للي بالشرقيه...كيف مع التوفل ..؟

خلاص ردو عشان ابدا اني بعد دراسة

ايضا هاذي اضافة نقلتها للمزيد من الفائدة عن فكرة أختبار التوفل نفسه لاني انا مادخلت الاختبار

اختبار التوفل يأتي على طريقتين طريقة بالكمبيوتر و أخرى بالأوراق و المستخدمة عامةً
هي بالكمبيوتر… يتكون الإختبار من 4 أقسام: Reading, Writings, Structure, listening


قسم الــstructure :حاول ألا تستعجل و لكن بنفس الوقت -لا تأخذ راحتك- لأن الإختبار وقته محدود.

في قسم الــlistening :تحتاج من البداية أن تضع السماعات على إذنك و إن لم تعمل أخبر المسؤول على الفور…و ركز في كل قول يقوله المتحدثون ولا تتوقع أسئلة و أنت تستمع لأنك ستشغل نفسك عن الإستماع و في هذا القسم قد يكون الحديث طويلاً و استخدم عقلك في الإجابة على السؤال.. و قد تسمع أسئلة كـالمثال التالي: يكون الحديث الذي دار:
hey, we have to take the test while the iron is hot.
و السؤال على النحو التالي:
What does while the iron is hot mean?
نلاحظ أن هذا السؤال يعتمد على التفكير و لا يمكن حله بالإستماع فقط.

في قسم الــReading: ستظهر لك نصوص طويلة و قد تكون طويلة جداً…


في قسم الــWriting :لا تعتقد أبداً أنك تكتب موضوعاً إنشائياً كما في المدارس الهدف منه هو التنظيم و الترتيب في الفقرات - الفقرات مهمة- و لكن الأهم هو إسلوب الكتابة فحاول أن تثبت بمعلومات و إسلوب إقناعي أو وصف متقدم قدرتك على الكتابة و لعل الكتاب التالي هو من أفضل كتب التدريب
على الكتابة:
Writing As
a Thinking Process

بالنسبة للكتب المشهورة للتوفل راح تحصلونها في جرير والعبيكان الا وهي

Longman Complete
TOEFL Course -
Barron’s how to prepare for TOEFL

تحياتي للجميع

هلا والله اخوي..

مشكووور يالغلا ماقصرت ...

بس لاهنت الرابط الثاني تبع التحويل مااشتغل عندي....

1- بس ابغى اعرف الــ 300 باختبار الورق كم يساوي باختبار الكمبيوتر ..؟

لأن انا وضعي يختلف..انا موظفه ولازم اجمع نقاط علشان ابتعث

و300 بتوفل الورق تكفيني ..

2- والتاريخ تبع ديسمبر...هذا اقرب تاريخ ؟؟

3- اذا ماعليك امر كيف نجيب التواريخ ؟

و انا قررت ادخل معهد كلمته وببدا دراسه فيه بعد العيد طوااالي

لمدة 4 اسابيع ( دوره لتحضير التوفل )..

مع اني خايفه مووووت بس وربي يعين ..


ومشكوووور مره ثانيه

ممكن اختي جوري اسم المعهد وعنوانه لاني بعد حابة ادرس توفل؟؟

أهلا اختي

اللنكات تحصلينهم في الملف المرفق ( المنتدى مايسمح اني احط اللنكات بالصفحة تطلع لي كلمات مشفرة ماأدري ليش)
الجدول الاول اوضح من الثاني لكن الجدول الثاني فيه تفصيل اكثر)


وبالنسبة انتي سألتيني من قبل عن 550 ورق = 213 كمبيوتر من 300

وبالنسبة ل 300 ورق تعادل 40 كمبيوتر

وبالنسبة للمواعيد في اكثر من مكان واكثر من تاريخ تحصلين جدول المواعيد والتواريخ في هذا اللنك

http://www.ets.org/bin/getprogram.cg...up_SaudiArabia

طبعا بالنسبة لنا الشرقية فيه بقيق والظهران بس ماأدري وين يختبرون فيهم وفيه الدمام ومكانه الغرفه التجاريه ولو تلاحظين فيه مواعيد كثيره بالدمام لكن ماأدري هل كلها رجال ونساء او رجال فقط لكن فيه موعد بالجدول وهو مخصص للنساء

Dammam Women Sat., Dec 01, 2007

طبعا لازم تسجلين بموقع التوفل وتدفعين رسوم الاختبار قبل ماتروحين الغرفة التجارية هم هذا ألي قالو لي


ألي اشوفه بالجدول بموقع التوفل كل الاختبارات انترنت مافيه كمبيوتر على العموم الجدول الثاني فيه معادلة درجة الانترنت


اذا كان هدفك انك تجيبي 300 من 677 بالورق فهذا ان شاء الله سهل بالمرة والمعاهد بالنسبة لي ماأثق فيها هم ماراح يخترعون لك العصا السحرية هم اتوقع راح يدربونك على الاختبار نفسه يعني لو تشترين كتاب وتدربين بنفسك على الاسطوانه ألي تجي معه يكون أفضل ولا تخافي اذا ماحصلتي على الدرجة من اول مرة تقدرين تعيدين الاختبار مرة ثانية وان شاء الله تحصلين عليها

وبالتوفيق

شكرا جزيلا للأخت جوري لطرحها للموضوع،، والشكر الجزيل للأخ whitewolf على معلوماته القيمة..
بالتوفيق للجميع إن شاء الله

هلا والله whitewolf

ماعليه تعبتك معاي لكن ماقصرت ربي يسهل لك دربك ويعينك في امورك يا ( حأ )<< متأثره بباب الحاره ههههههه

ملحوظه : ( حأ ) يعني ( حق )

انا اللي ابغاه اجيب 300 على الاقل لانها عندنا تعادل 15 نقطه <<<وش عندها تسولف عن النقاط

المهم...أنا ليه اخترت ادخل معهد ؟؟

اول حاجه لأني مااعرف ولاشي عن التوفل واذا قريت الكتب تبعهم اتعقد ويروح حماسي

لكن المعهد لا رحته مع خوياتي ودرسنا نعنبرها طلعه ومايمدينا نسرح ..

وبرضه لأن المعهد هو اللي ينسق لنا اختبار التوفل في اقرب موعد وعن طريقهم يحجزون لنا

واحنا ماعلينا الا نروح ونختبر ...يعني فكه عن المكالمات خصوصاً اني سمعت الحجز عن طريق

التيلفون لازم نكلم هولندا ومدري ايش...<<< للحين ماتدري وش دخل هولندا

وبالنسبه لبقيق والخبر وغيرها كللللهم يختبرون بالدمام..أو البحرين...وسالفة البحرين

ابغى اعرفها بس دار راسي وللحين ماعرفت كيف ...

والدمام عليها زحمممممممه لانها بالكمبيوتر واعتقد ان الرياض بالورق ويقولون يقولون يقولون

ان الكمبيوتر اسهل...

اما اقتراحك اني اختبر تجربه واعيده..اعتقد اني مقدر اعيده الا بعد فتره صح ؟؟كأن 5 اسابيع

وانا مسسستعجله ..علشان كذا قلت احتمال اختبر توفل بالغرفه التجاريه و ايلتز بالمعهد البريطاني

اللي صار لي شهرين اتصل عليهم ومايردون علي لكن هين ..<<< حركااات





الغلا البنوته اللي سألت عن اسم المعهد ..

شوفي حبيبتي ..بما اني بالدمام بعطيكِ المعاهد اللي اعرفهم بس مدري عن الخبر او غيرها

..انا اللي شفته ..

المركز الكندي للغات ..حي الطبيشي

8341882

هذي كلمتهم وقالو لي 4 اسابيع كل يوم 3 ساعات ماعدا الويك اند

من 9 الى 12 صباح

او 6 - 9 مساء

بــ 3000 ريال ...الصراحه انا شفت انها غاليه

بس الظاهر ان تدريسهم كويس

وايش كمااان..

معهد ال ELS هذا توني شايفته اليوم...يقولون عندهم دورات لتحضير التوفل والايلتز

8290240 نساء
8320223 رجال

بس هذا للحين ماكلمتهم بس يبغى لي اكلمهم واستفسر ولا يهمك ..

اللي كلمتهم انا معهد الافق للغات

8186772 - 8186707 نساء

بحي 71 قريب من مستشفى المواساه

الدوره 4 اسابيع كل يوم ساعتين ماعدا الويك اند

بــ 1600 ريال انا شفتها معقوله

صبح وعصر وليل بس الاوقات ماني متأكده منهم

في وحده حبوبه هناك اسمها ( لبنه )كلميها وسأليها

وقال لي عادي يفتحون فصل لو تجمعو بس بنتين والتسجيل عادي بعد العيد..

والله كلمت بعد كذا معهد بس الورقه ضيعتها الشغاله الله يرجها..

المهم...حبيبتي اتمنى اني افدتك والله يوفقك


الغلا دارك نايت

العفو ويارب يارب يارب يتحقق اللي في بالك <<<< اكيد بعثه



يوووه ياكثر هذررررتي..



الله يوفقكم كلكـــم يااااااااااااااااااااااااااا ( حأ )

مشكورة أخت جوري مرة ثانية على المعلومات، ما قصرتي،، الله يوفقك إن شاء الله...