محتار تختار اي دولة للطب ، تفضل واقرأ (متحدث )

السلام عليكم
ماشاء الله تبارك الحي القيوم

الله يحفظك اختي جيجي ماشاء الله
قلة بصراحة هي المواضيع السلسة اللي صاحبها يهتم بالردود السريعة المفيدة
معلومات وافية ودود لبقة ونفسية عسل .. الله يوفقك يارب وترجعين دكتورة أد الدنيا


شوفي ياقلبي
انا خريجة من 10 سنوات من الثانوي موظفة ومعي ماستر في المناهج
وابغى ادرس طب على حسابي من جديد واسحب على كل شهاداتي السابقة
حلم الله يحققه ويوفق الجميع يارب

من واقع معلوماتك وين تنصحيني بين هالدول اللي ذكرتيها؟
علما انه جااني قبول في حيدر اباد باكستان ومرة خايفة من هالدولة
بس بصراحة حدني الرخص وان مافيها سنة لغة ولاتحضيرية .. يعني ماراح اضيع سنوات ولا دراهم زيادة


من بين الدول اللي ذكرتي
وش الارخص ؟
ووش اللي ماتشترط سنة لغة ؟ او مستوى معين في التوفل والايلتس؟ .. علما ان لغتي جيدة
يعني كم سنوات الدراسة في الدول اللي ذكرتيها ؟

السنوات / والمادة.. شيئين مهمة في الدولة اللي بدرس فيها
وانا متأملة بالانضمام للبعثة على ثاني او ثالث سنة بالكثير خاصة ان الدولة تدعم الطب .. ولا ادري !
الله ييسرها

بليز الله يوفقك ردي لي قبل مااتوهق بباكستان

والف شكر سلفا

شوف عزيزي ما في شي مضمون ... كل شي بشروطه
مثلا هولندا مطلوب درجه معينه باللغه وتعدي البري مد .. و ايرلندا نفس الشي .. والدولتين هذي بالترتيب اذا بعثتها بدون مشاكل تغرد بعيييييد عن الباقي
..
المجر ممكن تكون الاسهل قبول لان جامعه دبرسن مو زي البقيه رغم انها جيده
..
بولندا عاده سهل القبول بس سمعت السنه هذي ضافوا شرط بسييط بس انا مو متاكد
..
التشيك المطلوب انك تنافس في اختبار القبول ل خمس كليات طب في جامعه شارلز وانت بشطارتك
..
الدوله عمله جهدها والباقي انت وشغلك والله الموفق
..
المهم مافي شي سهل ولا في مستحيل
..
غلطه وحده لا تسوون زينا
..
عندكم من الحين الين البعثه سنه خلال السنه هذي ... ادخل معهد لغه انجليزيه وششد فيه حياه ولا موت + خذ ملخصات الجامعه الي نص عربي ونص انجلش وذاكر
يا عمي اضمن لك راحه كبيره وتوفير عناء اللغه وشكرا
بالتوفيق اخواني
المهم حدد هدفك و جمد قلبك خليك صبور وروح الحين ادخل معهد لغه على الاقل لمده 6 شهور و انتظر كل شي بوقته حلو وايميلك شيك عليه كل يوم
تحياتي

الله يعافيك وشاكرة لك على المرور ..
موفق

عندك طريقتين ..
الأول : تراسل مكاتب في السعودية تتكفل باحضار القبولات مثل المكاتب الموجودة في أعلى الصفحة في مبتعث ،
مرزاي وايجك والمستقبل والردادي ووسائل الاتصال أما بالتلفون والجوالات او الايميلات ..
اتصل فيهم وراح ينصحونك في اشياء كثير ويساعدونك .. ما عليك الا اختيار الدولة والتخصص وهم راح يساعدوك في اختيار المدينة والجامعة في الدولة اللي حددتها ..

الثانية : انك تتراسل بالايميل أو بالتلفون مع الملحقية الثقافية في المانيا ، وبرضوا راح يساعدونك ، ادخل على قسم ألمانيا في مبتعث أكيد راح تحصل وسائل الاتصال فيهم .. اعطيهم نبذة عنك وهم راح يردون عليك ..

بس أنا أفضل الطريقة الأولى أسرع الك ..

بالتوفيق

وعليكم السلام والرحمة ..

مشكورة أختي على كلامك الطيب والرد المشجع والله يوفقك ..

ما شاء الله ، عندك طموح عالي ، ان شاء الله نسمع الاخبار الطيبة ..

باكستان فعلا طولة رخيصة ودراسة الطب فيها جميل وقوي ، والبلد رخيص ..
اذا كانت الجامعة مو موقفة ومعترف فيها عند الوزارة توكلي على الله وروحي ..
لكن الدول الاوروبية تفيدك أكثر من ناحية اللغة ، لكن المعيشة راح تكون أغلى ..

الانضمام للدراسسة في بلاد ، تكملين 30 ساعة وتجيبين 2.5 من 4 وتضمنين ان شاء الله البعثة ..
يعني ان شاء الله أقل من 3 سنتين ..

فيه دول ممكن تدخلك للسنة التحضيرية بعدها الطب مباشرة ، بدون ما تتقيدين بعلامة معينة للغة الانجليزية مثل المجر والتشيك واعتقد بولندا معاهم ، بس تدخلين أقل شي 4 شهور بدون ما يحددوون علامة معينة للتوفل او الايلتس ..
لكن كل الدول اللي طرحتهم في الموضوع تطلب سنة تحضيرية ، لو عندك بكالريوس علوم كان اقولك انك ارتحتي من السنة التحضيرية وتدخلين الطب مباشرة ..

عدد السنوات في الدول مابين 7.5-9 مع سنة الامتياز

أرخص الدول الموجودة هي دول شرق أوروبا ، المجر والتشيك وبولندا ..
اما الباقي فهي أغلى ..

معلومات ونصائح وكلام مفيد جدا جميل ..
شاكرة لك مرورك الطيب والافادة ..

واسمحلي انسخ ردك للصفحة الرئيسية ..

موفق
موفق

اكيد الكلام للجميع وحنا البعثه الخامسه حاسين بالجايين

جزاكم الله خير اخواني على التوضيح

الان المجر والتشيك وبولندا تتطلب دراسة 4 شهور.. هل تشترط في معاهد تابعة للجامعة ؟
ومتى تبدأ الدراسة الفعلية في هالدول للسنة التحضيرية ؟

لأنه لو على كذا احاول ارتب وضعي ادرس هالاربعة شهور قبل بداية السنة الجديدة اذا بتتأخر البداية على نوفمبر مثلا !! والا متى بالضبط ؟
فهل يمديني ؟
وش الشرط اخوي اللي في بولندا ؟

المجر سعر الدراسة السنة مناسب كثير في حدود 6 الاف دولار للسنة لكن فيه كثير من الاخوة حولتهم لملحقية من المجر للتشيك ولا ادري وش السبب لان هذا شي يخوف لو بقدم في المجر !

الله ييسر امري واموركم
والله ماانام زين شايلة هم واحس الوقت موب في صفي الله ييسره

وشيروا علي ياجماعة الخير في جامعات حكومية في المجر او التشيك او بولندا اذا تعرفون لاهنتوا

الله يجزااااااااكم خير

بس عفوا اختي عندي معلومه اكيده ان التشيك ارخص دوله نسبيا بالنسبه لاروبا الغربيه معليش لاني فهمت من موضوعك انك تبغي الارخص وفي نفس الوقت الاحسن
وان تكلفة السنة الدراسية في الجامعة بين 6000 الى 11000 يورو في السنة حسب الأختصاص الذي يختاره الطالب

واسفه اذا دخلت عرض في الهرجه

لحظة لحظة !!

التكلفة 6000 باليورو والا دولار ؟؟؟؟؟؟؟؟

لأني قريت ان المجر 6000 دولار وليس يورو ..
بصراحة فيه فرق وخاصة اننا ثنين انا وزوجي !!

ياليت اذا فيه احد يفيدنا بسعر متاكد منه في التشيك او دبرسن المجر..
اهم شي اي جامعة حكومية الله يعافيكم