7 أسئلة للمبتعثين ::::

هلا
عندي كم سؤال
انا بسافر لأمريكا على حسابي الخاص ابدرس انجليزي و بعدها ابكمل ماجستير..

رح اساعدك بالي اقدر عليه لاني انا مثلك رح اروح عام 2012

1- انا بسافر من الدمام الى فيلاديلفيا لكن هل فية رحلة بدون توقف ، يعني ناها تكون دايركت بدون ما توقف في مدينة معينة؟ وايش الخطوط الي بالعادة يحجزون فيها الطلاب ؟ الخطوط السعودية ولا الاماراتية ولا ايش...؟

أنا مثلك رح اسافر من الدمام الى الدوحه ومن الدوحه لواشنطن على الخطوط القطرية اما بالنسبه لك من الدمام الي فيلادلفيا ما في رحله بدون توقف لازم اقل شىء توقف عند واشنطن او نييورك يعني مثلا
رحلة على الخطوط السعودية : من الدمام الى الرياض من الرياض الى واشنطن من واشنطن الى فيلادلفيا هاذي الخطوط محد يمدحها وتصنيفها 3 نجوم او الظاهر 2 نجوم
رحلة على الخطوط القطرية : من الدمام الى الدوحه من الدوحه الى واشنطن من واشنطن الى فيلادلفيا هاذي الخطوط الكل يمدحها وتصنيفها 5 نجوم وتراها ارخص من السعودية
رحلة على الخطوط الامارتية : من الدمام الى دبي من دبي الى نييورك من نييورك الى فيلادلفيا الخطوط القطرية ما فيها وقوف لواشنطن وتصنيفها مو متاكد 4 نجوم وسعرها اغلى من السعودية بشوي

2- كيف احجز شقة بالمدينة الي بروح لها هل ادفع من السعودية ولا اذا وصلت وهل ظنكم ممكن تصير ممتلئة الشقق لما اوصل للمدينة طبعا دراستي في نص شهر واحد بالميلادي ؟

شف في موقع اسمه rent.com ادخل عليه حط اسم مدينتك وكم سعر الشقه الي تبيها وتلاقي شقق طب وتخير راسله وضبط معهم من حيث الاستقبال من المطار بس لازم تشوف قربها من معهدك عن طريق قوقل ماب اما ممتلئة فما ادري على حسب المدينة وسكانها بس اذا ما لقيت رح فندق

3- اذا بغيت أسكن عند عائلة من وين اجيب هالعائلة؟ و كم تاخذ فلوس بالشهر؟ و ايش تكون اصول هالعائلة يعني امريكان صدق ولا افريقيين ولا اسيوين (غالبا وش يكونون)؟ واذا كان المعهد هو الي يوفر السكن عند عائلة متى اكلم المعهد بخصوص السكن من الحين ولا اذا وصلت ؟

بعد هاذي يبيلها موقع على الانترنت بس ما اعرف الموقع بس اكتب بقوقل مواقع للبحث سكن عند عائلة مبتعث وتلاقي روابط انشالله تفيدك وبخصوص سؤالك افارقه ولا اسيويين على حسب المدينه الى ساكنها اذا افارقه بتلاقي افارقه العوائل وتقدر بعد عن طريق المعهد بس راسلهم من الحين افضل يعطوك نموذج عبيه وارسله لهم ويدورولك عن العائله المطابقه للمواصفات للي تبيها

4- هل لازم اني ازور الملحقية اذا كنت مسافر على حسابي ولا اون لاين ؟ و وين مكان الملحقية واشنطن صح ؟ لأني سمعت ان مكانها تغير الي فرجينيا الظاهر

الناس في المنتدى يقولون مو لازم صار كل شىء بالنت والملحقيه بولاية فيرجينيا مدينة فيرفاكس قريبه من واشنطن بتلاقي المصري بمطار واشنطن اسئله واهو يقولك اذا كل شىء بالنت ولا لا
انا عن نفسي حجزت من الدمام الى واشنطن على الخطوط القطر يوم الاثنين الوصول الساعه 3 وثاني يوم الساعه 6 المغرب من واشنطن الى ميامي عن طريق الخطوط الداخليه حجزته عن طريق الانترنت اذا تبي تسوي مثلي احجز كل شىء من بدري يعني انا حجزت قبل بثلاث شهور التذكرة ذهاب فقط من واشنطن الى ميامي 75 دولار مع الضرايب مع ان لما تروح واشنطن وتحجز اقل شىء 150 دولار ويمكن ما رح تلاقي حجز ثاني يوم
اذا تبي تعرف طريقه الحجز ادخل قوقل اكتب طريقه الحجز على الخطوط الداخلية الامريكيه شرح بالصور مبتعث بتلاقي رابط بفيدك مثل ما فادني شرح بالصور

5- و أبسألكم بخصوص الرخصة الدولية ... وش لمكاتب الي تكون بالدمام و معترفه فيها امريكا ؟

بالنسبه للرخصه الدوليه ما عندي خلفيه عنها
بس اش دخل مكتب انت تطلعها من المرور ولا انا غلطان

6 هل لازم احط اوراقي الي تخرجت منها من الجامعة في ظرف مغلق و اختم عليها من الجامعة ؟

للاسف انا رايح بكالوريوس مو ماستر بس مره دخل موضوع بالمنتدى مثل موضوعك تقول البنت الي كاتبه الموضوع
تجيب ضرف وتحط فيه كشف درجاتك وتجيب ضرف فيه التوصيات من الدكاتره وتجيب ضرف تحط فيها شهايد ثانية مثل الغرض من الدراسه بس مو عاف وش هي بالضبط وادخلهم ببعض وتختم عليه من برا اخر شىء يعني ثلاث ضروف مختومه مع اخر ضرف يكون كبير فيه كل ذي الضروف وتختمه بعد وياريت تتاكد اكثر بس لازم يكون عندك اكثر من خمس عشان لما تراسل الجامعات كل جامعه تطلب ضرف

7- و هل لازم اختم اوراقي من وزارة الداخلية مدري الخارجية؟ مثل نسخ الشهادات و السجل الاكاديمي و التوصيات ؟ وأيش الوزارة الي لازم اختم من عندها هالاوراق ؟

ذا السؤال بالتحديد ما اقدر اجاوب عليه وانشالله تلقى ناس تفيدك بس ترا مو لازم يجاوبو عليك انت ادخل مواضيع خاصه بالماستر وشف الي كاتبينه يمكن تلاقيه الي تبيه

الله يوفق كل الي بيرودون علي