم الشهادة الاصلية ،
والبعثات ما يقبلوكم الا بالشهادة الاصلية توديها مرحلة التدقيق ويخلونها عندهم
إنا شهادتي إلى الآن عندهم ..

فاختاروا من الآن جامعات سعودية أو البعثات ..


موفقين ..



اي سؤال حاضرين

هناك ماتفرق عندهم ادبي او علمي , هل هذا صحيح ؟
ابغي ادرس احد هذي التخصصات اي دوله تنصحني ؟

طب اسنان
طب نفس
قانون
ادارة اعمال

ياليت تكلمني عن تخصصك ؟

الله يوفقك
*-*

ودي بسلوفاكيا ؟؟

مممممم

كيف يعني اللغتين ؟؟

كمان ابا اسألك كم نجلس ندرس اللغة الكورية ؟؟

والطب عندهم مضمون ؟؟

وازا افتكرت سؤال بجي اكتبو لوووول

تسلمي

في الطب ، تفرق بين علمي وأدبي ما عدا دولة وحدة ، وهي روسيا ، تقبل شهادة الأدبي للطب ..

طب اسنان ، بولندا ثم المجر .. لكن بقية الدول ممتازة
ألمانيا تدرس بالألماني ، وهولندا تدرس طب الأسنان باللغة الدتش فقط ..
ايرلندا لا تدرس طلاب طب اسنان ، بقية الدول التدريس باللغتين ، اللغة الانجليزية ولغة الدولة ..
التشيك لا أعلم عنها لأن هذه السنة راحو طلاب الطب بشري فقط اذا ما كنت غلطانة ..

طب النفس ، لا أعلم بصراحة ..

قانون وادارة اعمال ، اميركا للتخصصين أو قانون هولندا ، ادارة اعمال بريطانيا ..


أما عن دولة سلوفاكيا ، فـ اعتقد تم توقيف الدراسة فيها ، واعتقد ان ما عاد يرسلوا الطلاب لـ سلوفاكيا
بس ما اعرف ليه السبب !!


أنا تخصصي طب بشري ، وان شاء الله الدراسة في كوريا الجنوبية ..
نتخرج بكالربوس طبعا ، طبيب عام ..

هذا باختصار


اي سؤال اي معلومة انا حاضرة

يعني بعض المواد باللغة الانجليزية وبعض المواد باللغة الكورية ..

اللغة الكورية 3 سمسترات ، سنة ونص ، بعدها طب على طول ..
يعني تعدي اللغة ومو شارطين اي مستوى او علامة محددة ، بعدها على طول طب
يعني ان شاء الله مضمون


حياك الله بأي وقت .