تم رفض طلبك - حصولك على ترشيح سابق

سلام للجميع...

بصراحة انا من ثلاثة اسابيع بالضبط جاني الرد على الفيزا الكندية بالرفض
لكني اصريت وحاولت وقدمت مرة ثانية وجلست على اعصابي كل هذه الفترة...

واليوم ولله الحمد طلعت لي التأشيرة وبكرة بإذن الله راح أكون في الوزارة الصباح عشان اطلع قرار الابتعاث
والله ييسر يارب..

الله يسهل امووورك يا ابو شهد وتصدر قرار الابتعاث ....
يابنات ...لا تغلطوا مثل غلطتي ..ان شاء الله طلعتوا فيزا المرافق زززز انا طلعت فيزا طالب فقط ولما جيت بطلع فيزا مرافق اليوم
قالوا لي علشان تصدر اقصى حد اسبوعين او اكثر
والفترة المحددة تنتهي الاسبوووووع الجاي ...ما في وقت ايش اعمل ...متحيرة وعلى اعصابي ...ليش
ما قالوا لنا من البداية ضرورة احضار فيزا المرافق
كييييف يعني ....اوراقي كاملة بس فيزا المرافق ....تهقوووون بطيييير البعثة بعد كل هالركض وراها

بالتوفيق ابو شهد وان شاء الله بكره نسمع اخبار حلوة منك ...
تفاح اخضر انا ومرافقي سوينا المقابلة مع بعض وبنفس الموعد ... انا طلعت فيزتي ومرافقي لسا ..
الله يسهلها يارب

موفقين جميعا الله يسهل امرك اخي ابوشهد ونسمع الاخبار الحلوه وربي يفتحها بوجهك وتتسهل الامور
ماعليش اخي ادا تقدر تسال عن المرافق ادا كان هو متواجد في بلد الابتعاث هل في اجراءت عشان قرار الابتعاث
اختي تفاح اخضر موفقه انشاء الله توكلي على ربك وروحي لهم باوراقك كامله وفيزه المرافق انشاء الله تتساهل
ادعوا لي يطلع قبولي الى الان وانا على اعصابي
مافي وقت اطلع حتى الفيزه لاني متاخره بالقبول والله محتاره وحايسه خايفه البعثه تطير
انشاء الله يمددوا لنا الوقت ربي يفرج
دعواتي لكم جميع بالتوفيق وتسهيل الامور يارب

نسيم الخزامى
مشكوووره من قلبي ...على دعمك لي والله يسهل امورك يارب
انت على استراليا واي ولاية واي معهد
ادا على الفيزة الاستراليه لاتحاتين ثلاثة ايام وتكون مخلصه وجاهزه بس بشرط انها تكووون اون لاين

هلا اختي تفاح لا شكر على واجب عزيزتي كلنا اخوه
انا كنت على استراليا بس الحين علىامريكا
ربي يسهل الامور ونشاء الله بكره يوصل القبول كل يوم احاتي بس ما ضاقت الا فرجت ربي يفرجها علينا جميع
دعواتكم

متابعة بصمت ..

<<< لسه ما رحت الوزارة

ابو شهد لا تنسى تطمنا عنك لما تروح الوزارة


الا سؤال يا شباب وشابات

انا عندي مرافق موجود في امريكا من اول .. هل راح يعطوني قرار ابتعاث على انو مرافقي؟

ولا لازم احد يسافر معايا؟

طيب لمن اعمل موعد في السفارة اسوي موعدين واحد ليا وواحد للمرافق ولا كلنا في موعد واحد ..
اذا كان المرافق ماعندو قبول .. واذا عندو قبول كمان ايش الفرق؟ا
ارجواا اخواني توضحولي
وشكرررررررررر

اعملي الموعد ليكم انتو الاثنين في نفس اليوم

اذا كان عنده قبول يعني يقدر يطلع تاشيرة دراسية وراح تكون مدتها طويلة

اما اذا ما كان عنده قبول ما تقدري غير تطلعي له تاشيرة سياحية وتتجدد كل بعد فترة

الحمدلله والشكر له
طلع قرار ابتعاثي امس على ايرلندا
كنا نبي امريكا بس ماتيسرت وخفنا يروح الوقت واحنا ماجبنا لا قبول ولافيزا
وقرأت ان ايرلندا فيزتها تاخذ يوم غير قبولها ماياخذ وقت فقلت اقدم اهم شي اظمن قرار الابتعاث مايطير
وبعد اللغه او خلال اللغه احول على امريكا ان شاء الله
دعواتي لكم بتيسير امركم والله يوفقكم