شرح ::::: كيف تحصل على قبول لدراستك في امريكا :::::

السلام عليكم

انا عندي استفسار بسيط لو سمحت..
هل ضروري وجود جواز سفر في مرحلة الحصول ع القبول؟ انا حاليا اشيك ع متطلبات القبول واغلب الجامعات تشترط كوبي من الجواز..
هل ممكن الجامعه يقبول الابليكيشن وبعدين اذا جتني الموافقه ع البعثه من الوزاره اطلع جواز وارسل للجامعه كوبي؟
هل يتم التصديق ع القبول من الملحقيه بدون الجواز؟ وهل يمكن الاكتفاء بالهويه الوطنيه؟

اتمنى الرد باسرع وقت لان اموري متوقفه ع هالشغله

من خبرتي ... تختلف من جامعة لجامعة لكن كثير من الجامعات في ابلكيشنها الإلكتروني تسأل عن أمور متعلقة بالجواز ، كرقمه أو تاريخ انتهائه ؛ لكن فيه جامعات ما تسأل إلا قبيل إصدار ال I-20
على كل حال تصفح/ي موقع الجامعة وعبي الطلب خطوة بخطوة شوي شوي وهو فيه ميزه انه يمكن الحفظ والعودة للطلب لاحقا او تجاوز فقرات بشكل مؤقت مع إني ما أحبذ القفز خشية النسيان.
على أية حال الجوار ضرورة على الأقل لإعتماد اسم باللغة الإنجليزية محدد وكذلك لتاريخ الميلاد
فهي معلومات جوهرية ولا مفر منها
كذلك اعتقد للبنات أن الجوازات صارت تشترط وجود هوية وطنية قبل استخراج الجواز
تصديق الملحقية:
بالنسبة لمن هو على حسابه او على برنامج الملك ما ارى أهميته ، لكن لمبتعثي الجامعات يمكن يكون ضروري ... بصراحة مدري
المهم هو وجود الجامعة ضمن قوائم التعليم العالي غير الموقفه

ومن العايدين

يعطيك الف عافيه ع هالمعلومات ..
بسوي زي ماقلت وبسجل بكذا جامعه واجرب حظي مع انها مرا متعبه هالطريقه بس الشكوى لله..

نقطه اخيره لو تكرمت..
هل هناك فرق بين tesol and tesl ؟من ناحية القبول عند الوزاره والتعليم العالي ؟


وكل عام وانت بخير يارب

بصراحة لا علم لي، هذي تخصصات في الإنجليزي
انا تخصصي من مجموعة ال STEM
لكن في التخصصات لا تدرسي على هواهم إلا اذا كانت الجامعة او جهة العمل محددة تخصص معين
فالله يعينك
حاول/ي تدرسين شي تحبينه
موفقه

موفقين جميع -----------

انا مقدمة طلب ابتعاث للمرحلة العاشرة ..وماني عارفة ولا شي احس نفسي خايفة مره..ما اعرف لامعاهد ولاجامعات ولا شي..هل هذي الاشياء لازم اعرفها الحين ولا بعد القبول؟؟ تكفون ساعدوني لاني عضوة جديدة هنا واذا فيه مواضيع تساعد طلبتكم قولولي عليها...ومشكورين مقدماً😥

السلام عليكم ورحمة الله وبركاتة
اريد قبول ماستر مشروط معدلي في البكالوريوس 3.31 من 5 ---2.65 من 4
اللي عنده معلومات عن الجامعات التي تقبل معدلي قبول مشروط وبدون اختبار جي ار اي يا ليت يفيدني
ولكم التحية

ي شباب عندي سؤال اتمنى الرد ...🌹

الحين لو عندي شهادة بكولوريوس بمعدل ثلاثه وشوي تخصص اي تي ( حاسب)

هل في امل ان احصل ع قبول ماجستير من جامعات امريكا او لا ؟



وادا احد عنده خبره ينط لي خاص بلييييز 🌹

دائماً الأمل موجود... كل اللي اللي عليكم هو العمل بجد
وإذا ما تعرف .... اسأل
simply, just ask

مرحبااخ msscti, رأيك في مدينة بورتلاند ولاية اوريجون دراسياً؟؟ الطقس أهم شي عسى ما تكون باااردة او ثلجية في الشتاء؟!
تستحق الشكر الجزيل ع متابعتك للموضوع و ردك ع التساؤلات،، جزيت خير الجزاء أيها الراقي،،