تقرير عن مشواري للتدقيق اليوم السبت 4 رمضان

August 14th, 2010, 04:13 PM

السلام عليكم

كيف حال المبتعثين الجدد؟ اليوم يا جماعة اخذت اوراقي اللي هي الجواز والهوية والوثيقة و السجل الاكاديمي وطلب الابتعاث و الموافقة و طلب الالتحاق بالجامعه وصور من كل اللي ذكرت ورحت فندق مداريم كراون بالرياض الساعد وحده و نص وصلت وانا موعدي ثنتين لقيت اسماء معلقه كل اسم جنبه زمن التدقيق

المهم في الاستقبال فيه ياخذون الجواز و يتأكدون منه ثم يعطونكم استمارة تعبونها الاسم والدوله "انا هنا كتبت اول رغبه" والدرجة المطلوبة ورقم الطلب وتعبيها من الخلف برضو نفس المعلومات ثم تنسق اوراقك بحسب الاستمارة بداية بالطلب ونهاية بصور السجل الاكاديمي وتعبي ورقتين وحده تعهد حضور ملتقى والتزام بالدورة الانجليزية والثانية فيها رغبتك في السكن عند احد اقاربك في الدولة اللي تبيها "انا ماعندي احد فتركته فاضي بس وقعته لان التوقيع الزامي حتى لو ماعندك احد" ثم تروحون للجنة الثانية هذولا يدققون بياناتك اخذوا الملف اللي رتبته ثم طابقوا الصور بالاصول وعطوني رقم للجنة ثالثة

اللجنة الثالثة اخذت الملف والجواز وطابقوه الاوراق مرة ثانية و طابقوا معلومات الطلب والمعدل والتواريخ ثم ختموا لي على الملف وعطوني ورقة تثبت تسلم الوثائق وقالوا راجعوا الوزارة قلت لازم اروح يعني ولا شلون قالوا لا هم بيدقون عليكم وينسقون معكم قلت خلاص اطلع قال ايه ولا عاد نشوف خشتك قلت فمان الكريم

ملاحظات: الاجراءات كانت سهله الحمدلله
الستاف كان متعاون وفيه تنظيم بالرغم انه اليوم الاول
الحضور قليل ويمكن لانه يوم الدكتوراة فقط وعلى الاغلب ان هذا سبب رئيسي في سرعة الاجراءات
سألت لوحدة من المبتعثات انها ماتقدر تجي الرياض الا بكرة عادي ولا راح موعدها قالوا لا عادي تجي
دخلت الساعة وحد ونص طلعت ثنتين بالرغم ان موعدي ثنتين يعني الامر اخذ مني نص ساعه وياليت تجون بدري احتياط وسلامتكم

• نشر عبر تويتر
• نشر عبر فيسبوك
• نشر عبر جوجل