لمن يبحث عن قبول .. أساعدك هنا .. لتعم الفائدة الجميع..

اختي كيف اتأكد من المعاهد الموقوفة من الملحقية لي من شهر يناير وانا اراسل الملحقية ماأحد يرد علي ؟

مساء الخير اختي ..,

أنا خريج من الثانوي ومعدلي كويس
وأبغى اطلع بعثه على حساب الحكومه لأن ما عندي الامكانيه اطلع على حسابي الخاص
وما عندي مشكله اي تخصص واي بلد
هل فيه طريقه أو حل أو قبول ؟

ساعديني ربنا يوفقك

انا تخصصي احياء بكالوريوس
و ابي اكمل ماستر نسبتي 73 مئويه
مرافقي بكالوريوس فيزياء
و برضه يبي يكمل ماجستير

قاعده احاول اخلص اوراقي مع جامعتس الي هنا ع اساس اصلح اوراقي
وش الاوراق المطلوبه انا بجيب السجل الاكاديمي بالانقليزي
و وثيقتي طابقته مع الجواز الاسم
و طلب توصيات من 3 دكتورات
فيه شي ثاني
شهادة الثانوي لازم تترجم ؟
وش فيه شي ثاني مطلوب ؟
ووش المناطق الي تكون فيها ماجستير لكل قسمينا علما اني انا بالاول بقدم و بعدين المرافق
اذا حاولت اضم نفسي لبعثه و انقبلت فيها مرافقي بيبدا يراسل
ياليت تفيدوني ارجوكم


و بسال عن بعثة الملك
متى تبدا المرحله السابعه
وهل اصلا فيه مرحله سابعه ؟
وكيف التقديم عليها

السلام عليكم ورحمة الله وبركاته
وجزاك الله ألف خير وجعله الله بموازين حسسناتكم ,,,,,, أود قبول من جامعه GMIT علما باني دبلوووم كلية تقنيه حسب الي ومعدلي 3.50 الدراسه بايرلندا هل من السهوله الحصول ع قبول جامعه أم الا

في مدينة ارفاين لايوجد جامعة بها هذا التخصص وان وجد فهو غير معتمد من وزارة التعليم العالي ..
اما في ولاية ميسوري فيه 11 جامعة فيها تخصص التربية الخاصة ماجستير ..
والتخصص موجود في UNIVERSITY OF OREGON ماجستير ودكتوراه ايضاً ..
في اي جامعة تبي تقدم بالضبط عشان اكتب لك خطوات التقديم والمتطلبات ..

فيه كثير جامعات فيها هالتخصص معتمد من الوزارة
وفيه جامعات ماتهتم بالمعدل كثر ماتهتم بالخبرة او بالخطابات اللي ترسلها لهم ولغتك الانجليزية اذا انت من الطلبة الاجانب

اول شي تسوية اكتب خطاب الغرض من دراستك وخله كله طموح وانك تبي تحقق اهدافك وانك راح تجتهد وكل شي يخطر على بالك يجذبهم ويخليهم يقبلونك وبعدين عطه مكتب ترجمة يترجمه لك ولا يختمونه بس يترجمونه ويكون اسمك فوق واسم الجامعة اللي تبي تراسلها ويكون خطاب رسمي وامدحهم وقل انا عندي امل كبير اني ادرس بهالجامعة ومابي ادرس بغيرها لاني سمعت انها ممتازة و و و .. وبهالطريقة يكون قبولك مضمون ..
ولاتاخذ خطابات من الانترنت تراها مكررة وتلاقيها مرت عليهم ويدرون انك نسخت ولصقت وارسلتها لهم فماراح يعطونها اعتبار لانها مو منك شخصياً ..
بعد ماتجهز الخطاب مع الضمان المالي وشهاداتك المترجمة اختار اكثر من جامعة فيها هذا التخصص مو واحد
بتخسر دفع رسوم للابلكيشن اللي احيانا توصل ل 125 دولار وكذلك ارسال اوراقك بالفيدكس
هذا اذا تبي قبول مضمون وسريع عشان ماتصير تنتظر جامعة وحده بس بيكون عندك اكثر من خيار .
واذا تبي لغة مع الجامعة ارفق خطاب انك مستعد تدخل معهدهم وراح تتكفل بكل المصاريف من سكن ودراسة هم اذا قبلوك راح يحولونك على طول للمعهد قبل الجامعة ويعطونك قبول مشروط ..

واذا تبي انا اختار لك الجامعات بنفسي واقول لك كيف تعبي الابلكيشن بالضبط انا مستعده ..

الله يوفقك

اذا انتي رايحه على حسابك فهو يقدر يدرس على حسابه ويتكفل بكل مصاريفه الدراسية ولازم له شهادة بنكية او ضمان مالي مثلك بالضبط
يعني اي شي تسوينه لك تسوينه له ..
وغير كذا يكون له فيزا f1
ويسدد رسوم سيفس وكل شي مثلك بالضبط ..

وبالنسبة للتخصص تقدري تدخلي اي تخصص تختاريه طالما الوزارة مافرضت عليك شي معين بس الافضل يكون امتداد لتخصصك بس ماراح تفرض عليك هالشي ..
واهم شي ماتكون الدراسة مخصصة للطلاب الاجانب مثل الدراسات الافريقية او دراسات الاسيوية مثلا..

بالتوفيق

شوفي هالملف هو اخر ملف محدث عندهم عن المعاهد الموقوفة ..

لازم تكون مستوفي لشروط القبول في برنامج الملك
المعدل التراكمي والقدرات والعمر وغيره ...
اذا مااستوفيت هالشروط تقدر تطلع على حسابك وبعدين تنضم واذا عندك واسطة فمن اول شهر تقدر بعد ماتفتح لك ملف بالملحقية هناك تنضم ..
اما اذا ماتقدر نهائيا فابحث لك عن شركات تبتعثك مثل ارامكو .. والخطوط السعودية وكذلك بعض المستشفيات الحكومية خليك متابع مواقعهم يفتحون كل فترة برامج للابتعاث وبعدها توظيف فوري ..

غير كذا ماعندي علم
والله يوفقك ..

بما انك دراسات عليا فالاوراق هي السجل الاكاديمي مترجم ومختوم من مكتب معتمد وحسن السيرة مترجمة ومختومة ووثيقة التخرج نفس الشي .. وسيرة ذاتية مثل السير اللي تقدم للوظائف وخطاب الغرض من الدراسة يفضل انتي تكتبيه مثل ماوضحت باحد الردود وبعدين تترجميه لاتاخذيه منسوخ من احد المواقع او المكاتب وكل شي يكون اسمك فيه مطابق للجواز وكذلك 3 توصيات ترجميها على شكل برقراف واختميه بامكان جامعتك قسم القبول والتسجيل يساعدك بهالشي انه يترجمه ويختمه لك .
وابحثي لك عن قبول جامعة يعطيك قبول مشروط بحيت انك تدرسي بمعهدهم ولما تخلصي تدرسي عندهم على طول
واول مايجيك قبول المعهد قدمي على الفيزا لما يجيك قبول الجامعة ..
وكل المناطق يتوفر فيها كل التخصصات اهم شي يكون معتمد من الوزارة
وبالنسبة للمرحلة السابعة ماعندي فيها علم
بس اكيد فيه مرحلة سابعة وطريقة التقديم مثل السادسة عن طريق النت

بالتوفيق