شرح ::::: كيف تحصل على قبول لدراستك في امريكا :::::

السلام عليكم ..

انا مبتعث على هندسه بحريه و ابغا اغير التخصص الى هندسة كهربائيه وهذا الشي يتطلب مني تغيير الجامعه علما باني ارغب

اني ادرس في ARIZONA STATE UNIVERSITY و راغب لها بشده

فــ وش المفروض اني اسوي ؟؟؟؟؟ اجيب قبول جامعتين ؟؟

ارجوا المساعده والردود لاني والله متوهق حييل

و جزاكم الله خير الجزااء

اذا على برنامج الملك بس جب قبول في التخصص اللي تبي وارفعه ل ساكم ... اذا عن طريق عملك لازم تأخذ موافقنهم على الفكره وفي الغالب يرفضون

موضوع مفيد يعطيك العافية

يسر الله امركم .... ووفق الجميع

جزاك الله خير وبالتوفيق للجميع.

الله يعطيك العافيه

شوفي كل طالب يخلص بكالويوس لازم ( من اجل المستقبل - في حال يبي يقدّم على الجامعات للدراسات العليا ) لازم يحصل على توصيه من الدكاتره اللي درسوه وبشكل فوري
طبعاً مو اجباري انهم يعطوه بس لو هو اخلاقه ( الأكاديميه وغير الأكاديميه ) ممتازه راح يعطوه ( بس يقول لهم بليز ابغا توصيه والجميع راح يرحب، هذا بشكل عام رساله مكتوبه ومختمه من القسم ولا تعطينها احد يعني زي الشهاده خليها معك ... في حال احتجتيها بس صوريها وصدّقيها وارسليها بظرف رسمي أو بدون ... لأن الدكتور ممكن يكون سافر ... مات ... الخ بس القسم حتما موجود! ( فيه ناس يقولك أنا راح اكلم الدكتور يرسلها مباشره ... أفضل بس صعب)
الجداول بعض الجامعات لها فورمات محدده يعني اطبع أو ارسل الرابط لإيميل الدكتور
حاليا ... وانا اتكلم عن امريكا اصبحت الكترونيه ... يعني تعبين ابلكيشن وترفق اسم الدكتور و ايميله والسستم راح يرسله فورم ( نموذج) عشان يعبيه ...و يمكنك المتابعه اي طلبك وتوصيانك

3 شهور للهارد كوبي ما اعتقد بس تذكري لمن تأسسين حساب لأبلكيشن تقديم هذا الحساب له عمر يمكن شهر أو أقل ... لازم يحال الابلكيشن خلال اقل من شهر أو يغلق الحساب

تذكري ... التوصيه بروتوكول اكاديمي
بالتوفيق

الله يخليك يارب ويسعدك
اشكرك على الاجابة المستوفية لكل تساؤلاتي
بالنسبة للوصيات
انا الحمدلله قدرت اخذ خطاب توصية من الدكتورات اللي درسوني
وكل وحدة منهم اعطتني 3 نسخ مصدقة من توصيتها

وكلهم الحمدلله من النوع اللي يرد على ايميله بسرعة و يعرفون انجليزي كويس

لان انت عارف اذا صرت بأمريكا صعبة اخلي احد يروح الجامعة يطلب نسخ اضافية من القسم
فبحكم معرفتك وخبرتك
فهل اكتفي بالتوصيات الورقية الثلاث اللي عندي من كل دكتورة
او اخذ نسخ اكثر؟
لانك تقول ان امريكا كلها الكتروني يعني اصلا مايطلبون النسخة الورقية اللي معاي !!

ارجع اشكرك من جديد
وعذرا على اسئلتي
ولكن منكم نستفيد

طبعاُ وأنت في امريكا بيكون كل شئ صعب
بس انتِ العبي على المضمون ... كيف أنا أقول لك ( مثلاً بتروحين أمريكا لدراسة الماجستير) لا تسافري لا تسافري لا تسافري إلا ومعاك قبول مشروط من القسم اللي تبين تدرسين فيه
طبعا ممكن وبسهوله تسافرين زي الآف الطلبه بس بقبول لغة لكن هذا راح يسبب لك تشتيت كبير في مرحلة اللغة
خلي كل الشغل من السعوديه
ارجع لسؤالك ... الناس في المتوسط تراسل 11 - 15 جامعه وبالتالي 3 توصيات بالطبع غير كافيه
حل سهل خلي الأصل معك وصوريه مثلاً 30 نسخه وصدفيها من القسم ( ختم) وخذي ظروف رسميه من الجامعة 30-40-50 مافيه مشكله

بالتوفيق